--حقدي هزم حبك--باللهحة الجزائرية

الجزء الثاني عشر-أرجوك ابحث عني ..مشتاااقه -

تلاقات مروة مع عماد  عند لافاك وقاتلو

هي : علاباللي انو هشام ما يملك والو ومارحش لفرنسا و ذوك الشهرين كان هنا والله كون تقلي هاذ اللغز كامل يتحل وبلاك نقدرو نرجعو كيما كنا 

هو : ونتي شكون قالك ؟

مروة : مدابيا مانتكلمش حتى نعرف وش كاين ....

هو : صحا ..كي عول هشام يخطبك ..... وحكالها بالتفصيل بلي هو كان يمثل على العايلة بلي يحب سهام 

هنا مروة نبضها تسارع وبدات تتوتر ودموع الفرح يهبطو ... حبيبها بقا حبيبها وما بدلهاش حببها عمرو ماخانها ورجعلها الامل باه يولو كيف كيف  : وشكون علابالو بلي كان يمثل ؟؟

عماد : انا وسليمان واياد ولد عمي 

مروة ما صدقتش وما لقاتش وش تقول  ايا لي كان واقف معاها دايرلها  الاخ  اللي صبرها في فراقها مع هشام اللي عاونها كان يكذب عليها ؟؟ علابالو بلي هشام ما يحبش سهام ويحبها ليها وكذب عليها مع دوك التصاور قاع ؟؟ وش كان يخمم ؟؟ وجات رايحة و الأسئلة رايحين ويزيدو ... كلمها عماد 

هو :استني ويين بيها ؟؟ وش بييك ؟؟ وش صرا بيناتكم فهميني ؟؟ 

هي بدات تبكي ...:: داروها بيناتنا خويا عماد داروها بيناتنا ... قالولو راني نخون فيه .. وراني عرفت شكون السبة 

هو : وش راكي تقولي ؟؟ فهميني ؟؟ باه نعاونك فهميني ؟؟

هي : عاوني  .. ما تقولش لهشام بلي علابالي بكلش ماتقلوش هكا تعاوني حتى نكشف كلش 

هو : اوك مي من وقتاه علابالك ؟؟ 

هي : نهار الخطبة عرفت 

راحت للدار وفاهمة بلي اياد كذب عليها ومش فاهمة كيفاه خلا هشام يصدق بلي خنتو فذوك الشهرين 

راها تفكر : هشام مستحيل يصدق بلي انا خنتو اذا مش متأكد ...لابد استعمل نفس الحيلة لي دارها معايا ذارها معاه ... بعتلو تصاويري هاذي هي ....هذي هي الحاجة  الوحيدة لي تخليه يصدق ... بصح انا ما خنتو مع حتا واحد ..شكون اللي يقدرو يدولي تصاور معااه فذوك الشهرين ....ايااااااد انا كنت قريبة من اياد يااسر حتى توشاني شحال من مرة ...راني فهمت كلش ذرك ...دا تصاور تاعي وبعتهملو وتصاور هشام وبعتهملي من بعد كلمني... وكلم هشام قالو بلي رانا نحبو بعضنا هاك هذا هو اللي راه يدور في راسي ومنطقي ...ذرك وشندير ..لازم نكشف هذا كل لهشام ..بصح هو مش قابل بحكي معايا و..بسبة شكو فيا وعلاااه مادورش عليا كيما راني ندور عليه .... انا مام عرفت بلي يحب ذيك الفايحة وبلي كذب عليا قلبت الدنيا عليييه ...نسكت ما نقلوش نخليه يكتشف وحدو باه يعرف بلي انا شريفة ونعرف نحافط على شرفي قبل ما يجي هو يعلمني   ..نخليه يتفكر علاه حبني من البدية ..ولازم نصبر