حكاية مروة وهشام اللي تلاقاو بطريقة غربية فالبوس وقدرهم كان انو يتعذبو باه يوصلو لبعضاهم قصة هاااايلة من غرور
وتكبر وطيبة وخوف وسوووووء فهم وانتقام وعذاب خيبة دماار تتكون قصة حبهم اللي عاشو فيها اللي مكانوش متوقعينو ... تابعو القصة وتفاعلو باهى...
هشام كان يستنا فذاك النهار كل دقيقة كانت تفوت عليه وهو يفتقد فحبيبتو ... النهار اللي ولا فيه حر ويقدر يشوفها .... بعد ما كمل القصة مع سهام وفهم يماه راح يجري لحبيبتو اللي دخل عليها الفاكونص وكانت راجعة لدارهم ...وهي تخمم فيه ووقتاه تشوفو ويبرا الجرح اللي خلاهولها .....وهي تلم فحوايجها صونالها الدجاجة .... هيا ماصدقتش وش راها تشوف شحال توحشت تشوف هاد الاسم يصونيلها رفدت فسع ...
مروة : الو اهلا
هشام : هممم
مروة : هممممممممم
يتكلموللزوج وطايرين من الفرح ... هشام يلعب بذقنو ويضحك للسما ومروة شادة شفتها تلعب بيها وتشوف للرض
هشام ولا يلعب فالسبور من الفرحة ويرقص فالنايلي مع الشاوي .. نسا كيفاه يوقف ويمشي و هو قاعد يستنا
مروة ولات تنقز الحوايج اللي طبقتهم هزتهم فرزعتهم فلرض وولات تعفس فوقهم وتدير فحركات غريبة بيديها و راحت تجري تلبس وهبطت ترقص وتغني .. كي وصلت عند الباب رزانت شوي وخرجت
وتلقاه بعد طول غياب .. هاد المرة ما شافتش فلرض شافت فيه ديراكت ميلت راسها وضحكتلو كيما اول مرة .. هو شافها دارت هاك جرا ليها عنقها هزها ودورها ,, هي فرحت فالبدية من بعد فاقت لروحها خبطاتو للراس حتى هبطها قعد شادلها وجها بزوج يدين وهي تنح فيهم ومش قادرة حتى باسها للجبين باه خلاها ... ومين خلاها طلعت عبايتها لابسة تحتها سروال وتعطيييه ... ولات تجري موراه بالكوتبيات وهو يضحك ويجري بشوي باه تقبضو بسك هي بالعباية ما تجريش مليح ... من بعد دارلها هو و قالها : راني جاي نعاودها ... مع تشوفو تزقي وتروح تجري لداخل لقات روحها فبيتها تضحك وحدها وهو راجع لدارهم وفرحان لي عنقها ... من بعد بعتلها مساج وقتاه رايحة راح نجي نتكلم عليك ...
قرات الميساج مالقاتش روحها قاتلو اليوم وقتاه تجو ؟
هو : نشاور باباك
هي : راني خايفة منو
هو : ماتخافيش راه يحبني وزيد قالي نشوفلك عريس
هي :وشنو ؟؟؟ تخربو مورايا ؟
هو : ما تقوليلوش بلي قتلك تهلاي في روحك
هي : وانت ثان
ذاك النهار كلم بابات مروة وقالو بنتك عجبتني وجايب يما وجاي وباباه فرح دوبل كي بنتو راح تتزوج براجل كيماذاك .... ووصل الخبر لمروة وولات حابة تطير ..راحت لدارهم وجدت القاطو ونهار الكلمة لبست حجاب شباب ومكياج خفيييييف بصح بان عليها يهبببل حتى يلحق هو ويماه ويضيفوهم مليح ....جا وقت النظرة الشرعية ----- السيد راه تعنق ماعندو علاه يشوف بصح البنادم ما يشبعش -- دخلت عليهم خلاتلو عينيه معلقين بقا غايس في عينيها لين فطناتو يماه ...الله يبارك عليها ان شاء الله خير
نطقت ماماها : نخلو الطفلة تخمم ونرجعولكم الخبر
ومروة في قلبها زوجووووووني مش حابة نخمم ...التخمام مضر بالصحة
تفاهمو فيما بيناتهم ووصلهم الرد بلي راها قابلة وقالو نمشو على الاتفاق ...
فاتت ذيك السمانة وهشام دايرها على الخدمة برك يجمع في ثروتو من جديد باه يعيش يماه ومرتو و ذاك الوقت خرجو من دارهم لذيك لموسخة وكراو بالسلف بصح ذيك السمانة لي خدمها هشام بكامل طاقتو وسمعتو اللي رابحها خلاتو يطم مبلغ مليح اللي يساعدو فالخطبة من خاتم ودوزان وقاع ....
جا النهار اللي عصافير او دجاجات الحب تاعنا كانو يستناو فيه كانو رايحين يتزوجو ... واخيير
ناض هشم بكري فكامل النشاط وجد روحو.. الحوايج .. ورايح هو يماه وعماد فالطيارة لعند مروة اللي لبست غوب طويلة وسيري على لاطاي تاعها وشعرها الطويييل ,, عرجاتو شوي وجابتو اكوتي وماكياج خفيف ....المهم جات تفتق بالزين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وقعدت في بيتها تريقل فيها وتستنا فيهم يجو وقلبها مش مطمن كامل .... هشام راه فالطيارة وقلبو وصل قبلو عند مروة
وهو يلحق فيه و مش صايب ههه... وصلت الطيارةوكلمو عايلة مروة قالوهم بلي على ساعة ويوصلولهم ...بداو الضياف يدخلو وهشام ركب فالطموبيل ....
