و كيما كاننت مروة تحس .... ماصراش كلش كيما راهم حابين
"""""""""""""""""""""""""""""""""""""""""""""""""""""""""""""""
مروة تحكي
ـــــــــــــــــــــــــــــ
ماتقدروش تصدقو شحال كنت نستنا فذاك النهار باه نقول لحبيبي شحال نحبو باه نرفد فيه عينيا بلاحشمة باه نكسر الحاجز لي بيناتنا ونبوسو من مرا لراجلها باه نقلو انا نسمي البنات وهو يسمي الذراري من اولادنا ...يا رب احفظنا ....
وجدت كلش لبست ومشطت بعد ما نظفنا الدار و قعدت في بيتي نوجد فيها ونتخيل فحبيبي جالس معايا ...صوت مساج ...نروح نشوف وياريتني ماشفت ياريتني... مع عرفت وليت نبكي ماقدرتش نحبس غلقت على روحي فالبيت تمنيت الموت قبل ذيك اللحظة ...نشوف فخطيبتو لولة شادتلو يدو ...معنقها ..يضحكو ... شادها من يدها ويشوف فيها ..شاريلها كادو تصااور بكل الأوضاع انا مع كل صورة الضو يروح من عينيا ...فطنت ...التيليفون راه يصوني ..اياد ؟؟ مش وقتك يا اياد مش وقتك ...
انا : الو ؟؟
اياد : اسمحيلي يا مروة اسمحيلي
انا مسحت دموعي : وشبيك ؟؟
هو : لي كذبت عليك
انا حرت : وش كذبت
هوبصوت متأسف : هشام هاذ الشهرين مكان ني في فرنسا ني والو كان هنا عايش قصة حب مع سهام
دارت بيا الدنيا ووليت نبكي علاه ياربي يصرالي هاك فخطبتي علااااه
انا : ذرك راك تكذب ...علااااه راك تكذب ؟؟؟
هشام : هذا هو الصح الباقي هوكذب ..هشام يحب سهام ذاك علاه كتبلها كلش باسمها ما عندو والو في جيبو ذرك راه يمشي بدراهمها
انا نعيط : علاااه راك تقلي اليوم؟؟ علاه خليت لليوم وقتلي ؟؟...هاذ الهدرة كن ماقتهاليش ... لوكان متت بيها وماقلتهاليش
علاه راني نتعذب هاك ...؟؟علااااااه..؟؟
هو : اسمحيلي ... ماخلاونيش نقلك ني هو ني صحابو مي نتي غضتيني راح تتزوجي راجل مش يشوف فيك مام با راح تتعذبي ونتي واقفة بين زوج يحبو بعضهم وسهام مش راح تخليك ...
انا نبكي : كي يحب سهام انا علاد يديرلي هاك ؟؟ كي يحب سهام علاه هاذي خطبتي انا .؟؟ ومش مسحقييين منيي ؟؟
كوبيت و طحت فلرض ..كنت نبكي بالعياط ونشنشف على زهري اللي لاحني مع هذا الحب اللي يعذب فيا ... نبكي على الفرحة اللي ماكملتيش ... نبكي على احلامي اللي ماعندها ماتعني .... نبكي على حبيبي اللي ما يحبنيش ...مابقالي مانندب... اذا رفضت اليوم بابا رح يقتلني ... مش راح يخليني نكمل قرايتي .. وزيد ذاك السيد عنقني .. انا اللي حالفة ما يمسني غير راجلي ...يا ربي وش نديييييير
أنت تقرأ
--حقدي هزم حبك--باللهحة الجزائرية
Romanceحكاية مروة وهشام اللي تلاقاو بطريقة غربية فالبوس وقدرهم كان انو يتعذبو باه يوصلو لبعضاهم قصة هاااايلة من غرور وتكبر وطيبة وخوف وسوووووء فهم وانتقام وعذاب خيبة دماار تتكون قصة حبهم اللي عاشو فيها اللي مكانوش متوقعينو ... تابعو القصة وتفاعلو باهى...
