""""""""""""""""""""""""""""""""""""""""""""""""""""""""""""""
الراوية تحكي
ــــــــــــــــــــــــــــــــــ
بعد ما لتقاو اخيرا فالحلال ما قدروش يحبو بعضهم كيما كانو يتمنا ... دارو اليد فاليد وراحو لبيت مروة ....
مروة كانت خايفة من الراجل اللي تزوجها وهو يحب وحد اخرى ... وهشام قلبو مقطع على حبيبتو الطماعة اللي كذبت عليه ....وللزوج كانو حابين يشوفو بعضهم بالطريقة اللي كانت من قبل كانو حابين يحضنو بعضهم فالحلال .. يفرحو انهم راهم مع بعض لكن ما مشاتش معاهم ...
دخلت مروة للبيت هي لولة وفي ايدها يد هشام الي دخل موراها وغلق الباب بالفورص... هنا وردة خافت اكثر ودارتلو وهو يشوف في عينيها كيفاه راهم حابين يبعدوه ... هنا هشام تفجر بالبكا والعياط .... قلبي محرووووق يا مروة ....قلبي محروووق .. مروة مش فاهمة وش صرا وخايفة من تمثيلو بصح قرت مدام هو حاب حبيبتو اللي يمثل عليها هي تمشي معاه بالنية وتتفكر حبيبها اللى عرفاتو ... هشام يعيط مروة قلبي محروق داوييني ...هنا تقدمت مروة ليه وهي مفجرة بالبكا وتعنقاتو ... كل واحد متوحش حبو.. قرو للزوج انهم ينساو وش عرفو ذاك النهار والواحد يبكي في حضن الثاني ويشكيلو همو ...مروة مدخلة راسها في حضنو وتشهق بالبكا وهو مزير عليها وحط راسو على كتافها يبكي ويعاود قلبي محرووق وعلاه ياربي وعلااااه قعدو هاك مدة طويلة حتى هداو شوي ...راحت مروة قعدت فالسرير الدموع ما حبوش يحبسو جا هو حط راسو في حجرها ودموعو ينزلو حتى هو ... حطت يدها على خدو تهدي فيه وتمسحلو على شعرو ... وهو يشم في شعرها اللي طاح عليه ويلعب بيه ...قعدو هاك حتى كلمولهم باه يخرجو ... مسحو دموعهم لبعضهم وتفارقو ...كان ليهم نهار اسود ..بدل ما يكون بداية حبهم فالحلال ...
هشام وصاحبو ويماه كان لازم يباتو فدار مروة بسك مكاش طيارة حتى لغدوة ... تفرقو المعروضين وبقاو غير عايلة مروة اللي فيه زوج ذراري توام صغار 5 سنين يرقدو مع يماهم ...رقد بابات مروة وعماد فالصالون وهشام قالهم حب نرقد وحدي .. مالا داوه للصالون تاع الدهليس -لاكاف - ومروة باتت فشمبرتها ... الناس قاع رقدو وبقا غير مروة وراجلها ..مروة بقات تتفكر و تبكي وهشام ما بقالو دموع وصل بالحزن وين ما قدرش يبكي وينحي على قلبو ...ولا يشوف فنقطة وحدة فالسقف ويحاول ينسا ومروة دارت للحيط ودموعها ما نشفوش ... كلملها هشام بالتيليفون هزت عليه ...
هو بصوت ثقيل : مروة غنيلي
هي ضلت ساكتة ..
هو عيط : قتلك غنيلي
هي سكتت شوي وبدات تغني علبه وهو حاسب على اياد وقلبو يتقطع : رااااااح ...رااااح راح القلب الطيب راح الخضن اللي انا فيه راح ... سبلي حنين والام وجراااح رااااااح
أنت تقرأ
--حقدي هزم حبك--باللهحة الجزائرية
Romanceحكاية مروة وهشام اللي تلاقاو بطريقة غربية فالبوس وقدرهم كان انو يتعذبو باه يوصلو لبعضاهم قصة هاااايلة من غرور وتكبر وطيبة وخوف وسوووووء فهم وانتقام وعذاب خيبة دماار تتكون قصة حبهم اللي عاشو فيها اللي مكانوش متوقعينو ... تابعو القصة وتفاعلو باهى...
