--حقدي هزم حبك--باللهحة الجزائرية

الجزء السابع - حبيبتي انتظريني وأحلامي 2 -

انا : مش معول يرجع هنا وقيل ؟؟ 17 عام وهو فالغربة ما سقساش علينا ..مام كان يهبط هنا

عماد : هذا هو الحل الوحيد لي تقدر تسلك بيه البيرو ...واليوم كيفاه نديرو ؟؟

انا : لازم نفوتو ايامات ما نروحش لين تتسقم الحالة مع بابا ويدي البيرو ولا يولي تقريبا عندو من بعد تقدر تدي كلش والله لا يهنيها  

عماد : انا نقلك ارجع للسبيطار حتى يفوتو هاذ اليام  هاذي احسن طريقة باه نفوتو الوقت 

انا : ايه عندك الحق ...

قعدت انا نتفكر فأيامي معاها وكيفاش تهدر كل تفصيلة ولات تجيني في راسي ..

انا : عماد حاب نسمع صوتها كلمهالي 

عماد : اوك 

كان قلبي يتحرق باه نسمع صوتها  التيليفون يصوني وانا مش صابر 

رفدت : الو السلام عليكم 

ياعمري ماتصدقيش شحال توحشتك حاب نهدر معاك بصح لازم اسمحيلي اصبريلي شوي 

عماد : الو مروة  وش اخبارك؟؟ 

هي : والله الحمدلله ..و انتم ؟؟ 

هو : والله بخير 

هي : غي الخير 

هو : حبيت نقلك هشام راه يسلم عليك ومتمنيلك التوفيق 

هي : يسال عليه الخير الله يكون فعونو 

نبرتها كانت شوك يتغرزلي في قلبي  ... هي ما تتكلمش هاك علاه هاذ البرودة ؟؟؟ نسااتني ؟؟ علاه يا مروة صوتك هاك طمنيني  ..كنت حاب نسقسيها مي لازم نقعد ساكت باه نلحقلها 

هو : امين ... و في عونك 

هي : امين ..على خير 

هو : في لامان 

تكوبا وقصلي الكلمات في قرزيا ...يا ريتو ما تقص 

قررت نرجع للسبيطار باه نيفيتي ديك المخلوقة وكيما كان  الحال جازو دوك ليام وانا نمثل بلي راني مريض وانا كنت نفري فيها مع بابا اللي ما نستعرفش بيه ... 

من لي تفارقت انا و حبيبتي فات شهر تقريبا قعد شهر برك ونرجعلها ونخطبها في خطبة مكاش كيفها ونتزوج بيها ..

 كي نبني روحي من جديد ...كنت نضل غايس في احلامي البنفسجية ونتخايل اولادنا وكيفاه يجو و دارنا كيفاه تبرق من النظافة مع شوي قطوطة يدورو فالدار للروح البيطرية اللي عندنا وهي  تمشي بغوب عجايز على جال الكرش لي رافدتها .....اااه