فاليل ضرباتني لفيقة كنسمعها كتبكي وكتعضر مع الواليد كاتليه راه ولدك هجم عليا فبيتي وبغا يتكرفس عليا وقطع ليا حوايجي ناري أنا فاش سمعت هاد لهدرة شوي مانديرها فحوايجي ناري هاد بنت الهاريبة أش كتكول سمعت الواليد معصب وجاي جيهت بيتي درت راسي ناعس تكانحس بالمانطة تحيدات من فوقي هو يهزني ناري ولد الق*بة بغا يقتلني كتليه مالك الواليد يكما دربك حمار ليل كاليا أنا ليغادي ندرب مك دبا تقادو الكتاف واكل ناعس شارب تامراتي باغيتي تشركها معا ليوما مانشوفش خنشوشك عندي كتليه غي سمعني راه هي.... كاليا سكت ماتزيدش كلمة وحدة جمع حوايج أو خرج برا كتليه فين غادي نمشي أنا فهاد ليل كاليا خرج فحال قبل مانمشي على قبلك لحبس صاف مازدتش معاه لكلام جمعت حوايجي فواحد الشكارة وضربت واحد الألف درهم فالسروال وخرجت غادي وكنبكي فالزنقة علاش أنا يوقع ليا هادشي علاش مي ماشفتهاش أوبا مارحمنيش أش هاد لحياة ديال التب ريحت فالأرض بديت كنبكي تاتنفخو ليا عينيا بالبكا وأنا نوض كلت دبا البكا ماعند فاش ينفعني هنا فين خاصني نترجل نقلب أنا كاع هاد المدينة مابغاتنيش اللهم نخويها مشيت المحطة الكيران تقنت فواحد القنت وأنا نضربها بواحد النعسة تال الصباح فقت بكري شويا نضت مشيت قطعت لطنجة لكار مغادي يخرج تال 9 مشيت طواليت ديال المحطة غسلت وجهي مشيت شديت شي لعيبات قصيتهوم بقيت كنتسنا الكار تاجا شديت بلاصيتي عاد تاني تسنيتو تاعمر عاد قلع باي باي الأحزان باي المشاكل أنا من اليوم غادي نجمع راسي نكون راصي براصي منتسناش شي ولد المرا يعطيني نجيبها بدراعي لمهم ضربتها بواحد النعسة فالكار تكايفيقني واحد سيد مريح حدايا نوض أولدي راه وصلنا فقت كتليه شكرا نزلت وأنا نخرج من المحطة كان الضلام كنفكر دبا أش غادي أه نمشي نقصي هو الأول عاد نشوف ديك ساعة أش غادي ندير مشيت لواحد المطعم كتليه عافاك عطيني شي طاجين صغير كاليا مرحبا جاب ليا القص قصيت مزيان خلصتو وخرجت مشيت المحطة نعس فيها تال الصباح ويحن مولانا هيا هاديك مشيت تقنت كيف العادة فواحد البلاصة وأنا نعس تال الصباح ضرباتني ديك شميشة دخلت غسلت وجهي وأنا نخرج شديت باش نفطر وبقيت غادي كنقلب تابانو ليا شي دراري كيهزو الياجور سولتهوم مانلقاش معاكوم شي خدمة كاليا خويا حنا غير خدامة سول المعلم راه هو فداك البيت كتليه وخا اخويا شكرا مشيت عند هاداك خونا سلمت عليه كتليه
