دازت 5أيام حسيت براصي وليت بخير مخاصنيش نبقا متقل على السيدة جات عندي لقاتني جامع حوايجي باغي نمشي كاتليا فين غادي كتليها راه صاف وليت بخير بلاما نتقل عليك بقات كتشوفيا وريحات فوق الناموسية وبقات كتشوفيا نزلات من عينيها واحد دمعة وهي تعنقني تانا عنقتها حسيت بواحد الحنان عمري حسيتو تانا نزلت مني دمعة تفكرت مي ليما عنديش طلقت منها مشات جابت طابليت كتبت ليا زيد معايا شويا راه أنا ساكنا غير بوحدي أنا هاد ليام ليدوزتي معايا ولفتك بزااف ولفت نفيق ندوز عندك نتا لول معا الصباح لقيتك ضريف ودخلتي ليا لخاطري فكرتيني فولدي ليمات باقي صغير وراجلي تاهو مات بكسيدة هو وياه من ديك ساعة وأنا بوحدي عفاك بقى معايا ديرني بحال ماماك ليماعندكش وأنا نديرك بحال ولدي ليماعنديش
_عرفتي عينيا دموع شلال وكنكتب ليها صاف من اليوم عتابريني ولدك وأنا غادي نعتابره بحال مي ولكن مشكل راه معندي لا وراق لا والو راه أنا دبا خطر عليك ضحكات وهي تكتب ليا وراق بعد غدا نوجد هوم ليك
_أخويا لفرحة شداتني من صبعي الصغير ولكن طمرت مابغيتش نبين ليها كتبت ليها شكرا بزااف هاد لخير عمري غادي نساه متقولش هاد لهدرة نتا راه ولدي كتليها سمحي ليا نسولك باقي معرفتش شنو سميتك وباقي معرفتش فين أنا دبا كاتليا أنا سميتي "كطالينا" فعمري 50 سنة ونتا دبا فمدينة "بوردو"
_كتليها تشرفت بالمعرفة ديالك
_يالله شوف فالعشية نمشيو ندورو شويا فالمدينة ونشريليك الحوايج
_شكرا بززاف ماما كاطالينا
حسيت بيها فرحات فاش كتليها ماما لمهم فالعشية داتني عند الحلاق دارليا واحد لحسانا واعرة ورجعنا الدار دوشت وخرجنا
غادين كندورو فالمدينة مدينة واعرة بزااف بنادم هنا التقافة شوارع تحشم تمشي بسبرديلتك داتني لواحد المول مشينا لبلاصة الحوايج مشات شدات ليا 4 سبرديلات والسراول والقبيات السورفيتات ناري شرينا داك المول كامل عرفتي فركساتني بالمعقول من ساسي تال راصي دخلنا الدار كتبت ليها هادشي غالي بزااف
_شوف ماتبقاش تكول هاد الهدرة ليبغيتها كولها ليا نجيبها كاتليا نسيت ماكتليك راه قيدتك فواحد المدرسة ديال اللغة من نهار الإتنين غادي تبدا
_صاف وخا باش منبقاش معدب فالهدرة
_عندي ليك واحد المفجآة أحمزة كتليها أش ناهيا
_كاتليا غمض عينيك هاني جايا
مشات بقيت كنتسنا وهي تدخل حطات ليا واحد الكرطونة فيديا
_يالله حل عينيك
حليتهوم وأنا نلقا .....
