ونتي هي لي بغيت نكمل معاك حياتي علمي باباك وماماك بلي غنجي نخطبك صاف غادي نقولهاليهوم يلاه دبا نرجعو لخدمة مشينا لخدمة مهم ديك سيمانة دازت طيارة غي التوجاد دير هادي صاوب هادي جاء اليوم الموعود ههههه مشيت دقيت خرج ليا باباها مرحبا بولدي حمزة مرحبا مرحبا دخل اولدي
شكرا أعمي (الصواب أوداكشي نسيب زعما)هععهه
دخلت سلمت على لوالدة ديالها ورحيت معاهوم قتليهوم عمي أنا جاي طالب فبنتك وبغيتها تكون مراتي
مرحبا أولدي إلى كانت قابلة الله يكمل ليكوم أولدي مانزيدكوم غير الخير وخا اعمي
بدا كايعيط ليها كاميليا كاميليا
نزلات حشمانة زعمة وجه ديالها فالأرض قاليها باها بنتي حمزة راه بغاك تكوني مراتو واش قابلة
اه ابابا قابلا
إوا أوليدي مانزيدكوم غير الخير
عمي بغيت نديرو العرس إنشاء الله من دبا جوج سيمانات إلى قبلتو
ولدي هادشي كايبقا الإختيار ديالكوم ليبغيتوه ديروه
شكرا اعمي صاف هي هاديك تافقنا على العرس كلشي تقاد دبا أنا كنوجد مابقا والو جوج سيمانات دازو بزربا جا نهار العرس عرضنا على الموضفين وصاحبي محمد تونسي (نسيتوه) داز داكشي زوين وصل ليل كلشي بدا كايمشي فحالو هزيت مراتي برابعة الكلاسيكو ينادي دخلنا لبيت عارفين اش غايطرا
فالصباح نضت لقيت كطالينا بقا ناعسة بستها ودخلت ندوش دوشت خرجت لبست حوايجي فيقتها نوضي أنعاسة نوضي وماما خليني ناعسة غي شويا
انوضي قاليك ماما باباك هدا نوضي إيسحابليك راصك باقا فدار باك والو مبغاتش تنوض سيدة ميتة يمكن مشيت لتلاجة جبت قرعة ديال لما باردة خويتها ناضت كتجري حشومة عليك احمزة والله
ههههخخ وافيقتك مابغيتيش هدا هو الحل
يخ تف تف والله ماتبقا فيك يالله خرج خليني ندخل ندوش وخا نزلت لتحت قاديت باش نفطرو نزلات كاميليا فطرنا مزيان
كاميليا أش بانليك نديرو شهر العسل فالمغرب نيت منها نشوف لمغرب شحال مامشيت شفتو اه وخا فكرة زوينة يالله نمشي دبا نوجد الوراق وتداكر باش نمشيو اه وخا صاف بستها وخرجت مشيت قاديت لوريقات طيارة ونتي هي لي بغيت نكمل مع 10 صراحة توحشت بلادي جا صباح كاميليا توادعات معا باباها ومامها ومشينا لمطار بقينا كنتسناو نص ساعة عاد ركبنا أول مرة تفكرت نهار كنت جاي هارب ودبا راجع براصي مرفوع حمد لله راجع لبلادي بلعز تفكرت الواليد ومادار فيا هو ومراتو أنا غادي نمشي عندو وخا ماعرفت أش غايدير ليا وخا هاكاك كايبقا الواليد لمهم بقيت غي كنفكر محسيتش بالوقت تكانسمع ربطو الأحزمة ديالكم الطيارة غادي تنزل ربطنا الأحزمة تانزلات وأخيرا غادي نشوف بلادي تاني نزلنا فحالنا خرجت من المطار أنا وكامليا شدينا طاكسي لمحطة باش نشدو الطريق الجديدة قاتليا كاميليا فين غانمشو دبا
غانمشيو لجديدة نشوف لواليد ديالي وصاحبي أنس وديك ساعة نرتاحو فجديدة ونمشيو لشمال
صاف وخا
شدينا طاكسي ديريكت لمحطة ولاد زيان نزلنا ومشينا قطعنا لجديدة الكار مغادي يخرج تال 5 ريحنا كان تسناو تادخل لكار لمحطة عاد مشينا شدينا بلاصينا الجديدة تنادي بغيت ندور لأنس مشات ليا نمرتو ماعرت علاش مابقاتش خدامة غانمشي ونشوف مالو فالطريق عاودت لكاميليا على داكشي ليوقع ليا مني خرجت من الدار تال دبا مابغيت نخبي عليها والو حسيت بيها تأترات
شوف احمزة أنا متأكدة غادي ترجع مع باباك مزيان غير متحاولش تقلق منو
داكشي ليغادي ندير
طريق كتدوز بزربا وصلنا معا ديك 9 ليل نزلنا مشينا لواحد لوطيل نباتو فيه تال صباح هيا هاديك طحنا ماعقلناش على راصنا مع العيا فالصباح فطرنا وشدينا طاكسي لدرب لقديم مشيت لدارنا كندق كندق والو مكاين تاواحد زعما يكونو تحولو مايمكنش مشينا لدار أنس لقيتو مريح حدا دارهوم فواحد الحالة كاع مغوفل وملابسش مزيان وضعاف مشيت كنجري عنقتو وفين أخويا أناس لباس أصاحبي
متكولياش حمزة هدا ناري اصاحبي توحشتك غبرتي وزيانيتي
هههع ومالك اصاحبي ضعافيتي بزااف
أودي غير خليها على الله طلعو بعدا طلعو هو يقوليا بيني وبينك عشيرتك تيتزة من اللخر
قلتليه آهيا غادي تموت أولد لعبد
هههههه واطلعو
وخا طلعنا دخلنا لقيت خالتي ربيعة أم أنس سلمات عليا
وفين غبرتي اولدي شحال قلب عليك أنس ومالقاكش اودي اخالتي غي الضروف او صاف دخلو لصالون مرحبا بيكوم دخلنا ريحنا
أنس اخويا دزت عند لواليد مالقيتوش
بان ليا ولاو فوجهو ألوان الطيف قاليا خويا حمزة ماعندي مانخبي عليك
مالك احمزة هدر مال لواليد
خويا لواليد ديالك لقا مراتو كاتخونو معا واحد قتلهوم وقتل راصو
لا اخويا حمزة لا لا الواليد اصاحبي هو ليبقاليا مشا تفو أش هاد الحياة أسيدي ربي كامليا تصدمات شافتني كنغوت
مالك احمزة أشنو طاري
بابا اكامليا مات عرفتي أشناهيا مات جاعندي أنس نوض اخويا نوض بزز باش سكت نوضني ريحت عارف هاديك الحمارة غادي تخرج عليه كيف ماخرجات عليا
صاف اخويا حمزة هدا قدر من عند الله خاصك تآمن بالله اخويا
عندك الحق أانس هاك شرب أتاي بعدة والله ماعندي منين إيدوز غير ديه ماشي وقيتو..
كامليا سمحي ليا بزااف والله جيت باش نفوج عليك صدقت زايدك بمشاكيلي
سكت ماتقولش هاد الهدرة رتاح دبا تال غدا ويكون خير
اه انس عفاك شوف وخا غانباتو عندك هاد ليلة تال غدا نشوفو فين نمشيو
مرحبا اخويا لبيوت خاوين نعس فين مابغيتي دار دارك
الله يحفضك أخويا غادي نطلع نعس دبا
لا اخويا ها العشا كاتصاوب فيه الوالدة
خويا أنس والله ماعندو منين يدوز
ليباليك اخويا يالله نوريك لبيت فين تنعس يالله هزيت شوانط دياولنا وطلعنا لبيت..
عطاني لفراش قاليا بيتي غير حداك خاصاك شيحاجة دق عليا
عارف اخويا أنس لهلا يخطيك
يالله تصبحو على خير
تصبح على خير اخويا قاديت لفراش فرشت جات تكات حدايا كاميليا قتليها شفتي هاد الحياة شحال صعيبة هانتا عندك فلوس عندك كلشي ولكن والديك شكون غادي يعوضهم ليك مكاينش شكون... بقيت كنهدر معاها تاداني نعاس وأنا نحلم بالوالد ديالي جا عندي قاليا ولدي حمزة كنت مقصر بزااف فحقك وأنا كنتحاسب على داكشي ليدرت ليك ولدي بغيتك تسمح ليا باش نرتاح فقبري شويا عفاك أولدي وأنا نفيق مخلوع وعرقان ياربي السلامة خير وسلام سمعت الأدان ديال الفجر حسيت بواحد الراحة وأنا كنسمع ليه غنمشي دبا نصلي كنت مقصر فالصلاة دبا غادي نوض نصلي مشيت فيقت أنس كتليه سمح ليا فيقتك فهاد الوقت بغيت طواليط نتوضا
لا لا هانيا أجي نوريها ليك مشيت توضيت وخرجت لقيت أنس رجع ينعس تاهدا مكايصليش ليوما غادي يمشي
أنس أنس نوض يلاه توضا ونمشيو لجامع وخا هاني نايض بزز باش فاق توضا وخرجنا لجامع مشينا صلينا دعيت ربي يغفر ليا ولوالديا ولكطالينا طلبت ربي يسمح لواليد أنا مسامح ليه دنيا وأخرة صلينا خرجنا كنحس بواحد الراحة مكينش فحالها غادي أنا وأنس فطريق سولتو دبا فاش خدام وأش درتي فهاد السنين واش كملتي قرايتك ولا لا
أودي أش غادي نكوليك أخويا حمزة نهار فاش غبرتي داك العام كان عندنا الكاطريام فداك العام تبعت واحد دراري دوك دراري كانو خارجين طريق مكناش كندخلو لمدرسة عاطينها غير لسالة بداو كيجروني معاهوم نتكيف فاللول مابغيتش فالأخير عجبني داك الهيت ديالهوم واحد نهار كلت والله تانجرب هاد العجب تما فاش طلع معايا أكبر قالب فاللول كانو كيعطيوني الكارو شويا الحشيش كانو كيعطيوني من عندهوم حسو بيا شدات فيا البلية هوما يقلبو عليا وجهاهوم وليت كنشفر لفلوس لواليدة نعطيهوم باش يجيبو ليا الحشيش باش نكمي لوالدة عاقت بيا ولات كتخبي عليا فلوس بعت حوايجي بعتهوم وتيليفوني فالأخير وليت كنشفر باش نكمي دازو سنين وأنا هاكا ندمت على النهار ليعرفت دوك الدراري
وعلاش أخويا درتي فراصك هاد الحالة شوف دبا حالتك كيولات
أخويا حمزة عقل الصغر والضسارة دارتها ليا
شوف أنس عندي ليك لحل ولكن واعدني عمرك باقي تكمي
خويا أنس غادي نحاول غير دوي
الحل هو.....
