الحل هو غادي تنوض تخدم على راسك وأنا غادي نعاونك الصباح غادي نداكرو فهادشي طلع دبا كمل نعاسك
وخا أخويا حمزة
لمهم طلعت رجعت نعس كاميليا باقيا ناعسة طاحت عليا واحد فكرة كاميليا خاصها تدخل الإسلام غادي نحاول نقنعها باش تدخل مي تانسالي مشاكل أنس
مجانيش نعاس تال ديك 9 هو يعيط ليا أنس قاليا نزلو تفطرو
وخا أخويا هاحنا نازلين
فيقت كاميليا فيقي باش نفطرو فاقت وريتها طواليط غسلات وجها ونزلنا نفطرو لقيت خالتي ربيعة موجدة الفطور الله يعطيها الصحة ريحنا كنفطرو
هي تكول ليا كاميليا هادشي بنين بزاااف
ههههه وايه باقي ماشفتي والو
فطرنا مزيان كلت لخالتي ربيعة هاكاميليا غادي تبقا معاك غادي نخرج أنا وأنس بغاين نقديو واحد الغرض ونجيو
وخا أوليدي سير متخافش عليها
قلت لكاميليا غادي تبقاي معا خالتي ربيعة تانجي
وخا صاف سير
يلاه أأنس نوض تحرك مشينا لواحد الشارع كيعمر بزااف بقينا كنسولو على شي حانوت للبيع بقينا كنقلبو تالقينا واحد فواحد لبلاصة زوينة عجبني تفاهمت مع مولاه غدا نتكاتبو صاف وخا راجعين فحالنا هو يقوليا لاش شريتيه شريتو باش تخدم فيه نتا غادي ندير ليك مطعم خدم فيه هو يعنقني الله يحفضك ليا أخويا أنس خيرك عمري نساه ليك
أودي هانيا مابغيتكش تبقا هاكا راك كبرتي زعما لمهم شوف دبا نمشيو عند الحلاق ياك من وراها نمشيو الحمام وخا أخويا حمزة
هي هاديك مشينا عند الحلاق حسنت أنا وياه ومشينا لدار نجمعو حوايج لحمام دخلنا وأنا نلقا كاميليا كتقطع فلمسمن باغيا تدير رفيسة كلت لخالتي ربيعة الله يعطيك الصحة اخالتي
لمرا عندك درويشة أولدي وكتسمع الهدرة وخا مكنفهمهاش سولها غادي تكوليك سميتو ههههه
قلت ليها كامليا أشنو كديري
قالتليا بواحد الهدرة تقيلة كنصاوب مسمن
نارري نتي تبقاي شهر هنا تولي تهدري حسن مني بالدارجة هههههه لمهم دبا غادي نمشي لحمام أنا وحمزة نمشي نجمع لحوايج ونمشيو
وخا سير
مشيت جمعت حوايجي لقيت أنس جمع حوايجو وخرجنا مشينا لحمام (تفكرت أخر تحمحيمة ليا فالمغرب هههه باغي نغسل وسخ المغرب هاني رجعت ليه)دخلت سلتنا حوايجنا حمزة تخلع كاليا ناري أصاحبي قداش وليتي ونتا لي كيوليتي الجلدة على العضم ياصاحبي مالك مريح فالصومال هههههه واش غادي ندير هادو جوانات ليداروها دخلنا لحمام دربنا تحمحيمة مبرعة وخرجنا مشينا لدار لقيناهوم حطو لغدا كايتسناو فينا ريحنا بدينا كنقصيو كانوري كاميليا كيفاش تاكل عركناها مزيان كاتليا خالتي ربيعة راه كاميليا غادي نديها معايا لحمام اه وخا خالتي ولكن تكايسي مدخليهاش لسخون هاد الماركة بزربا كتدوب
ههههه لا ماتخافش عليها أولدي ههههه لمهم جمعو حوايجهوم ومشاو ريحت أنا وأنس كتليه يلاه معايا
فين غانمشيو
غي يلاه معايا لقصارية نشريو شي حوايج
وخا يلاه نوض
مشينا شريت ليه شي حطات واعرين
ومشينا لواحد لصال زوين كتليه خويا عفاك هاد دري بغا يتقيد
مرحبا أخويا
ولكن غانخلص ليه عام
مكاينش مشكل أخويا بغيتي شي بروتين مزيان
عطيني شي واحد مزيان
وخا خويا شكرا من غدا يبدا
صاف وخا
خرجنا عطيتو لبروتين وريتو لإستعمال ديالو كيفاش
مشينا ضار لقيت كاميليا جات من الحمام وضاربة خريقة هههه قتليها صاف وليتي مغربية ديال بصح
_وايه المغرب زوين أولعيالات كيجمعو يضحكو ويلعبو فالحمام وخا مكنفهمش أش كيقولو ولكن داكشي زوين
_المغرب زوين غير ليعندو لفلوس
_وايه أولدي حمزة والله ماكدبتي
_اه خالتي ربيعة أنس راه قريب يخدم غادي نشريو واحد المحل غادي ندير فيه مطعم وغادي يخدم _الله يرضي عليك أولدي راه قهرني _متخافيش أخالتي عليه...
هاني طلعت نرتاح الفوق
_وخا غادي يطيب العشاء ونعيط ليك
_وخا فيقني.. مشيت نرتاح شويا
تاطلعات عندي
حمزة فيق تعشا
وخا هاني نايض نزلت نتعشا قصيت وقلت لأنس غدا نمشيو عند السيد نعطوه فلوس ونتكاتبو صاف غدا نمشيو
هيا هاديك طلعت نعس فصباح مشينا عند السيد عطيتو فلوس كاش تكاتبنا عطاني سوارت أو مشينا لمحل لقيتو مغبر ولكن كبير جبنا الزلايجي هو الأول من بعد جبنا الصباغ غير سلاو جبنا جوج بنات سيقوه مزيان مشيت أنا وأنس شرينا داكشي المتريال ديال الخدمة الماكينة شوارما والكراسا طبالي كلشي شريناه قادينا داكشي أنس مشا ضبر ليا فخمسة ديال دراري جوج سرباية وتلاتة طباخة كلشي دبا مزيان من النهار اللول بدات الخدمة وزحام المطعم سميناه"مطعم الإخوة" الحمد لله أنس تهنيت عليه عطيتو باش يتلها ويضبر على راصو ويتهلا فميمتو ديت كاميليا لمطعم تغدينا فيه عجبها قتليها على الإسلام قاتليا خليني نفكر باقي مفاهمة عليه والو
اه وي ضروري فكري مع راسك...
نهار لاخر جات عندي كاميليا
حمزة صاف أنا اقتنعت غادي ندخل الإسلام بحت عليه دين عجبني بزااف غادي ندخل
صراحة فرحت بزااف عنقتها وبستها مشيت الجامع مع الضهر عند الفقيه عاودت ليه قاليا:
الله أكبر مرحبا بيها دخلها عطاها ميكرو بدات كتعاود داكشي ليكايقوليها جامع كامل كايبكي دموع كينزلو بالفرحة قررات تبدل سميتها ولات سميتها عائشة ...
دازت يومين توادعت مع أنس ومو ومشينا تسركلنا فشمال مزيان ورجعنا الجديدة وصيت أنس درت كاميرات فالمحل باش نبقا مراقب قلت ليه من 6شهور 6رجع عندك ماتفرقنا غير بزز بالدموع رجعنا لفرنسا كلشي باقي هو هداك تاحجة ماتغيرات روتين ديال خدمة هو هو داز شهر جات عندي عائشة قاتليا راني حاملة لا ماتقوليهاش أغويا الفرحة الفرحة هرمت من أجل هده اللحضة التاريخية ياسلام دبا ولات مسؤولية خرا لوقت كايدوز بزربا 9 شهور دازت بزربا سبحان الله مكايجيهوم الوجع تال الفجر
حمزة نوض نوض راه واقلية غانولد دبا
كيفاش قفزت من بلاصتي بزربا قتليها تنفسي تنفسي ماتخافيش هزيت طموبيل طيارة لصبيطار دخلوها وحبسوني كاليك تسنا بلاتي شديت تيليفون عيطت لماماها وباباها جاو بزربا بقينا شويا خرج عندنا طبيب مبروك دزات عندكوم بنية ياربي بغيت نطير بالفرحة دخلنا بست عائشة ناري بنت آية فالجمال بستها الزين والد الزين صيفتها أنس فواتساب فرح مسكين لمهم خرجت عائشة دازت 7 أيام درنا سبوع داكشي زوين بنتي غادية وكتكبر لمغرب كنمشيو ليه دائما أنس تزوج الحمد لله الحياة مستقرة حاليا وهادي هي الحياة
