بانت ليا عامرة بالسيكيريتي وضفاك مشيت تقنت بقيت غادي بشويا بشويا وأنا نشوف واحد جوج سيكيريتي تقنت وبقيت كنسمع ليهوم كال لصاحبو هدا آخر باطو غادي لفرنسا غادي مع 10 ليل غدي يتحركو من هنا ناري أنا فاش سمعت هاد الهدرة القلب ديالي تهز من بلاصتو واه لفرحة الحمد خاصني غير نعرف كيفاش ندير تاندخل ليه ونتخبا تانوصل بخير لمهم دبا نمشي عند الدراري تيانعسو نهز حوايجي ونخرج نمشي فحالي مخاصهومش يعرفوني فين مشيت داكشي ليكاين مشيت عندهوم لقيتهوم مرحين سلمت عليهوم كالوليا فين كنتي كنت غير كندور شويا لمهم دخلت ريحت معاهوم حطو لعشا قصينا مزيان مشيت أنا درت راسي ناعس بقيت شي ساعة تاحسيت بكلشي نعس وأنا نوض هزيت شي حوايج ديالي وشي فلوس مقنتهوم كنت كنجمعهوم لمهم خرجت ويالله 2 ديال الصباح هادي خرجت مشيت كملت نعاسي فواحد الجردة فالصباح فاش فقت أول حاجة درت هي مشيت لحمام نحيدو وسخ المغرب دخلت طلبت من عند داك مول الحمام الماعن ودخلت دربتها بواحد العومة مبرعة خرجت مشيت شريت واحد الحطة وخرجت شريت واحد الصاك وشريت الماكلة وشريت قرعة ليصانص صغيرة وبريكة {من بعد تعرفو علاش شديت ليصانص وبريكة}لمهم تحركت لمرصة مشيت لديك لبلاصة وأنا نلقا واحد فلوكة صغيرة قريبة لداك لباطو خويت ليصانص فيها وشعلت لعافية مشيت بالجرا تقنت تكايبانوليا سيكريتي غادين كيجريو لبلاصة فين كاينة لعافية بان ليا القنت خوا وأنا نمشي لداك الباطو ولكن كيغاندير ندخل دبا تكانسمع شي واحد خارج من واحد الباب صغير تخبيت تاكانسمعو كال دبا كلشي مزيان ونسا الباب محلول ومشا ناري كاع هادا زهري عندي ياربي دخلت بالجرا من داك لباب وسديت الحمد لله عاد حسيت بالراحة بقيت واحد ساعة وأنا غي كالس جاني الملل تاكلت صافي غادي نرجع فحالي....
