كتليه عفاك أشريف راه بغيت غير شي خدمة معاكوم كاليا ولدي واش نتا قادر على هاد الخدمة ماتخافش أعمي جربني وتشوف كاليا وخا غادي نجربك ليوم وإلى كنتي قادر غادي تبقا خدام معايا كتليه شكرا اشريف الله يرحم الواليدين كاليا عيط ليا غي سي سعيد كتليه وخا اسي سعيد والله يرحم الواليدين راه معنديش فين نسكن كاليا متخافش غادي تولي ساكن مع الدراري كتليه الله يجازيك بخير أسي سعيد كاليا مكاين موشكيل لبس شي حوايج قدام ولبس هاد لبوط وسير تخدم معا دراري هوما يكولوليك اش دير مشيت لبست لبوط وخا كبير هانيا مشيت كاليا واحد دري هز هاد الخناشي تسيمة وطلعهوم معانا ل4eme بديت كنهز فدوك الخناشي وكنطلع عرفتي كانطلع بجوج بجوج كنهز تامابقاش عندي سوفل ولكن خاصني نصبر بديت خدام داك النهار تال لمغرب عاد حبسنا الخدمة أنا العضم الصحيح مابقاش عندي جا سي سعيد خلصنا عطاني 80dh كاليا خدمتك عجباتني بقا راه غادي نزيدك شويا كتليه الله يرحم الوالدين مشيت داك لبلاصة فين كينين دوك الدراري دخلت عندهوم لمهم تعارفنا تاهوما هارب ليهوم مكاين غير ضحك واحد دري كيصاوب الكاميلة لمهم قصينا نعسنا فقت تاني نفس السيناريو بحال ديما غير الخدمة دازت شهرين بديت كنولف الخدمة دوك دراري تعاشرت معاهوم والخلصة دزات ولا كيعطيني 100 درهم واحد النهار مريح مع الدراري بعد ماسالينا الخدمة هو ينطق واحد راه واحد دري صاحبو لقا شي باطو خارج دخل تخبا فيه دبا راه كاين فإيطاليا وهيا دير ليا طن فراسي مالي أنا غادي نبقا بناي حياتي كاملا خاصني تانا نصوفي راسي ياربحة يادبحة لمهم نمشي تما ندير علاش نرجع لمهم مانبقاش حياتي كاملا فالعداب اه ولكن دبا خاصني شي طريقة باش نمشي دبا غادي نعس على شي باطو نشوفو إيمتا غادي يقلع فاش نسالي لخدمة فليل نولي نمشي لمرصة نعس على شي باطو لمهم داك النهار مجانينش نعاس بايت كنفكر أش غادي يوقع واش غادي تصدق ولا ماتصدقش لمهم فالصباح خدمت عادي بحال ماواقع والو فاليل ساليت الخدما وقصدت المرصى فاش وصلت بانت ليا عامرة ب....
