كاتليا كاطالينا صاف راه قيدتك فمدرسة ليكنت كتليك فاش تسالي جي رتاح فدار وجي لشركة باش تندامج فالخدمة فاش تشد ديبلوم غادي يولي كلشي ليك عرفتي مشيت عنقتها كتليها نتي أحسن أم فالدنيا
_ونتا أحسن ولد
هههه اه واحمد تاهو تعلم اللغة ولى خدام فريسطورا ديما كنشوفو جا نهار مشيت المدرسة بديت كنفهم شويا فداك شي كيعلمونا كيفاش نستعملو البيسي وكدا المدرسة فيها تيتيز تعرفت على دراري ودريات خرجت مشيت الشركة وأنا نلقا كطالينا كتسنا فيا سلمت عليا كاتليا زيد دخل لهاد البيرو من اليوم غادي تبقا تسطاجي فيه بيما ساليتي العام وسيكيرتيرة غادي تبقا تعاونك وتفهم سيستيم ديال شركة صافي هيا هاديك دخلت جات عندي ديك السيكريتيرة واي واي كي دايرة بففف انا بعدا سطاتني فصالة كيف دايرة جات عندي سلمات عليا
_مرحبا بيك اسي حمزة معانا فالشركة
_الله يحفضك ازين ديال شركة
_هههههه شكرا بزااف يالله نبداو
_وخا نبداو
هيا هاديك بدات كتوري فيا هادي لاش وهادي لاش مرة مرة غميزة ههههه
سالينا كاتليا عطيني نمرتك أنا غادي نعرض عليك ليوما لعشا
_اه وخا قيدي عندك
عطيتها نمرتي ومشيت عند كاطالينا
_صاف راه ساليت
_إوا عجباتك شركة
_اه شركة زوينة بزاااف ورتاحيت لخدمة هنايا
_إوا داكشي ليبغيت بغيت نشوفك غير فرحان لمهم يالله نمشيو دبا لدار
_يالله نمشيو
خرجنا لقينا شيفور كايتسنا فينا غادين فطريق هو يوصلني ميساج فواتساب نمرة معرفتهاش صيفت ليها شكون معايا
_وايلي ماعرفتينيش ههه
_هههههه لا ماعرفتكش
_أنا هي الزين ديال الشركة هههه
_اه نتي لباس عليك بخير لباس وقولي ليا بعدا اشنو سميتك
_سميتي كاميليا
_متشرفين كامليا
_شكرا غير بغيت نكوليك أنا عارضة عليك ليوما لعشاء إلى قبلتي لعراضة ديالي
_اه مرحبا عطيني لعنوان نجي ولوقيتة معاش
_اه وخا
صيفطات ليا لعنوان فواحد ريسطورا معا 8 نمشيو وخا مغاديش نمشي لونتريما هانيا وصلنا لدار دخلت تعالجت شويا طلعت لبيتي شفت شحال فساعة لقيتها 7 مشيت بالخف ضربتها بتدويشة ومشيت لبست واحد لبيسة كلاص خرجت كاتليا كطالينا فين غادي كتليها والو غادي عند واحد صاحبي طلقتها عليها كاتليا اه سير وماتعطلش مشيت كلت شيفور وصلني داني وصلني كتليه بلاما ترجع غير سير مشا دخلت لريسطورا لقيت كاميليا كتسنا ناري ياخويا تيتيزة بالمعقول لابسة واحد الكسوة فالحمر كتبان تيزيزة سلمت عليها كتلهيا جيتي زوينا كاتليا شكرا تانتا جيتي كتحمق
ريحنا بدينا كنديو ونجيبو فالهدرة طلبنا القص بدينا كنقسيو ومطلعها عليها وهي غي كتضحك فاش سالينا خارجين فحالنا وهي تكول ليا دوزت معاك ليلة زوينة تانا عجباتني وشكرا بزااف على العراضة
_ماعندك علاش تشكرني بالعكس أنا فرحانة لمهم دبا نخليك نكملو فواتساب وغدا نتلاقاو فشركة
_يلاه بسلامة
بغات تمشي وهي تضرب ليا واحد البوسة ياخويا درية فرماجة مشات وأنا نشد طاكسي وصلني لدار دخلت لقيت كاطالينا ناعسة مشيت لبيتي تكيت فناموسية جبدت تيلي لقيت ميساج من عند أنس بقيت شاد معاه ستون ودخلت عند كاطالينا تاهي هضرت معاها ومحمد التونسي تاهو كتليه غدا نشوفك فليل نمشيو نضربو شي تسركيلة بقيت مجمع معاهوم تاجاني نعاس ضربتها بنعسة... فصباح كنفيق مع 7 دوشت وخرجت المدرسة نفس الروتين فلعشيا الخدمة مع كاميلية صراحة درية ضريفة بززاف وخا كبر مني بعماين هي مفراسهاش معا لونتريما وليت كنبان كبير داز العام بزربا هاد العام شديت ديبلوم وعلاقتي بكاميليا زادت كبرات وليت كنبغيها وكتبغيني العمر هانيا لمهم هاد شهر غادي نخدم على واحد التصميم ديال واحد الخاتم كاتليا كاطالينا نتا لي غادي تكفل بهاد الروجي وريني حنة يديك ولات دبا عندي مسؤولية كبيرة واقف على الخدامين بجدية والصرامة فالخدمة شرطت على دوك المصممين بغيتكوم تنافسو نشوف أحسن تصميم هو لي غادي يبقا خدام شي لاخر ماعندي ماندير بيه عندكوم مهلة ديال سيمانة نلقا التصميم كمل (درت ليهوم هاكا ياش نزرع فيهوم الغريزة ديال المنافسة ماغدي نجري على تاواحد....
