هادي عاد سمعت صونيط مشيت بجرا حليت لقيتها هي
تتخلعت عليك أشنو درتي
صاف خرجات بقيت تابعاها لقيتها مشات لواحد دار غدا سير ليها غادي نعطيك لعنوان صاف وخا غدا نمشي مشيت نعس ولكن نعاس مجاش كنفكر غير فغدا لمهم فقت فطرت عطاتني كاميليا طوموبيل وتحركت غادي لديك دار فطريقي عيطت لكوميسير عاودت ليه كتليه غادي عندها وانا غانجيب دليل كاليا سير وراك تحت المراقبة
عارف ماتخافش مشيت حطيت طموبيل بعيد على دار ومشيت خدمت مسجل وانا ندق عليها شافتني وهي تصدم بغات تسد لباب وانا ندفعها كاتليا هربتي من لبوليس كتليها شوفي خبيني عندك الله يخليك معندي فين نهرب بدات كتضحك
ههههه هادشي ليبغيت وصلتو خالتي قتلتها حيدتها من طريق ونتا غادي إيشدوك أنا تروة غادي ترجع ليا كتليها عطيني فلوس غير باش نهرب خليت ليك كلشي
_لا لا نتا مغاديش تهرب غادي تبقا هنا تايجيو لبوليس هو يخرج واحد خونا كيضحك كاليها هادا هو حمزة مشيتي فيها أولدي واحد 20 عام مايحيدهاش ليك طبيب عطيت لمو واحد ديريكتة وأنا نعلف بدات كتغوت خرجت غادي كنجري لطموبيل حبست تسجيل بزربا لعند لبوليس وريتهوم دليل
برافو عليك كال لواحد لبولسي يالله نمشيو ليها ركبو هوما تبعتهوم أنا بالطموبيل غادين موركين وصلو دقو خرجات ليهوم شافتني مع لبوليس وهي تصدم زربو عليها دارو ليها لمينوط داك خونا طلع معا دروج بغا يهرب تبعتو شديتو فالدروج تاوصلنا لصطح غبر ليا مالقيتوش ناري هادا فين مشا كنسمع حمزة عنداااك كنضرو هو يضربني بقرعة ديال جاج كنغيب مكنفيق كنلقا راسي فالصبيطار وكاميليا وباباها ومامها والكوميسير حدايا كلشي كايقول ليا علا سلامتك مني فقتي شكرا ليكوم بزااف سي لكوميسير واش شديتو هاداك لمجرم اه شديناه قراب يتحكم عليهم وراه دبا كلشي رجع كيف اللول وسمح لينا أسي حمزة شكينا فيك
_لا مكاين مشكل شكرا بزااف
_يالله نخليك ترتاح بسلامة عليك
مشا الكوميسير هو والدين كاميليا بقات غير هيا معايا
خلعتيني عليك ألحمق ديالي
ههههه ياك علاه شحال وأنا مغيب راه يوماين دبا
واو بزربا دازت يومين شوف جيب ليا ماناكل فيا لموت ديال جوع
وخا تسنا هاني جايا
مشات جابت ليا ماناكل خشيت فوجهي مزيان لمهم دازت يوماين فصبيطار خرجت داتني كاميليا لدار الحمد لله دبا كلشي رجع ليا ولكن ناقصة شي حاجة هي كاطالينا شداتني لبكية تفو طلعت لبيتي قاتليا كاميليا هاني غنمشي دبا تال الصباح نمشيو لشركة اه وخا صاف مشات دخلت دوشت ونعست فصباح لبست حوايجي مشيت لشركة كلت لكاميليا قولي ليهوم اجتماع دبا بغيت كلشي يحضر
علاش
من بعد وغادي تعرفي
صاف وخا دبا نمشي نعلمهوم دخلت لقاعة الإجتماع بديت كنتسنى تاتجمعو كاملين كلشي كايتساءل علاش هاد الإجتماع الطارئ قتليهوم معرفتوش علاش جمعتكوم ليوم
كلشي قال ليا لا
وخا عندي فهاد اللائحة 8 الموضفين دخلو اللائحة السوداء واليوم هو اللخر ليهوم معانا ليكلت سميتو غادي يخرج ويتسنى حسابو يخرج ليه بلاما يزيد معايا الهدرة هوما عارفين اش دارو وهدا هو الجزاء ديالهوم قلت سمياتهوم خرجو هوما قلت ليهوم دبا سالا الإجتماع كلشي يرجع المكتب ديالو خرجت وهي تبعني كاميليا حشوما عليك جريتي عليهوم بدون سبب
وما حشوماش عليهوم هوما كانو غادي يدخلوني لحبس ب20عام بدون سبب وهوما ليشهدو ضدي
انا مكنضلم تاشي واحد اكاميليا
صاف سمحليا ناري هاد ناس كانو هوما كلشي فهاد شركة
صاف نساي عليا هاد لموضوع مع 12 نخرجو بغيت نقوليك واحد الحاجة
اشنو هي هاد الحاجة
نخليها مفاجئة تال 12 خخخخ
راه غايبقا ضارني راسي
سيري يالحمقة تخدمي راه هدرنا
ههههه وخا صاف
وصلات ل12 مشيت أنا وكامليا لةاحد القهوة ريحنا قاتليا اشنو هو لموضوع راك شوشتيني وخا ألالا
معرفتش كيفاش غانقولها ليك سيمانة جايا غادي نجي نخطبك واش تقبلي تزوجي بيا
واش بصح احمزة كاندوي بصح
ناري احمزة أنا مامتيقاش هادشي وأخيرا غادي نتزوجو
اه تانا فرحان بزاااف ونتي هي لي بغيت نكمل معاك....
