نضت غادي معا شانطي بغيت نضور وأنا نتهز فسما أناري ياسيدي ربي هادشي ليبقا ليا غيبت كنفيق كنلقا راصي فواحد لبيت وناعس فوق ناموسية يلاه كنحل فعينيا وفيا العطش كنعيط بغيت لما بغيت لما وكنغوت فين أنا تاكادخل واحد لمرا كبيرة شويا بدات كتهدر بفرونسي مافهمت فيها تاقنيونة شيرت ليها بيديا لقرعة ديال لما عاد فهمات عطاتني نشرب بدات كتهدر كتليها كلمة وحدة كتليها راه مكنعرفش لفرونسي كاتيليا (abon ok att )مشات جابت واحد طابليت دارت فيه trudiction شديتو من عندها وبديت نكتب ليها أنا فين دبا قرات داكشي وهي تكتب ليا واحد الجريدة بلي راه كنت غادي فشانطي وأنا بغيت ندور وضربتك غيبتي وجبتك ليك طبيب لدار دبا نتا راك يومين ونتا ناعس وسمحليا بزاااف حيت كنت عصبة ومقصدتش نضربك كتليها ماشي مشكل وسمحليا إلى تقلت عليك نولي بخير وغادي نمشي(هادشي كامل بالترجمة) فحالي وسمحيليا _دبا غادي نمشي نجيب ليك تاكل شويا ونجي عندك
_وخا وشكرا بزااف
مشات جابت ليا مانقصي عركتها مزيااان هيا غير كتشوف فيا قصيت مزيان جيت وهي تكتب ليا نتا منين جيتي باينا عليك ماشي من هنايا عاودت ليها كلشي من الأول حتا اللخر حسيت بيها تأترات بالقصة ديالي كالت ليا كلس عندي شحال مابغيتي تاتوقف على رجليك وديك ساعة دير لي بغيتي كتليها شكرا بزااف على هادشي كامل ليدرتي معايا كاتليا ماشي مشكل دار دارك هاهو طابليت خليه عندك راه فيه لويفي تلها فيه تاتبغي تنعس كتليها شكرا ومشات اول حاجة درت تفكرت فيسبوك ديالي شحال ماحليتو كنت كنمشي نحلو غير من سايبير إلى كانت عندي ساعة متقوبة لمهم دخلت لفيسبوك واو شحال فيه ديال ميساجات أول حاجة درت دخلت مشيت عند أنس لقيتو مصيفت ليا فينك خويا غبرتي فين مشيتي راه مخلوع عليك ناري توحشتو بزااف صيفت فين اخويا أنس لباس عليك بزربا جاوبني واش حمزة هدا فين غبرتي أصاحبي كنت مخلوع عليك مشيت سولت باك كال ليا أنا كاع معندي شي ولد سميتو حمزة مالك معاه كتليه راه قصة طويلة عاودت ليه من اللول تصدم كاليا نتا دبا ففرنسا كتليه اه اخويا انس غير نقاد أموري هنا ونرجع نشوفك
_ماتغبرش عليا أصاحبي نتا راك كتر من خويا
كتليه متخافش غادي نرجع عندك
لمهم بقينا شادين لهدرة تاجاني نعاس وصيفت ليه يلاه نخليك نمشي نعس تال صباح لمهم سديت فيسبوك ودرت واحد لفيلم زوين تفرجت فيه تاداني نعاس لمهم دازت 5أيام حسيت براصي مزيان..
