سبحان الله وبحمده سبحان الله العظيم عدد ماكان وعدد مايكون وعدد الحركات والسكون
لاتنسو التصويت🌟+ التعليق الحلو❤
❤🌹❤🌹❤🌹بسم الله🌹❤🌹❤🌹❤
#بقلمي الشاعر والكاتب: عبدالاله عدنان
بابا: سمعتو جواب البنية واحنا مانكدر نجبرها على شي.
العميد: يله احنا نترخص" تشرفنا بمعرفتكم وبيت العامر ابو ايه"
بابا: يعمر دارك دكتور.
جاسم: چنت اباوع على ايه ونار مشتعلة بصدري هاي طلعت صدك ماتحبني وچانت تستغلني قسم بالله الي خلق السما والگاع الا اخليچ تدفعين الثمن غالي"
حچه العميد ويا ابو ايه وبعدها گمنا كلنا وسلمنا على ابو ايه وباوعت على ايه وصارت عيني بعينها ماحسيت بانها نادمه چانت تباوع عليه بثقه "
گلت بداخلي راح اكسر غرورچ هذا والايام بيناتنا يا ايه"
بعدها طلعنا من بيت ايه بابا ماحچه شي ظل ساكت وكذالك ماما مصدومه بعدها مشيت ويا الدكاترة بتجاه سياراتهم وچان يگلي العميد لاتزعل ولا تضوچ باچر راح ندورلك على مرة ونلكيلك احسن منها ان شاء الله.
گلتله الله كريم بس اني احب اختار البنيه الاريدها بنفسي
گالي مثل ماتريد من تلگه التحبها ويريدها گلبك خابرنا واحنا حاضرين باي وقت يله احنا نترخص نشوفك بخير.
سلمو الدكاتره علي وبعدها ركبو سياراتهم ومشو اني رجعت امشي بتجاه باب بيتنا وچان اشوف سيارة تطبگ گدام بيت ابو ايه نزلو منها 5 زلم واحد شايب و4 زلم...
ركزت على واحد منهم چان لابس قاط اسود مثلي توقعت بانه ابن عم ايه
دگو الباب وره لحظات طلعلهم ابو ايه وفاتو جوه.....
وراها دخلت لبيتنا وصعدت الغرفتي وقفلت الباب وتمددت ع الجرباية ومالي خلك حتى انزع ملابسي....
بيت ايه....
ايه: اظطريت امثل دور القوية گدام جاسم حتى ما اخسر بابا للأبد....
بعد ماراحو الدكاترة بشويه اجه على بيتنا عمي مزهر وابن عمي عماد
وافق بابا واني ماگدرت اعترض قبل اذان المغرب بشويه طلع عماد يتمشه بالحديقة وگالي تعالي وياي بالبداية چنت متردده بعدين فكرت هذا راح يصير زوجي ولازم انسه جاسم للأبد....
أنت تقرأ
اقسمت الا اخليك تحبني((باللهجة العراقية))
Romanceرواية حقيقيه/ تخلت عنه وذهبت لتتزوج من رجل اخر اقسم ان يجعلها تدفع الثمن لانها فضلت رجل اخر عليه هل سوف يعرف الحقيقه ام ان الغضب سوف يعميه.. 1# في العاطفية 2018/9/11 #لا احلل سرقة ونقل ونشر الرواية #لا احلل سرقة واخذ افكار الرواية تأليف الشاعر والك...
