سبحان الله وبحمده سبحان الله العظيم عدد ماكان وعدد مايكون وعدد الحركات والسكون
❤🌹❤🌹❤بسم الله❤🌹❤🌹❤
#بقلمي الشاعر والكاتب: عبدالاله عدنان
ايه: بعد ماخلصنا كل المحاظرات طلعنا من الجامعه وركبت ويا ابو الخط ومن وصلت البيت شفت سيارة جاسم واگفه باب بيتنا......صراحه فرحت كلش لان اتوقعت انه رجع اليوم من وكت علمود بابا......نزلت من السيارة وفتت ع البيت چان اشوف حذيان هوايه يم باب الگندور حسيت عرفت انو اكو خطار يمنا....اول ماسديت باب الدير......طلعت ماما تباوع باب المطبخ......هلا ايه فوتي ع الربعه عمج مزهر ولده اجمي حتى يسلمون على ابوج وهم خوالج موجودين
____صدگ لعد چان اتصلتي علي حتى ارجع من وگت حتى اعاونج بالغده
مايحتاج جاسم جابلهم سمچ مسگوف وكباب ودجاج شوي من المطعم
____اهنا فرحت كلش اريد اتباهه بيه گدام عمي مزهر الي جان رافض اني اتزوج منه خل يشوف كرم حبيبي وشلون يهتم ب بابا بعينه.......تمام هسه اروح اسلم عليهم بس فوتيلي الملازم والكتب جوه
جيبيهم وروحي سلمي وتعاي حتى اصبلج غده
____اول ما فتت ع الربعه شفت جاسم گاعد يم راس بابا وبابا مدد على وحده من القنفات وعمي مزهر بصفه.....طبيت ع الربعه وسلمت على عمي مزهر وخوالي واجيت على بابا بسته من راسه.....ها بابا محتاج شي
لا بابا مامحتاج شي روحي تغدي وارتاحي
____التفتت على جاسم شفته يباوع عليه
جاسم: لاتختفين على ابوج اني يمه روحي تغدي
____ ابتسمت بوجهه.....ماشي رايحه.....گمت حتى اطلع چان يسالني عمي مزهر......هو وشايل السبحه بايده شلونج بالدراسه يابنتي
ايه: الحمدلله زينه عمو
____اي عفيه عمو اقري زين حتى تنجحين
ان شاء الله عمو
____ماقررتي انتي وجاسم شوكت راح تزوجون
اهنا انحرجت من سواله......جان جاسم يرد
____خلال الشهر الجاي احنا متزوجين ان شاء الله
مزهر:- الله يتمملكم بالخير ان شاء الله.....وانت شاب ذهب ياجاسم وماراح اوصيك على ايه لان اعرف بيك تحبها وتخاف عليها اكثر من روحك
___ ولو ياعمي اني ابنكم منكم وبيكم وانتو اهلي وتاج رأسي
يسلم راسك الله يحفظك ياطيب
أنت تقرأ
اقسمت الا اخليك تحبني((باللهجة العراقية))
Romanceرواية حقيقيه/ تخلت عنه وذهبت لتتزوج من رجل اخر اقسم ان يجعلها تدفع الثمن لانها فضلت رجل اخر عليه هل سوف يعرف الحقيقه ام ان الغضب سوف يعميه.. 1# في العاطفية 2018/9/11 #لا احلل سرقة ونقل ونشر الرواية #لا احلل سرقة واخذ افكار الرواية تأليف الشاعر والك...
