اقسمت الا اخليك تحبني((باللهجة العراقية))

الشخصيات

سبحان الله وبحمده سبحان الله العظيم عدد ماكان وعدد مايكون وعدد الحركات والسكون

لاتنسو التصويت🌟+ التعليق الحلو❤

❤🌹❤🌹❤🌹بسم الله🌹❤🌹❤🌹❤

#بقلمي الشاعر والكاتب: عبدالاله عدنان

Let's Go....

جاسم: السلام عليكم اني جاسم عمري 29 دكتور بجامعة بغداد ادرس الطلاب احياء معاصر "عملي" ، داخل نادي كمال الاجسام حتى احافظ على لياقتي البدنية، طولي 193سم جسمي رياضي، صديقي صالح استاذ يدرس بالجامعه تشريح نبات "عملي"، اما شخصيتي فراح اخليكم تعرفوها داخل الرواية، عايش بيت واحد ويا ابوي وامي واختي الصغيرة ورود بالنسبة لبابا فهو مهندس كهرباء متقاعد اما ماما فهيه ربة منزل واختي ورود طالبة علوم حياة مرحلة اولى عمرها 19 وهيه صديقة ايه، اما بالنسبة لبيت ايه فهم يسكنون جيرانه الحايط ع الحايط، چان عندي اخ اسمه محمد اصغر مني بسنتين مات قبل 7 سنوات انگلبت بيه السيارة على طريق كركوك_ اربيل چان بوكتها رايح ويا اصدقائه سفرة ع المصايف الله يرحمه كل ما اذكره اختنك اووف شگد چان حلو بس هذا حكم القدر ومانگدر نغير الي صار والحمدلله ع كل حال

ايه: اوووف منك جاسم الا تخلينا نحزن من البداية، يله عوفكم منه وتعالو وياي خل اونسكم، اسمي ايه عمري 19 مرحلة اولى علوم الحياة، اني رشيقه كلش وزني 49 بشرتي بيضه جسمي حلو وعندي غمازات وشعري اشقر وعيوني عسليه فديتني شكد اخبل اني هههههه طولي 167سم يعني من اكف اني وجاسم سوه اطلع قزمه خرب بيومك جاسم انطيني من طولك بس 10 سم ماريد اكثر هههه.

جاسم: اخذي عمري كله مو بس طولي ههههه.

ايه: اي هاي بس كدامهم هيچ ومن يروحون سانتي واحد متنطيني بخيل ههههه.

جاسم: لا والله مو بخيل ليش تضحكين عليهم احچيلهم الحقيقة.

ايه: اسكت ولا كلمه خلي اكمل.

جاسم: كملي عيني خل اشوفچ لوين راح توصلين.

ايه: بس احچي بصوتي الجميل لاتقاطعني خليني اخذ راحتي بالتعريف عن نفسي.

جاسم: يله يالبلبل غرد وسحرهم بصوتك الجميل.

ايه: هههههه انت ابد متكدر تسكت لازم تقاطعني، المهم عايشه ويا بابا وماما واني الوحيده الهم يعني المدلله واهلي مايرفضون اي شي اطلبه وبنفس الوقت مد اكدر اغير تقاليدهم وهو انو اهلي ميرضون يزوجوني لغير ولد عمي حاولت شكد بس بابا گالي هاي عادات اجدادچ ولازم تلتزمين بيها، اني هذا الشي ينرفزني ويخليني انجن شنو ذنبي اتزوج شخص ماحبه بحكم التقاليد شنو هل تخلف هذا العالم تطورت واحنا بعدنا بعصر الجاهلية الاولى ، بس بنفس الوقت اني فرحانه لاني البس الي يعجبني وبابا ماعنده اعتراض ومنطيني حريه كاملة، بابا يشتغل مهندس كيمياوي بمصفى الدورة اما ماما فهي مدرسة انكليزي، عندي صديقتين الاولى مريم وهذي مكانها بالبطين الايسر من گلبي اما ورود وهي اخت جاسم ومكانها بالبطين الايمن والحلو بالموضوع انو احنا شله وحده وبنفس المرحلة وبنفس القسم.

صالح: السلام عليكم اني صالح عمري28 استاذ ماجستير ادرس تشريح نبات" عملي" بجامعة بغداد، طولي 181 جسمي مرتب وعيوني سود واني ودكتور جاسم الروح بالروح.

مريم: اسمي مريم عمري 19 طالبة علوم حياة مرحلى اولى عيوني خضر بشرتي حنطيه وزني 55 طولي 168سم.

ورود: اني ورود عمري 19 طالبة علوم حياة مرحلة اولى عيوني عسليه بشرتي بيضه رشيقه وجسمي حلو وعندي غمازات وزني 52 طولي 160سم واني متعلقه باخوي جاسم بشكل چبير فوق ماتتصورون أحبه واحترمه وهو مدللني ومامقصر وياي باي شي.

عماد: اني عماد عمري26 سنه طولي 184 سم بشرتي حنطيه شعري اسود وجسمي مرتب، خريچ هندسة نفط واشتغل بمصفى الدورة بغداد، اني الوحيد العايش من عايلتنا ابوي اتوفى بحرب امريكيا ع العراق ب2003 وامي وره ابوي ب5 سنين توفت بجلطه دماغية، كملت حياتي وعشت بيت عمي مزهر والدي قبل لايموت طلب من عمي ابو ايه انو ايه تكون الي ومتصير لغيري وعمي ابو ايه وافق واولاد عمي مزهر كلهم متزوجين عمي مزهر شايب بال70 عمره واولاده كلهم متزوجين وعندهم اطفال بس بيناتنا هذا سر" اولاد عمي مزهر الحكم مو بيدهم نسوانهم همه الي رأيهن ماشي اما عمي مزهر فرأيه ماشي ع الكل كونه هو الجبير ومعروف بالعشيرة" اولاد عمي مزهر 3 سالم الجبير ومحمود الوسط ودحام الزغير.

البارت_1_

موجود في الاسفل⬇️

استغفر الله الذي لا اله الا هو الحي القيوم واتوب اليه عدد ماكان وعدد مايكون وعدد الحركات والسكون

مع تحياتي

الشاعر والكاتب: عبدالاله عدنان