سبحان الله وبحمده سبحان الله العظيم عدد ماكان وعدد مايكون وعدد الحركات والسكون
"تاخر البارت لان رأسي چان يوجعني فنمت من غير ما حس اني واكتب بحدود ال9 وما كعدت الا قبل ال12 بكم دقيقة چان المفروض ينزل البارت قبل كم ساعه بس ان شاء الله راح احاول ماتاخر عليكم بعد"
لاتنسو التصويت🌟+ التعليق الحلو❤
❤🌹❤🌹❤🌹بسم الله🌹❤🌹❤🌹❤
#بقلمي الشاعر والكاتب: عبدالاله عدنان
ايه: اذن المغرب التفتت براسي لليمين چان اشوف جاسم يباوعلي من البلكونه وهو معصب ارتبكت وخفت بنفس الوقت چان يباوعلي بحقد نظرات شخص يتوعد بالانتقام بعدها دار وجهه ودخل لغرفته......
حس بيه عماد گالي شبيچ حبيبتي فزيتي چنچ شفتي جني گبالچ
"لا هيچ ماكو شي"
دخل عماد جوه للحمام حتى يجدد وضوئه علمود يصلي المغرب اضطريت اچذب على عماد واگله اني هم احبك حتى مايشك بيه لازم اتعلم اسيطر علي نفسي من اشوف جاسم.....
صاحتلي ماما گالتلي تعاي حبيبتي ساعديني بصب الاكل بالمواعين حتى من يكمل عمچ صلاته نصب العشه
" اي ماما اجيت"
بابا: يله ابو سالم انت تقدم وصير الامام.
مزهر: لحظه خل يجي عماد.
سالم: عماد وينك تجي تصلي لو تاخر.
عماد: اجيت اجيت انتظروني.
ايه: صبينا الاكل وبعد ما كملو صلاة دخل بابا للمطبخ
بابا: ها الاكل جاهز.
ماما: اي كلشي جاهز .
مدينا الاكل جان عمي مزهر يگلي تعاي حبيبتي ايه اكعدي ويانه.....
گتله بالعافية عمو بس مالي نفس اكل راسي يوجعني راح اصعد انام
عماد: سلامتچ مابيچ الا العافية اذا تريدين اوديچ هسه ع المستشفى.
ايه: تسلم ماتقصر بس ماكو داعي راح اخذ بندول وان شاء الله اتحسن.
دخلت الغرفتي وقفلت الباب وكمت ابچي احس روحي تطلع محد يحس بيه
تمددت ع چربايه ونمت من غير ما احس.....
كعدت الصبح چان عمي ولده وعماد مو بالبيت تريگت وبدلت ورحت ع جامعه......
أنت تقرأ
اقسمت الا اخليك تحبني((باللهجة العراقية))
Romanceرواية حقيقيه/ تخلت عنه وذهبت لتتزوج من رجل اخر اقسم ان يجعلها تدفع الثمن لانها فضلت رجل اخر عليه هل سوف يعرف الحقيقه ام ان الغضب سوف يعميه.. 1# في العاطفية 2018/9/11 #لا احلل سرقة ونقل ونشر الرواية #لا احلل سرقة واخذ افكار الرواية تأليف الشاعر والك...
