سبحان الله وبحمده سبحان الله العظيم عدد ماكان وعدد مايكون وعدد الحركات والسكون
لاتنسو التصويت🌟+ التعليق الحلو❤
❤🌹❤🌹❤🌹بسم الله🌹❤🌹❤🌹❤
#بقلمي الشاعر والكاتب: عبدالاله عدنان
تنويه: الاشعار التي سيتم ذكرها داخل هذه الرواية من تأليفي الخاص
" البداية + الشخصيات موجوده فوق🔝"
Let's Go....
ايه: دزيت رساله لمريم گلتلها راح اسوي الگلتيلي عليه ادعيلي انو ما اضعف گدامه
صراحه اني خايفه كلش وچنت اعض باصبع ايدي اليسرى واباوع ع ساعه بوسط الغرفة جوه الشمعه ، الساعه ب1:35 دقيقة الظهر ماظل وقت لازم استعجل حتى اسبح واترتب واجهز نفسي والبس قبل لايجي عمي مزهر حتى يخطبني لابن عمي عماد....
ردت مريم برساله تگول بالتوفيق حبيبتي راح ادعيلچ بس استعجلي ترى مابقى وقت عندچ....
اووووف ماعرف شسوي والله حايرة لو اموت واخلص هواي احسلي شنون راح افاتحه بالموضوع اخاف ينجلط جاسم ياربي ساعدني.....
خل اشوفه بعده بالواتس اب لو خرج منه.....هسه شنو احچي شنو اگله هذا بعده دينتظرني اجاوبه ع الواتس....
يله ايه اهدي واخذي نفس وتوكلي على الله.....يالله
بديت اكتب الرسالة اله اني بخير شعندك تراسلني كافي ترى انته مصختها هواي لازگلي ع كل التطبيقات مسويلي فولو وتراقب بيه ترى اني مو زغيره.
جاسم: اووووف مليت من الانتظار هاي فاتحه الواتس ومتجاوب علي اموت واعرف ويامن دتحچي
سمعت امي تناديني من الطابق الجوه تگلي يمه جاسم شعندك بالغرفة تعال انزل اتغده مو صار ساعه من حاطته والاكل برد وحميته وهسه برد من جديد تعال اتغده اريد اغسل المواعين....
گلتلها يمه اغسليهن مامشتهي اتغده موجوعان عود من اجوع اني اشتري كباب من بره واكل من اطلع العصر....
ماحس الا باختي الزغيرة ورود تدفع باب غرفتي وتدخل وهيه تبتسم....وبعدها كعدت يمي ع الجرباية وهيه تباوع بعيوني واني اباوع بغير اتجاه...
ورود: ليش ماتنزل تتغده مو امي تنتظرك خطيه لاتفشلها وهي طابخه البرياني علمودك لانك تحبه.
جاسم: اووووف والله ياورود مالي نفس اكل اي شي مخنوك وحتى مالي خلك احچي ويا اي احد.
أنت تقرأ
اقسمت الا اخليك تحبني((باللهجة العراقية))
Romanceرواية حقيقيه/ تخلت عنه وذهبت لتتزوج من رجل اخر اقسم ان يجعلها تدفع الثمن لانها فضلت رجل اخر عليه هل سوف يعرف الحقيقه ام ان الغضب سوف يعميه.. 1# في العاطفية 2018/9/11 #لا احلل سرقة ونقل ونشر الرواية #لا احلل سرقة واخذ افكار الرواية تأليف الشاعر والك...
