سبحان الله وبحمده سبحان الله العظيم عدد ماكان وعدد مايكون وعدد الحركات والسكون
💖🌹💖🌹💖بسم الله💖🌹💖🌹💖
#بقلمي الشاعر والكاتب: عبدالاله عدنان
زينه: اكلچ شنو رأيچ بهند......باوعت عليها حسيتها تريد تضحك وفعلآ كامت تضحك
___هههههههههههه
وجع كافي ترى ماگلت شي يضحك
___اسفه حبيبتي ضحكت لاني چنت متوقعه انچ راح تسأليني عن مهند
عفيه طلعتي تقرين الافكار
___بلا استهزاء ياروحي، بالنسبه الي اشوف مهند مبين من النظره الاولى انو مؤدب وخلوق ويحب يساعد امه وگلبه طيب.
اي وانوب كملي
___شكمل يمعوده هيه قصة تاكملها هو هذا رأي بالولد
اوكي خلص شكرآ الچ.....بس صدوگ من جنا بالمطبخ اني ومهند لاحظت بانچ مندمجه ويا حيدر ......گمت من الچربايه وشفتها تباوع عليه مشيت حتى اطلع من الغرفة التفتت وغمزتلها بعيني
___تعاي لچ وين رايحه شنو قصدچ بهل كلام.....احنا ونحچي ماحس الا بابا واگف باب الغرفة
ابو مياده: ها بابا خير عن شنو دا تحچون
مياده: شفت زينه مرتبكه ماعرفت ترد عليه......ابتسمت...... ها بابا چنا نحچي ع الچاكيت الازرگ الشفته بالمول وگتلها يراد نحدد يوم نروح نتسوگ بيه
___ها يعني ع الجاكيت عبالي غير شي......يله وحده منچن تنزل تسد الباب ورايه امكم خابرتني تريدني اروح اجيبها
زينه عفيه روحي سدي الباب وره بابا اني دا ارتب المكياج مالي ع الميز وبعدني ماخلصت
___يله زينه تعاي وياي
زينه: نزلت ويا بابا حتى اسد الباب ومن طلعنا بره بالحوش سمعت صوت سياره وگفتيم باب بيت ام صالح.....طلع بابا من البيت چان يلتفت ويسلم على على زلمه ما اعرفه بس شكيت انه صالح ابن جيرانه اخو مهند لان گالي مهند انو صالح بالدوام ويحل بهيچ وقت من الجامعه
صالح: ابتسمت بوجهه يعني سكنتو اهنانه بيها الخير ان شاء الله
___للجميع يارب
امانة الله حجي من تحتاجون شي السيارة سيارتكم والبيت بيتكم واني مثل ابنك فلوس او اي شي تحتاج اني حاضر
أنت تقرأ
اقسمت الا اخليك تحبني((باللهجة العراقية))
Romanceرواية حقيقيه/ تخلت عنه وذهبت لتتزوج من رجل اخر اقسم ان يجعلها تدفع الثمن لانها فضلت رجل اخر عليه هل سوف يعرف الحقيقه ام ان الغضب سوف يعميه.. 1# في العاطفية 2018/9/11 #لا احلل سرقة ونقل ونشر الرواية #لا احلل سرقة واخذ افكار الرواية تأليف الشاعر والك...
