كرهك جعلني أحبك

الفصل الثاني

الفصل الثاني
#كرهك_جعلني_أحبك
#آية_إسماعيل
_____________________________________________
في شركة ليث عز الدين.....
ليث بغضب: تعرف تخرس خالص وبعدين تعالي هنا فين اوراق الصفقة بتاعت مستر جاك

نادر بارتباك: ما هو الصراحه
ليث بعصبية: اخلص يا نادر شكل في مصيبه وهتطربق فوق دماغك دلوقتي
نادر بتوتر: بصراحه يا ليث مستر جاك معجبوش الارض اللي احنا هنعمل عليها المشروع
ليث بغضب: يعني ايه معجبتوش، انا مش مستعد اخسر صفقة ب 100 مليون جنيه
نادر بارتباك: طب هنعمل ايه يعني، هو مش راضي وعايز ارض تانيه علشان نبني عليها الفندق
ليث بصرامة: هو شغل عيال يا نادر
شوف الارض اللي هو عايزها واحنا ننفذ على طول

نادر لكي يهدي من غضب ليث قال بمرح: اهدي يا شبح وكل حاجه هتكون تمام
انتفض ليث من مقعده وهتف بصوت جهوري: مش ليث عز الدين اللي يخسر صفقة، واللي يحاول يقف في طريقي هنسفه من علي وش الارض

نادر بخوف: اهدي بس يا ليث وانا هقعد مع الوفد تاني وهتفق معاهم علي كل حاجه
ليث وقد هدا قليلا: اقعد معاهم وخليهم يختاروا اي ارض تنفع للمشروع وانا هتصرف في الباقي
نادر: ماشي، اطير انا بقي
ثم غادر نادر مكتب ليث سريعا
______________________________________________
في الملجأ الخاص بروما...........
جلست راوية والدموع تنهمر علي وجنتيها بشدة
وتتذكر قسوة زوجها وطرده لها واخذ ابنها منها وحرمانها منه بالقوة والالام والعذاب التي عانته
ثم جاءت روما ولاحظت شرودها
فاقبلت عليها ووضعت يدها علي كتفها
فمسحت راوية دموعها بسرعه حتي لاتراها روما
تنهدت روما: انتي كدا يعني هتخفي الدموع عني، ما انا شوفتها خلاص
ابتسمت راوية واخذت روما باحتضانها وقالت: انتي يا روما اللي طلعت بيها من الدنيا ربنا يخليكي ليا يا بنتي
ابتسمت روما بسعادة: طبعا يا خالتو انتي امي وابويا وكل حاجه في حياتي وكمان الاطفال اللي في الملجا دول بحبهم اوي ومنيب كمان وقف معايا كتير
رواية: ربنا يخليكي ليا يا روما وخليكي دايما قلبك طيب ونقي وعنده رحمه واوعي اي حاجه تلوثه وخليكي مع الحق دايما يا بنتي .
روما: لو تقوليلي بس مين جوزك وابنك اللي عملوا فيكي كدا وانا اروحلهم وو
قاطعتها راوية بعصبية: لالالا مش هتعملي كدا واوعي تفتحي الموضوع ده تاني

روما بحزن: خلاص انا اسفه مش هعمل حاجه

هدات روايه وقالت: تعرفي يا روما من بعد ما والدتك اتوفت وهي بتولدك وابوكي الله يرحمه شال حملك من ساعة ما اتولدتي لحد ما اتوفي وانا حسيت انك بنتي فعلا

ترقرقت الدموع من عيني روما: يا خالتو انا بعتبرك امي واختي وعيلتي كلها، وماما سابتني وهي بتولدني وبابا مات بالسكتة القلبية بعد ما خسر كل فلوسه والحمد لله انه ساب البيت والملجا علشان يسترنا ومنحتاجش حاجه لحد

راوية بحنان : ابوكي ده كان نعمة الرجال يا روما
بس ولاد الحرام خسروا كل فلوسه وبقي علي الحديده
بس مرضاش يفرط في البيت ولا الملجا حتي لو علي موته
الله يرحمه يا بنتي

روما بدموع: الله يرحمه، انا بحبك اوي يا خالتو
ثم ارتمت في احضان رواية تبكي
______________________________________________
في شركة ليث عز الدين...........
دخل نادر علي ليث بسرعه دون ان يطرق الباب
ليث بعصبية: مش تخبط يا غبي ينفع تدخل كدا من غير اذن
نادر بمرح: خلاص يا شبح عديها المره دي
ليث بحده: اخرس يا نادر واطلع من المكتب وخبط علي الباب وبعد كدا اشوف هتدخل ولا لا
نادر بصدمة: بتتكلم بجد
ليث بغضب: وانا ههزر معاك اخلص يا زفت
نادر: حاضر حاضر
ثم خرج نادر وهو يتمتم بكلمات غير مفهومة
ثم طرق علي الباب مره اخرى
ليث من الداخل: ادخل
ثم دخل نادر
نادر: يمكن اتكلم ولا ايه
ليث بصرامة: ادخل في الموضوع علي طول علشان مش فاضي لهزارك ده
نادر بجدية: دلوقتي مستر جاك والوفد اللي معاه طلب حتة ارض معينه علشان المشروع يتعمل
ليث: تمام ايه المشكله
نادر بجدية: يا ليث الارض عليها ملجا للأيتام والاطفال يتامي ومينفعش ناخد الارض وعليها الاطفال عايشين فيه
ليث بعصبية: يعني ايه اخسر الصفقة، واخسر 100 مليون جنيه علشان خاطر سبب تافه ذي ده
نادر بصدمة: تافة!!! بقولك اطفال يتامي تقولي تافة

ليث بغرور: ايوة تافه يا نادر
والارض هاخذها ونبني عليها الفندق
حتي لو اضطريت اهد واطربق دار الايتام دي
المهم ليث عز الدين ميخسرش وصورتي تفضل محفوظه في السوق
حتي لو اضطريت استخدم طرق غير مشروعة
نظر نادر لليث وكان الجم لسانه ولا يقدر علي الحديث من هول الصدمة
______________________________________________
اما في منزل منيب الريان..........
ارتدي منيب ملابسه الانيقه وعطر نفسه باروع البرفيوم
حيث جاء به من باريس مخصوص
ثم خرج من غرفته
وقابل ندين اخته في طريقه
ندين بانبهار: ايه الجمال ده، انت عارف يا منيب لو انت مش اخويا كنت اتجوزتك
ضحك منيب علي كلماتها
منيب: اهدي يا بت وسيبيني امشي علشان متاخرش
ندين بمزاح: ماشي يا عم. الله يسهله
ثم خرج منيب وسط ضحكاته علي حديث اخته
______________________________________________
في مكتب ليث عز الدين......
نادر بصدمة: انت ممكن تهد الدار علي الاطفال الغلابه دول يا ليث
ليث بغرور: وفيها ايه يعني دول شوية اطفال ولا راحوا ولا جم وهتبقي اديهم قرشين يعيشوا بيهم وحته كمان يقعدوا فيها
نادر والصدمة موجوده علي وجهه......
____________________________________________
بتمني اعرف رايكم 😍