Flash Fiction(မြန်မာပြန်)

လုံးလုံးအသံတိတ်

အလက်စကန် ဝက်ဝံညိုနှစ်ကောင်ဟာ ဆပ်ကပ်အဖွဲ့ငယ်လေးဆီကို ရောက်လာခဲ့တယ်။ ဆပ်ကပ်ရဲ့ ညခင်း လှည့်လည်ပတ်တဲ့အချိန်မှာဆို အဝတ်အုပ်ထားတဲ့ ဆွဲလှည်းတစ်ခုကို ဆွဲပြီး ဖြေဖျော်အသုံးတော်ခံတယ်။ အဲ့ဒီနှစ်ကောင်ကို စည်းချက်နဲ့ လှုပ်ရှားတက်ဖို့ လှိမ့်တတ်ဖို့်၊ ဇောက်ထိုးနေပြီး ခေါင်းနဲ့ ရပ်နေနိုင်ဖို့၊ ခြေနောက်ပစ် ကတက်ဖို့၊ လက်ချင်းထိပြီး တေးသံနောက်ကို အလိုက်သင့်ခြေနင်းတက်ဖို့တို့ကို သင်ထားခဲ့တယ်။ သိပ်မကြာမီမှာပဲ မီးရောင်အောက်က ကနေတဲ့ ဝက်ဝံတွေဆိုပြီး ဝက်ဝံထီးနဲ့ ဝက်ဝံမဟာ ပရိတ်သတ်တွေကြားမှာ ရေပန်းစားအကြိုက်များလာခဲ့ကြတယ်။ ဆပ်ကပ်အဖွဲ့က အနောက်ဘက်ကမ်းရိုးတန်းခရီးစဉ်အဖြစ် တောင်ပိုင်းဒေသတွေဖြစ်တဲ့ ကနေဒါကနေ ကယ်လီဖိုးနီးယားအထိ၊ ပနားမားကနေ တောင်အမေရိကအထိ၊ အန်ဒက်တောင်တွေအောက်က ချီလီရဲ့ ရှည်လျားတဲ့ လမ်းကြောင်းတလျှောက် တောင်ဘက်အကျဆုံး တယ်ရယ်ဒယ်ဖယ်ဂိုဒေသက ကျွန်းတွေအထိ လှည့်လည်ပြသခဲ့တယ်။

အဲ့ဒီနေ့က ကျားသစ်တစ်ကောင်က အရိုင်းစိတ်ဝင်ပြီး ဆပ်ကပ်မှာ ပစ္စည်းတွေမြှောက်ပြီးကစားပြတဲ့သူ(ဂျပ်ဂလာ)ကို ခုန်အုပ်တယ်။ ပြီးတဲ့နောက်မှာ တိရစ္ဆာန်ထိန်းကိုလည်း တိုက်ခိုက်တယ်။ လူတွေလည်း ကြောက်လန့်တကြားနဲ့ ပြေးလွှားကြလို့ ရှုန်းရင်းဆန်ခတ်တွေ ဖြစ်သွားတယ်။ စိတ်ရှုပ်သွားတဲ့ ဝက်ဝံတွေကလည်း ပြေးလွှားနေတဲ့ လူတွေကြားကနေ လမ်းရှာပြီး ထွက်လာခဲ့တယ်။

ထိန်းကျောင်းသူ သခင်တွေမပါပဲနဲ့ တိုက်လေကြမ်းပြီး သစ်ပင်ထူထပ်တဲ့ တောင်ဝင်ရိုးစွန်းနား ကျွန်းပေါ်က တောရိုင်းထဲကို ဝင်ရောက်သွားခဲ့ကြတယ်။ လူတွေနဲ့ အဝေးက လူအရောက်အပေါက်နည်းတဲ့ ကျွန်းပေါ်မှာက သူတို့သဘောကျတဲ့ ရာသီဥတုအခြေအနေရှိတာမို့ မိတ်လိုက် မျိုးပွားပြီး ကျွန်းတစ်ခုလုံးပေါ်ကို မျိုးဆက်သစ်တွေကို ထားခဲ့တယ်။ နှစ်အနည်းငယ် ကြာတဲ့အခါမှာ အဲ့ဒီနှစ်ကောင်ကနေ ဆင်းသက်လာတဲ့ ဝက်ဝံတွေဟာ အနီးနားက ကျွန်းငယ် ဒါဇင်ဝက်လောက်ကို ဖြန့်ကျက်ပွားလာကြတယ်။ နှစ် ၇၀အကြာမှာတော့ သိပ္ပံပညာရှင်တွေဟာ အဲ့ဒီနေရာက ဝက်ဝံတွေ ဆပ်ကပ်ပညာကို တက်မြောက် လုပ်ဆောင်နေကြတာကို တွေ့ရှိခဲ့ကြပြီး စိတ်အားသန်စွာ သုတေသနပြု လေ့လာခဲ့တယ်။

ကောင်းကင်ကြီး တောက်ပနေတက်တဲ့ လပြည့်ညတွေမှာဆို သူတို့ ကဖို့အတွက် စုရုံးကြတယ်။ ကောင်ပေါက်လေးများနဲ့ ဝက်ဝံပျိုတွေကို ချံရံလို့ စုစည်းကြတယ်။ မြေဖြူကျောက်မျက်နှာပြင်ပေါ်မှာ ဂြိုဟ်သိမ်တစ်ခု ကြွေကျတာကြောင့် ဖြစ်နေတဲ့ စက်ဝိုင်းပုံ ချိုင့်ခွက်ကြီးတစ်ခုဖြစ်နေခဲ့တယ်။ လပြည့်ညတွေမှာဆို အဲ့ဒီဝက်ဝံတွေက ချိုင့်ကြီးအလည်မှာ စုကြတယ်။ ချိုင့်ခွက်ရဲ့ ပြောင်ချောနေတဲ့နံရံတွေက ဖြူစွတ်နေပြီး ခြောက်သွေ့နေတယ်။ ဘာအပင်မှလဲ မပေါက်နေဘူး။ လရဲ့ အလင်းရောင်က အဲ့ဒီနံရံအပေါ်ကို ထိုးကျတဲ့အခါမှာ အလင်းပြန်ပြီးတော့ ကျန်တဲ့နေရာတွေထက် နှစ်ဆလင်းပြီးနေတယ်။ ဝက်ဝံနှစ်ကောင်ဟာ လပြည့်မှာသာနေတဲ့ လရောင်ဟာ ဆပ်ကပ်မီးလုံးကို သတိရစိတ်ဖြစ်ပေါ်စေပြီး ကခဲ့ကြတယ်လို့ သိပ္ပံပညာရှင်တွေက တွက်ဆကြတယ်။  အဲ့တာဆိုရင် မေးဖို့ရှိလာတာက နောက်ဆင်းသက်လာတဲ့ အဲ့ဒီဝက်ဝံတွေကရော ဘယ်က တေးဂီတနဲ့ ကကြသလဲဆိုတာကိုပါ။
တစ်ကောင်နဲ့တစ်ကောင် လက်ဖဝားချင်းထိပြီး တေးသံနောက်ကို အလိုက်သင့်ခြေနင်းရင်း....... ပြည့်နေတဲ့ လအောက်မှာ ချမ်းအေးတဲ့ ဆောင်းဦးရာသီထဲမှာ ကခုန်နေကြတဲ့ သူတို့ရဲ့ ခေါင်းထဲ ဘယ်လို ဂီတများ ကြားနေရလို့လဲ... သူတို့ လုံးလုံးအသံတိတ် ကနေကြတာမလား။

##Spencer Holstရဲ့ BRILLIANT SILENCEကို ဘာသာပြန်ထားခြင်းဖြစ်သည်။