حب لايعرف المستحيل 2

البارت 1

مساء الياسمين

حب لايعرف المستحيل
التغلب
.1.

.. في مطار عمان ..
الساعة . 2 الظهر .. في سنة 2015
كاعدة انتضر منادات اقلاع الطيارة لمطار بغداد
كاعدة انتظر اني ودموع بنوتي وخالتي ام قتيبة بصالة الانتظار . خالتي كاعدة بصفي تبجي وحاضنة دموع وحيل متالمة .واني احاول اتمالك نفسي من البجي واتصبر

سكوت داام لحضات . ونادو بتوجه المسافرين الى الطائرة بعد ربع ساعة من الان
داكوم ولزمتني خالتي
يمة رئاوي بنيتي شلون حفارقكم ولج شلون صعبة علية حيل صعبة هيج كلكم فجئة تختفون من حياتي
قتيبة وابوه وهسة انتي وبناتي هم مو يمي

خالة حبيبي انتي المفروض انتي الي تصبرين علية مواني . اني الي حبيتكم وعشت براحة حتى بيت اهلي محاسة بيها .. بس هذا قدرنة من البداية فراك الي نحبهم مكتوب مامنة مهروب .
وثاني شي خالة اني مرة خالد حيل اذتني باخر فترة من كلام وتجريح وافعال لاتغتفر على اقل واتفه شي . واني مثل متعرفين كلبي ملجوم والبيه مكفيه والي شفتة بحياتي موقليل صدمتي جبيرة وحملي يهد جبل . وانتو مباقين هنا كلها اسبوع وتروحون للسويد .
بنتي انتي مراح تعيشين هناك اني اعرف كم الصعوبات الي راح تواجهيها وخاصة انتي مو وحدج

لاخالة انشالله اكدر . رؤى الي تشوفيها كدامج قوية وراح تكون كد الحمل لتشغلين بالج راحت هذيج رؤى المغفلة والضعيفة والمهزوزة المنكسرة

يي حبيبتي اريدج على طول قوية واني هم انشالله ابد ماقصر وياج كل شهر يوصلج الي يكفيج ويكفي بنت الغالي .😔😔 يربي معولت اشم ريحت الغالي بيها حترد ترجع تروح مني

امي كافي الله يخليج دتاذيني هيج انتي
والله لو اعرف مرغوب بية واحد بلمية وداعتج ابد ماتركج انتي ام الغالي

اوووف شحجي شكول الله يرحمك ابو خالد لوعايش ماصر بينة هيج جنت لامنة وفن الي يفك حلكة .. اخر وكت بيت ابو خالد نسوان مدري منين تمشي واني المرض هد حيلي ولاحول ولاقوة
وجتي سعاد خاتون اخذت الي فنيت عمرك علمودة تاخذة بارد مبرد . بس شاكول ابني فطير ومالي غناة عنة مسويتة حلقة بيديها بنت الفكور .
يي بنيتة انتي بس الطيبة الاصيلة روحي يمة روحي اني هم مدايمتلج

اووووه يامي كافي الله يخليج كلبي ماعاد يحمل فدواتج لتسوين هيج

زين يمة رئاوي ابقي فترة يم رغودة وراها اني ارتبلج وضع واسحبج

على بختج امي شتحجين انتي تقبليها علية والى متى

اوف رؤى لتلوميني داحاول اسوي شي حتى تبقون يمي والله ميهلي اكلج روحي كلسى لساني يكولها وكلبي يكلي لالازم اكو طريقة

لايمة لا روحي وانتي متطمنة اني ترة راجعة لهلي مو داقاتل .
امي انسانة طيبة تعرفيها وحيدة هم مالها احد
وهم تعذبت هواي بسببي

زين يمة امشي

توجهنة للطيارة وكعدنة بمقاعدنة .
ام خالد اصرت تجي وياية لبغداد حتى تطمئن علية وترجع ثاني يوم .

وصلنة مطار بغداد واني اباوع لغداد من الشباك .
اتنهدت وكلبي نعصر . ايامي اني وقتيبة وحبنة ومغامراتنة كلها هنا .. حييييل صار كومة من تركت بغداد . وحتى من رجعوني بعد ممات قتيبة جنت بغيبوبة ذهنية عن العالم الخارجي
فماذكر شي
بغداد من يوم الي سافرة وية حسام بعد مشفتها ابد
جانت الدموع متجمعة بمدمع العين بس احاول اخفي الامي ماستسلم للدموع والضعف يكفي الضعف وقلت الحيلة شكد اذوني من اليوم وطالع ماكو ضعف اذى مو لخاطر روحي لخاطر نور عيوني وكلب ابوها بنيتي

نزلنا من الطيارة واني استنشق هوى بغداد ملة ريتي
مهما كان ومهما ابتعدنة ومهما شفنة من جمال الطبيعة يبقة بلدك الام هية الاجمل هية الاريح

طلعنة شفت من بعيد امي وياها اخوية حسين كبران عن اخر مرة شفتة بيها
جنت اشوف امي من الوقت للثاني تجيني بس خواني لا . وازل من جنة سوة نداوم . الله يلعن الايام الي تفرقنة .

حضنتها هية وحسين وكمنة نشهك بلبجي . اخرشي امي دفعتني على كيف كالت وخري موبس الج اريد حبييِبتي وينها . ضلت تبوس بدموع
وجرها حسين يشيلها بس مقبلت . وخزرتة .كلها حقج يابة متعرفيني هههه بس اني الج بلبيت حقيرة
وسلمت خالتي على امي وبقت توصي بيها بالاخير كلتلها ماما ام خالد شسالفة توصيني على روحي هذولة روحي وعيوني ونظرها . خية روحي ونامي وانتي متطمنة وشي ثاني ترة رئاوي بنتي توصين ام على ضناها ودموع اعز عندي من رؤى

يلة ماما يلة يلة عيني ام خالد خوما نضل واكفين هنا ونسولف
امشو نرجع للبيت وترتاحون تتغدون تنامون شوية

ماما اكو سيارة لو نحجز تكسي

لاماما لا اكو سيارة امشي
يلة ................

وصلنة لكراج السيارات
كالت يلة صعدوو
كتلها وين اشرت هناك
حاولت اركز
من بعيد
وجانت الصدمة

حسااااااااام ....

نهاية البارت ..
هذا بارت صغير انشالله بلايام الجاية اعوضكم
تعليقاتكم على البارت 🌸
و
قرائة ممتعة احبتي ..❤