حب لايعرف المستحيل
بارت 19
زهراء الطائي
مفكرتو بنتي
يعني اني بنتكم تفكرون بية وشلون وشلون
وبعدج صغيرة وشنو شفتي من حياتج وتزوجي
وتريدوني اني اعوف بنتي الصغيرة وامشي ومااهتم
يعني شلون اشمرها وازوج ومافكر بيها
مثل احساسسكم ترة احس
يمة اني بنتج مو
امي ساكتة
جاوبيني امي
كالت يي يمة بنيتي شعندي غيركم لعد
كلتلها شتحسين اتجاهي
كالت اتمناج تنسعدين وتعيشين مرتاح يايمة
كلتلها شفتي
اني ترة نفس احساسج ميفرق شي
ترة بنتي بعدها لحمة حمرة ع القليل اتحملوني لما تكبر واخذها واطلع يعني لاترحمون ولاتخلون رحمة الله تنزل
شيرين كالت
هاا رؤى ع بختج شنو هلحجي الي دتحجي
و ليش دتحسسيني انو احنة يهود لو كفار وراح ناخذ بنتج سبية عدنة
امي كالت لايمة منغصب عليج براحتج
باوعتلها وسكتت
رجعت كلتلها لام سيف
يعني بنتي تتقبلوها تعيش وياية
كالت .. اكيد رؤى شهل الحجي
حتى اياد كال بنتها وياها منفرق ام من ضناها
وربي شاهد ع كلامي
ترة اياد حيل يحب الاطفال ومو عاد بنتج الي ماشالله تنحب
حتى الي ياخذها ويربيها بحظنة يكسب اجر بيها
رؤى اذا شايلة هم هلطفلة ترة موشغلة معقدة
بنتج وياج بنتج بنتنة
بس لتتحججين بيها فدوة اروحلج
واذى بيوم شفتي اذية بدرت من عدنة لبنتج
ساعتها ركابنة سدادة وشتأمرين حاضرين
وهلكلام اذى متصدكين بي كتبي بعقد الزواج
سكتت ودنكت راسي
شريد احجي وشريد اكول
والموقف ماعرف شنو اكول علية
معقد .. محرج .. قرار مصيري التفكير بي متعب ويشل شل وكل هل الامور بصفحة وقتيبة الي عايش جواية بصفحة وكفة ثانية
شلون راح يكون موقفي وياه اذى مر طيفة علية
وبأي وجه اواجها . وشريد اكلة .. اكلة حبيبتك رؤى ومرتك وام بنتك راح لحظن ثاني غير حظنك
قلبي نعصر عصر
بس اعرف هلشي مراح ينتهي ولا راح يخلص
و راح ابقة ياما سجينة او ارضخ لحسام
وهلشي ع جثتي
بس احس قلبي معصور حيل ليش مااعرف
رفعت راسي
باوعت بلوجوه وجه وجه
كمت اتئمل كل وجه
وشلون يترقبون ردي بلهفة
كأنهم طلاب مدرسة وينتضرون النتيجة
تعابير وجوهم عليها علامات الخوف والهفة
باوعت بوجه شيرين
ابتسمتلي هاا رؤى شكلتي
واني اعتذر خليتج بهيج موقف بس اني رايدتج تكونين وحدة منة وبينة
وانتي غير هلتصرف ميفيد وياج
بقيت صافنة عليها
والكل ساكتين يباوعون
وجهي بوجه شيرين
ابتسمت الها
كلتلها خلص براحتكم
كالت لا مو براحتنة هاي حياتج
وثقي اي رد منج . راح تبقين صديقة وعزيزة وغالية
كلتلها خلص براحتكم الي تشوفو صح بلنسبة الي سوو
كالت رؤى مو جاهلة انتي ومستحية
ماكو بكيفكم اريد اسمع منج كلمة موافقة
غمضت عيني و بصعوبة كدرت اسحب نفس
كلتلها
موافقة
مسمعت شي ورة هلكلمة غير بس الهلاهل
والتبريكات
والكل بوسني بس احس مدري شبية
وطلعت من جنطتها جيس جكليت وطشتة
و صوت الهلال ترست البيت ترس
اني رحت
ع صفحة احس اختنكت وروحي نقبضت
مثل واحد لزمني من ركبتي ويخنك بية
متحملت رحت للحمام
وفتحت البوري حتى لا احد يسمعني
وكمت ابجي واشهك
أنت تقرأ
حب لايعرف المستحيل 2
Romansaواقعية اجتماعية ورمانسية . بمشيئة الرحمن ورحمته علينا انعم بنا بنعمة النسيان . لكي تستمر الحياة ونستمر بلعيش فيها بحلوها ومرها بصلبها وبلينها بحزنها وفرحيها وفتحت لنا اذرعها لتكملت ماتبقى من العمر .. ومحاولة التغلب على اقسى مافيها والتشبث بلقوة وال...
