حب لايعرف المستحيل 2

بارت 11

حب لايعرف المستحيل 2
بارت 11
زهراء الطائي

مرت الايام
جانت ايام حلوة مليانة بلشغف
رجعت بيها وكأني نولدت من جديد
رجعت بيها وعبالك كلشي مصاير بحياتي
كضت لهو ولعب اني وازل وحسين وطلعات ونسات
فعلا نسيت او تناسيت كل الي مر بحياتي
بلفترة الي مضت ورجعت من جديد
وحاولت اتغلب
يي نعم اتغلب
ع كلشي سلبي مر بحياتي
سواء الي عشتة او الي معشة 

هنا راح انتقل لمرحلة جديدة بحياتي
مختلفة تماما عن الي مضت

..
ازل رجعت ليران
زوجها وعمتي وزوج عمتي اجوي للعراق بغرض الزيارة منها يرجعون ازل

من بعد عودت ازل
حسيت بصعوبة شوية كوني اتأقلمت وتعودت بذيج الفترة عليها هواي
بس الحياة تمشي وهذه حياتها ولازم تكمل
مثل ما اني بعد حياتي لازم تكمل وتستمر

باخر فترة دموع ضوجتني بس تبجي
وتعبتني حيل
لان ماكو احد وياها
هناك جانت وية جهال عمها ومن رجعنة تعلمت على جهال ازل
وهسة فجئة كلهم مو يمها وهية متعودة على اطفال تلعب وياهم ونفس الوقت ماحب اعلمها على جهال الجيران وتصير تطلع بلشارع هذا الشي لاغيتة تماما

و كل يوم نتحاجة وية عمتي على النت ونفتح كامرة تسكت ورها ترجع تضوجني
وحرت وياها

عمتي سافرو قبل يومين للسويد
واتصلت بية مناك كالت خاف انكطع عنج يوم يومين مااتصل لتقلقين على ما نستقر واتواصل وياج
وصارلها يومين ماكو
بس عرفت بيها انهم وصلو والحمدلله

فديوم عصرية
اندكت الباب
كمت افتحها
خالة ام استار
هاا خالة شلونج اخبارج
كالت ياهو رئى
ضحكت كتلها انتي ششوفين
كالت لاماصدك
كالت من فدوة اغديلج يايمة
ولج تعالي لية احبنج
هههههههههه
خالة والله اني هناك وعلى طول اذكرج
اكول خالة ام ستار شخبارها
بس هسة تفاجئت خالة والله زين بعدج ممتي
ياااع خايبة بعدج ماتعرفيين ترطنين
هههههههههههه لاخالة لتزعلين مني اشاقة وياج والله استفقدتج كومة
ياا بنيتي انتي وفد ابو خيمة الزركة يعلم شكثر احبنج انتي وخيتج مكانجن بلكلب غيرشكل

بعد عمري خالة ربي ينطيج الصحة والعافية

ويعافيج يايمة .
هسة شلونج زينة . اخر مرة شفتج بيها يايمة حالتج حالة لاتسر عدو ولاصديج
شاسوي ياخالة الغالي وراح مني بعد زين الي فقدت عقلي ولامتت
يييه يايمة دنشديني من مات ابو ستار شسويت
يايمة هلسكاير ليش اشربنهن من قهرة يايمة من قهرة
عافلي والويلاد لحمة حمرة

شنسوي خالة
قضاء الله وقدرة
مدت راسها امي من باب الاستقبال

هلا بام ستار هلا عاش من شافج
وينج يمعودة كطعتي فد كطعة
يي والله يا ام حيسون غديتلج فردنوب
اريدن امشي ماكدر اريدن اصحى ماكو تكربست تكربس ولما كضيت كضيان جاني عبود وشالني بقيت يمة يومين تعرفين ستار بلخفر كل وين وين يلة ينزل وانة تعيبينة يايمة يي
هدوور جتي هدولة اخذتني يمها وماهدتني الة لما صرت هلتشوفيني زوينة ورجعت امس بليل عاد اليوم كلت خل اطكطك رجيلاتي وهلجيتج