حب لايعرف المستحيل 2

بارت 14

حب لايعرف المستحيل 2
بارت 14
زهراء الطائي

دك الفون عدلت كعدتي
وجريت الفون
عمتي ام قتيبة تتصل
فتحت خط
دموع بس سمعت صوت بيبيتها كعدت تباوع عيونها حمر
بقينة فترة نحجي كامرة
وعمتي مرة تبجي ومرة دكول مشتاقة الكم ودكول مخنوكة وبس تريد ترجع بس منو اليخليها .. وممرتاحة ابد وتحس بغربة وهية وسعاد متتوالم .
ورغد هم تعبانة تريد تروح لامها وهية وميار مشاكل عالكة ..حاجيتها كتلها خل تتحمل لخاطر جهالها وهذا حال الدنيا . وكالت بس استقر زين ادزج بعد مصرف .. وختمتها وياها ....

مرت ايام عادية
الهدوء يسودها من كل ناحية
ودموع بدت دوام . طبعا ضوجتني كلش ومتوقعتها هيج متقبل اعوفها
واخر شي قررت ابطلها بس ماما كلتلي عوفيها الطفلة فرحانة
وانتي شعندج ابقي وياها هم تلتهين من حبسة البيت وهوة هنا البيت قريب
وبلفعل كمت ابقة وياها لنهاية الدوام
بديت اتعرف ع المعلمات . الموضفات
حتى المفتشة الي هناك ههه كلها كامت تعرفني
وخصوصاً بنهاية الفترة الي مضت
علاقتي كلش تطورت بشيرين المرة ام سيف عرفت كلشي عنها وعن حياتها وعن اهلها
عدها اخوة خمسة
3 متزوجين وعدهم اولاد واحد مزوج من سنة وطلك مرتة ويريدون يزوجوه بس هوة مدى يقبل لان مرتة الطلكها جان ماخذها عن حب وعلاقة 4 سنين قبل الزواج هية من بغداد طالبة كلية جانت وهوة هم جان وياها بنفس الكلية بس هوة اقسام داخلية وهية اصلن من اهالي بغداد .
. من البداية اهلها واهلة مراضين ع الزواج بسبب الفرق التربية والبيئة المختلفة بس مثل التحدي صار وتزوجو بس للاسف هلزواج مدام سنة بسبب المشاكل واتدخل الاهل لكلى الطرفين .
المهم وكعدت تحجيلي عنهم وعن سيرت حياة اهلها بلتفصيل
وبعد عدها اخ صغير تقريبا بعمر حسين اخوية

وهنة 4 خوات
هية والجبيرة متزوجات و2 بعدهن ممزوجات نصيب مصار

من خلال الحجي والكلام تقريبا حجيتلها سالفتي كلها اني هم ارتاحيتلها نوعا ما وحجيت مقتطفات الي بخاطري احجيها واحد يسمعها لان اذى محجيت جان انفجرت
حتى ع حسام حجيتلها شلون لزكة والله بلاني بي
كالت هذا عود عبالج يجوز منج
هذا انسجن وتمرمط وتبهذل ومعافج تريدي هسة من كم كلمة راح يعوفج مستحيل رؤى
والحل ياأم سيف شسوي تعبت ومابية بعد يلاحكني
هلمرة حلفت اشتكي علية
.. وهم ميبطل
اووف شسوي لعد
انتي تحبي بيني وبينج الحجي
.. يا شبيج صارلي كم يوم شحجيلج اني لعد
... خوش
شنو الخوش
حلج واحد بس بهاي الطريقة راح يتركج
... الله ويدج ولج عيني
تتزوجين
😕 هاا اتزوج 🤔
صدك جذب ياام سيف اني شحجي وانتي شتحجين
اكلج اني صايجة منة لان ملاحكني هلنوب دكليلي ازوج
.. افهم خية افهم انتي شنو علتج وياه؟ وية الزواج نفسة ؟
اني مشكلتي وياه منذ الازل يعني من زمان ماطيقة
اما مسألت الزواج بحد ذاتة شايلتها من راسي تماماً اولاً حبي لقتيبة وفائي وإخلاصي الة ميسمحلي اسوي هلشي اعتبرة خيانة لة
وثاني شي اني عندي بنية مو وحدي خالية ماعندي احد .
هوة لان عندج بنية لازم يكون الج ولبنتج سند
.. ي والسند هوة اني ازوج رجال ثاني حتى يعيشها بظيم وظلايم لبنتي مو
.. ليش ضيم وظلايم ليش الرجال الي راح ياخذج او تاخذي هيج انسان ماعندة انسانية ولارحمة
بلعكس اخذي واحد زين ورجال بمعنى الكلمة