حب لايعرف المستحيل 2

بارت 15

حب لايعرف المستحيل
بارت 15
زهراء الطائي

طلعت مشيت بلممر جان تصير بوجهي ام سيف وياها واحد يمشي
هية طبت كايدة الجهال والشاب الي وياها بقة ينتظر
تلكتني تبتسم سلمت علية وراحت جوة
رجعت ع المكان الي نكعد بي
كعدت
والشاب الي وياها بقة يم باب المدخل واكف
باوعت علية ودرت وجهي
حسيتة هوة هم يباوعني
رجعت لمحة بنضرة سريعة مثل الي مزاجة متعكر او هوة هيج ماعرف
بس من شفتة ماعرف شصارلي
كل شوية عيوني تروح علية وارجع ابعد نضري واتعوذ من بليس
بس داخلي يحجي
يمكن هوة هذا نفسة الي بلصورة
لالا موهوة هذا بي اختلاف هذا ضعيف اكثر وطويل وبي سمار اكثر
بس الملامح نفسها
يي يمكن اخوها الاخ . لان هية هم بيها شبه هواي منة يي اضاهر همة عائلة كلهم يتشابهون
بهلاثناء اجتي ام سيف من بعيد تبتسم بأبتسامة عريضة ع شفاها
سلمت علية اني كاعدة وهية واكفة
كالت تعاي رؤى تعاي جرتني برة
كالت داعرفج هذا اياد اخوية
ودغت اياد الي جان صافن ماعرف وين
اياد هاي رؤى البنية الحجيتلك عنها اقصد حجيت لامي عليها وتتغامز وياه وهوة مثل الي مو ع بعضة وياها

ماعرف شلون سحبتني وشلون كمت وياها وطلعت
وكعدت تعرفني ع اخوها
الموقف جان محرج كلشش بلنسبة الي
اني بقيت منصية راسي ومنطقت ولاحرف . حسيتها محلوة وفشلة منها لانها فشلتنة احنة الاثنين
هوة هم منطق بحرف وبقة مدنج راسة ويبتسم بأبتسامة مصطنعة
وية
هلكلام ماشوف الة حسام طب للروضة وياه واحد وياهم بنية صغيرة
ياربي شجابة هذا هسة ..
باوع علينة
ورجع باوع علية بنظرة معرفت شنو تفسيرها بس مثل الي عبالك انزعج
طبو جوة . هوة وصاحبة ومحاجاني ولاكلمة
واني ماعرف شصارلي مثل الي ارتبكت خفت ليش مادري اووه ياربي شبيج رؤى من شنو خايفة قابل شمسوية انتي اهدي اهدي وحاولت اكون طبيعية
دغتني شيرين شبيج رؤى وجهج نكلب من شفتي
حاجيتها ع كيف لا مابية شي بس انزعج من اشوفة ماكو شي لتهتمين
يي شفتي مو كلتلج مراح يجوز منج راح يبقة يطلعلج مثل عفريت العلبة . ههه عود يعني محاجاج عبالج يعني مو عليج جاي لاحبيبتي جاي يطقس يشوفج حتى من تحاججي يكلج لا هيج جيت بشغلة . حبيبتي هلدروب متعبر علية
بقيت ساكتة محجيت شي

اخوها راح ابتعد علينة شوية بعد مسافة بسيطة ينتظرها
بوستني وكالت اني طالعة امي وخواتي زايريني وانشالله اعرفج عليهم ..
حان بقيت وياج والله بس اذى تحبين اوصلج للبيت
كتلها لا مشكورة حبيبتي تعرفين هاي بنتي اذا صارت استراحة وملكتني تكلب الدنيا واني هم ميهلي اعوفها بعد صغيرونة هههه
غمزتلي وعضت شفة كالت هذا ايودي شفتي شلون شاب وتاشر بأديها شلون شفتي شنو رئيج
سكتت ورجعت كتلها ربي يحفظه الكم

عضت ع اصبعها حييييل وكالت اخخخخخخ الله منج . بس هينة حاطتج براسي اخذج يعني اخذج
ضحكت الها وهزيت راسي وفريت ايدي دروحي وراج خطار جايج من درب بعيد وشيليني من راسج
لا ماشيلج . هاهية..
انتي وايودي لايكين ع بعض كلش هواي
وتالي وياج شيرين