بارت 3
مسائكم عنبر
حب لايعرف المستحيل
الجزء الثاني
بقلمي زهراء الطائي
انتقلنة لبيت خالد
واستقبلتنة سعاد و رغد هم جانت تنتظرنة يمهم
كعدنة وضيفتنة عادي بوجه رحب وبشوش
بقينة فترة على كعدتنة بين سوالف وشفة وحجي نسوان
بس حسيت على كم بسمار من سعاد الي بس غلست
عود كل شوية وتكلي شلون عشتي وية المخابيل ومن هلحجي
اخر شي كلتلها احب اوضحلج كذى معلومة انتي متعرفيهم
اني مجنت عايشة وية المخابيل اني جنت بجناح خاص هاي وحدة
ومريض النفسي او المضطرب نفسيا موشرط ان يكون مخبل اومعتوه مجنون
وعلى هذا وكتنة تلكين ثلاث ارباع العراقيين يعانون من حالة نفسية معقدة .. من الي شافوه وديشوفوه
اني متخبلت
بس الي مريت بي خلاني افقد اعصابي والسيطرة على روحي ورفضت الواقع لانة مر
واني لفترة توقفت عن هذا العالم لاني مكدرت اجرع مرورتة
فتعبت حالي حال الي شخص يتعب ويمر بكأبة
لكني لا مشيت وشككت ملابسي ولا نثرت شعري ولاسويتها على روحي وبثوبي ..
ههه هاي شبيج حبيبة شنو زعلتي واكلتيني حاصل فاصل و اني مقصدي شي
والله بس عبالي جنتو سوة
وحبيت اعرف اذى تشافيتي زين او لا
اكتفيت بنظرة الها ومحجيت شي وسكتت
حبت رغد تغير الموضوع وتسولف على الملابس والماركات
عمتي جانت ساكتة وسارحة بعالم بعيد ماعرف شلي يدور براسها بس احسها مقهورة
بقيت اشرب بلجاي ماتي وهمة يسولفون بيناتهم
محسيت الة ودموع غفت بحظني
عاد كتلها سعاد فدوة وين المكان او الغرفة الي راح نستقر بيها لان بنتي غفت
كالت يي عيني تعالي وياية
اخذتني
بيتهم صاير بيت ارضي شي فخم وراقي كلة حجر عبالك موبيت مثل مغارة بطرازة بيوت جبلية بس كلش راقي
مشيت وراها
ودتني غرفة اخر ممر يم باب الخروج
كالت هذا مكانج انتي والطفلة
غرفة حلوة كلش البيت كلة غرفة راقية
بس غرف النوم كلها بداخل البيت جوة
بس الي اخذتني بيها صايرة برة يم باب المدخل الداخلي
انتبهت هية موغرفة نوم هية اشبه بغرفة استقبال اوصالة صغيرة للضيوف بيها ملحقات
مهتميت اخذت الطفلة نيمتها على سرير نفسها غرفة قتيبة شاديها ارتاحيت من شفتها
خلتني وطلعت
ورة شوية اجتي رغد
كالت شو هنا حاطتج سعاد ليش بلستقبال مالهم
كتلها والله مادري يجوز ماعدها غرف كافية
يابة شدكولين انتي اكو غرف كومة دشوفي البيت شكبرة
كتلها والله مادري ياعيني . بس هيج اريحلي احسن
رؤى حبيبي لتزعلين من مرة خالد هية حبابة بس متعرف تحجي وتذبها ذب . لتاخذين على خاطرج منها حسيتج انقهرتي
لاحبيبتي شدكولين عادي اني هم مقصرت جاوبتها مسكتت فليش داضوج
يي عيني انتي منا ورايح لازم الانسان يقوة بحياتج راح تواجهين ناس اتعس من ناس
أنت تقرأ
حب لايعرف المستحيل 2
Romanceواقعية اجتماعية ورمانسية . بمشيئة الرحمن ورحمته علينا انعم بنا بنعمة النسيان . لكي تستمر الحياة ونستمر بلعيش فيها بحلوها ومرها بصلبها وبلينها بحزنها وفرحيها وفتحت لنا اذرعها لتكملت ماتبقى من العمر .. ومحاولة التغلب على اقسى مافيها والتشبث بلقوة وال...
