حب لايعرف المستحيل 2

باارت 18

حب لايعرف المستحيل 2
بارت 18
زهراء الطائي

كلتلها لا
لاني ممفكرة بزواج
فكري
يي شبيج  فكري ليش لحتى متفكرين شناقصج

شفكر خالة تحجين صدك
وقتيبة
هم رجعت ع المرحوم
يي ارجعلة ليش ما ارجعلة هذا قطعة من روحي

واذى ترديني افكر بيهج شي شلون
اذى  اجاني بلمنام شكلة اكلة والله متحملت بلا رجال . لو اكلة اهلي غصبوني
جاهل اني شنو
هاي عود ردتج عون
وبعدين هيج اني ثكيلة عليكم لحتى تشمروني هلشمرة تعرفون انتو هم وين عايشين همة
بلبصرة بلبصرة يعني لاهنا ولاهناك يعني باخر الدنيا

جاوب حسين
لامو ثكيلة  وشي ثاني احنة بعدنة حتى مسئلنة لاع الولد ولاع اهلة ولاهمة جابو زلم وطلبو

جاوبتة بعد شكو لعد سويتلي هلهوسة كلها ليش

تعرفين ليش سويتلج هوسة
لانج مدى تثبتين تكمزين منا ومنا وعبالج بعدج مثل قبل
جاوبتة هاي اني
يي ولاعبالج اني زمال ترة الاثنين طامعين بيج وانتي كاعدة تلعبين عليهم
عطت بي يااخلاق سزز ميفيد بيك هذاك الحقير حشى راسك
امي هم عاطت بي هية وخالتي

كام كال والله هذا العندي غصب عليج تسوي
لااني ولا امي نتحمل بعد الي يصير
حسام الزكة منا  والعالم مبطلت سيرتنة من لسانها وانتي وياه ناكر ونكير
وهذا البصراوي منا هم طلعلنة
روحي تزوجي وخلصي لان حسام مراح تخلصين منة بسهولة  الة بهاي الطريقة اني علية نصحتج وانتي حرة باختيارج 
والج خيارين لو تتزوجين حسام وتفضينة لو تقبلين بلبصراوي وخلص تنتهي القصة
حجى هلكلام الي كلة سم وطلع
وعطت علية انجب مو بكيفك حقير بقيت بس انتة مصرت رجال علية
وكمت ابجي
خالتي بقت دك ع رجلها شلون قهر هذا شلون بلوة هاي
كلتلها كلة من ورة هذا النذل ابن اخوج
راح يبقة يلاحكني مثل شبح الموت
وكعدت ادعي وفتحت ثوبي للسمة
امي وخالتي كمزو علية
لايمة لا حرام عليج كلبنة يوجعنة علية خطية والله خطية مظلوم مهظوم هلمسكين وحالة اتعس من حالج
اذى انتي عندج احد يحبج من اهلج ويخاف عليج
فهوة محد الة حتى ابوه الي جانت روحة بي هم عافة من يوم صار الي صار وهوة منبوذ
وتعاقب ع شي هوة ممسوي ولاالة ذنب
ولو شايفة حالة من رجع
انتي نفسج مراح دكولين هل كلام
حتى هسة  ترة مو مسالة لازكلج لا بس من حبة الج وخوفة عليج وع بنتج يحاول يحافظ عليكم بشتى الطرق
كلتلها من عمايلة و

سكتت والعبرة خانكتني وغاصة بيها روحي
ماعندي لاكلام ينحجي ولاينكال
مالي غير ربي هوة حسبي وهوة وكيلي وكفيلي

رحت غسلت وجهي
وطبيت لغرفتي ابدل ملابسي
حتى اكل محاطة بحلكي من الصبح ولاحتى اشتهي المي اشربة
واحس راسي بي مثل صوت يطن ويلف ويدور بية
طلعتلي دشداشة  فانيلة تركي ماروني وبيها دكة ناعمة ورد ابيض طويلة وردانها لحد العكس ومن يم العكس تول ابيض
وكل الي اذكرة
وكفت اباوع ع وجهي بلمراية
وعيوني منفخة وجهي تعبان
كمت احجي وية روحي
وتالي وياج رؤى شلون وتالي كافي تعبتي بما فية الكفاية
كمت ابجي وزدت بلبجي ولكم رحموني رحموني يااهلي ياناسي رحموني اتوسل الكم ترحموني ماريد شي منكم غير انكم تتركوني اعيش اني وبنتي بسلام وامان وعد مني الكم ماذي احد بيكم بس تركوني اعيش
يي اعيش ع ذكرى رجل حبيتة وعشكتة وعدتة اكون الة وماكون لغيرة بيوم
حتى لو صار جوة التراب بعدني عايشة ع امل انو يرجعلي
يكفي اشوفة ويشوفني بلمنام واقضي وياه وقت من اجمل الاوقات
اسئل واجاوب نفسي
يي بعدني مطبت ولاتعافيت من قتيبة
كل يوم اون الف ونة علية
بعدة عطرة بجسمي بعدها صوت انفاسة يم اذاني
بعدها عيونة تباوعني بابستلمة وحب
بعدها ايدة الي تلزمني وتحظني وتضمني ع صدرة
بعدها شفايفة ودفئها ع شفايفي
شلون لكم شلوووووون تريدوني انسى واتناسة شلون
ولكم اني دفنت بشر من لحم ودم مو راس بصل وتريدوني انسى
ولكم شلون انسى بين يوم وليلة شلوووووووووون
شلون انسى العذاب الي عشتة بس حتى اتوصل الة
شلووون شلوووون ياناس ياعالم شلووون