حب لايعرف المستحيل 2
ب9قلم الهاوية زهراء الطائي
بارت 12
مسائكم هيل ومسك وعنبر 🌷
التفتت
جان اشوف حساااام
باوعت علية بدهشة
عقدت حواجبي
وصحت
حساام شسوي انتة هنا
باوعت علية الموضفة
خيرج عزيزتي اكو شي
جاوبها بساع
واني مستغربة هذا شديخربط وشجابة وراية
كالها وين اوقع
كتلة شتوق بصفتك شنو وشجابك هنا وراية شنو تلاحكني انتة شبيك
جاوبتة الموضفة شصيرلها انتة
كلها زوجها وحاليا طليقها
صافنة علية وباهتة اني
جان دكلة من الطفلة شتصير ؟ ابووها ؟
هيج شيط0ديريد يوقع عود هوة ولي امر الطفلة
جريت القلم منة بساع ودفعتة كتلها
اني ولية امر الطفلة ابوها متوفي
جاوبت
هذا منو لعد
كتلها هيج مالج شغل بي
كالت اذى اكو شي اوإشكال بالاوراق كلولي ترة هذي حضانة اطفال واولاد الناس هنا امانة فرجائاً منريد مشاكل وداحس شكلكم مريب يعني اسفة على هذا الكلام بس هذي امانة ارجوكم تتفهمون مابينة حيل مشاكل لان كل فترة تصير عدنة هيج خلافات وتعبنة حيل
يعني يجيكم اب وام منفصلين والاثنين يتعاركون على ابنهم اوبنتهم وهنا تصير مهزلة فتعبنة حيل من هيج سوالف
جاوبها لالا اختي اسف اني بس هاي البنية بنت عمتي وطليقتي وحبيت اساعدها ماكو لاإشكال ولاشي يخوف اعتذر انسحب اني
كوة لازمة روحي عنة . اكيد هذا مو بكامل قواه العقلية وديخربط مدى يعرف شيصرف
كالت اخوان مشاكلكم حلوها بينكم لاهيجي
كتلها العفو منج بس اكدر اكمل للطفلة المعاملة
كالت يي هاج هاي ورقة مال فحص طبي مطلوبة عدنة كشكل روتيني روحي للمركز الصحي الي هنا كمليها وتعاي . باوعت على ساعتها
كالت متلحكين هسة باجر كمليها وجيبيها
كتلها مشكورة واخذت دموع وطلعت طايرة واعصابي ترجف
داطلع من باب الروضة بكل سرعتي من اعصب افقد السيطرة على روحي حتلو بلشارع
مااحس الة صوت هورن قوي وبريك
نداريت اباع سيارة بعد شعراية وتدهسنة دهس
ع وكفتي نزلت مرة شابة تطلع ثلاثينية محجبة لبسها زين مرتبة سيارتها كيو كيو صغيرة
كالت سلامات حبي اني اسفة اعتذر مشفتج فجئة صرتي كبالي . بيج شي الصغيرة بيها شي انطينياها
اني مثل الي فاصلة بهتت
جرتها مني وتكلب بيها
كتلها لا اختي ماصار شي والله ولاحتى السيارة طختني
متاكدة
يي والله . اني الي اسفة جنت امشي وماشفت دربي بالي مو الي
كالت الحمدلله وكع كلبي كلشي ولااسوي قدر بأحد
امانة اي شي تحتاجين او بيكم اضرار اوشي تكليلي
هنا الروضة يعرفوني اسمي شيرين ام مرتضى
بس كليلهم علية همة راح يساعدوج توصليلي بنتج هنا مسجلتها مو .. جاوبتها يي
. رجعت كالت لاعليش
انطيني فونج بساع
طلعتة الها .
جرتة مني وكتبت الرقم وخزنتة كالت اتصلي اذى احتاجيتي شي
مشكورة حبيبتي بس صدكي مصار شي
ميخالف مرات الواحد ميحس الة بعدين
عود اتصلي انتضر اتصالج اطمئن ماشي
تمام صار
بهلاثناء حسام واكف فوك راسي
نداريت علية
جان اعيط بوجها كتلة من وراك جان اني والطفلة هسة بلطب العدلي
حسام باوعني عدل انتة شتريد شتحس ياخي موتتني مرمرتمي مثل الجني تطلعلي بكل مكان ياخي فكني عوفني بحالي ارحمني اعتقني لوجه الله تعالى جوز مني عااااااد
مكفاك الي صارلي والي صار بيك حتى ميأست متعبت روح حسام قربانة لله روح شوف حياتك شوف دربك ازوج وعيش الي بعمرك تزوجو وخلفو
دخيلك روح
لامشكلة دتنفع وياك ولا الطيب دينفع وياك بس كلي شنو الي يفيد وياك وتعتقني . كابوس انتة كابوس تطلعلي رحمة لهلك اترررركني عاد بزعت منك بزعت ترة . اخر شي تدري شسوي اروح اشتكيك للمركز واخلص .
سكت ودنج
كال راح اتركج رؤى صدكي
كتلة لاهواي شبعت من هلحجي
لاهلمرة من صدك بس بشرط . كل مرة دكول هلمرة من صدك وترجع تلاحكني
بس اريدج تسمعيني للاخير من احجي ومتقاطعيني ولخاطر الزاد والملح الي بينة قبلي ان نتقابل ونحجي وعد هلمرة اخر مرة
لزمت راسي وبقيت افرك بي
كتلة حسام اني راجعة للبيت هسة عود يصير خير
اكيد رؤى
اكيد حسام روح هسة من دربي
ماشي
متاكدة مصار عليكم شي
مصار شي خليني اروح عاد الطفلة ماعت من الحر
اوكفي خل اوصلج بسيارة رؤى
أنت تقرأ
حب لايعرف المستحيل 2
Romansaواقعية اجتماعية ورمانسية . بمشيئة الرحمن ورحمته علينا انعم بنا بنعمة النسيان . لكي تستمر الحياة ونستمر بلعيش فيها بحلوها ومرها بصلبها وبلينها بحزنها وفرحيها وفتحت لنا اذرعها لتكملت ماتبقى من العمر .. ومحاولة التغلب على اقسى مافيها والتشبث بلقوة وال...
