حب لايعرف المستحيل 2

بارت 7

صباحكم  رحمة
بقلم الهاوية .. زهراء الطائي
الجزء الثاني من
حب لايعرف المستحيل ..
بارت 7

احيانا الحياة تجبرك على التعامل مع ناس جانو سبب اذيتك وتعاستك
كما تظن .. انت
ولسبب ما
هل  كرهك لهم .
يكون حاجز محجوب عن رئيت ماهو خير لك منهم
وغمامة عينك اعكست لك ماهو شر منهم
وكل ماتفكر به في قلبك سوى الكره من ناحيتهم
وتكون انت من جانب المظلوم
وهو الظالم .. ؟؟؟
لو نعيد النظر في امور تخص حياتنا وتطرئنا لها من جانب اخر وزاوية   اخرى . بنية صافية للشخص المقابل
لتكون نظرتنا هنا تختلف عن امور كثيرة كنا نجهل او نسوء الفهم والضن بها في الشخص المقابل
في بعض ..بعض الاشخاص . نسيء فهمهم من بعض الافعال .بلكاد هم لم يخطر ببالهم او  بنيتهم الايذاء بهذا الشكل المروع الذي اخذناه عنهم ..

في النهاية والعبرة من هذا البارت
لاتتسرعون بلحكم ع الناس
ويقال .. حمل اخاك المؤمن على سبعين محمل ..
لربما هو لم يقصد في الشيء الذي انتة تضن   به او ان يجرحك بشيء .. لربما العكس ولكن لنقل  طريقته ليست بلطريقة المرضية او ساذجة احيانا ..

..............................

اشرتلي امي كالت هاي السيارة يلة ام خالد يلة رؤى ماما
وجانت الصدمة

حسااااااام
يي حسام
درت ع امي اباوعلها بغضب
افتهمت نضرتي الها شنو
بعدت نضرها عني
كتلها بصوووت امييييي بعدني مرجعت والله
ممكن اعرف هل الانسان شجابة هنا وشيسويييييي ..
كالت بنتي رؤى
كتلها
كاااافي  شبعت ماريد اسمع شي
وخليني واكفة هنا ورجعة وياج للبيت مارجع
اظاهر الاسطوانة القديمة راح تنعاد
عمتي تهدي ماكو امي تحاول هم ماكو حسين اخذ دموع وكف بيها ع صفحة
اكو مثل الدجة ماعرف مصطبة كعدت عليها جان الكل يحجي ويحاول يهدي لكن مجنت اسمع شي العالم فظة من كل بشر وكل صوت كأني وحدي بلعالم .. وكامت تمر ايامي وشريط حياتي كلة كدام عيوني . شلون شفت قتيبة وشلون طلعت من العراق و شلون رجعت ورديت رحت ورديت رجعت .. والدنيا اخذت مني ومن عمري اكثر من مانطتني
لزمت راسي وكعدت ابجي بحركة
رغم الوعد الي وعدت نفسي بي  وعدت الناس الي بجانبي اني راح اكون قوية وماستسلم لدموعي  ..
بس ماعرف شلي صار احس خنكة داخل روحي وغصة متنبلع يمكن مو لان شفت حسام لا جان شي اكبر
حسيت بكل الي مر علية وجرة مو من مدة طويلة لا كانه اليوم . فردتلي حجة اتمسك بيها لحتى ابجي واطلع الي بكلبي كلة
عمتى اسمعها تكول لااخذهم وياية هاي بعدنة بلمطار وهيج ... هية هاي سواية تسويها ام حسين تجيبيلها حسام وياج انتي متعرفين شكد تكرها وتتخبل ينجاب طارية وسبب ضلتها يمنة وتحملت الي محد اتحملة في سبيل متلتقي بي تالي تجيبي وياج دخل توصل ترتاح تالي خل يطلعلها شنو قاصدتها ياخيتي

لابللله ماقصدت ولاشي من الكلتي
اني مجبتة بس هوة لح علية وكال اني عندي سيارة مترهم تجيبيهم  وحدج
واني ع حد علمي رؤى نست امرة من يوم الي طلعت برائت الولد . متوقعت هيج
ماما رؤاوي حبيبتي والله مقصدت شي من هذا
وحتى حسام ماقصد وياج اي اذية
صدكي ماما حسام خوش ولد لتضنين بي الضن السوء . افقر منة ماكو لليوم يبجي دم عليج ويكول ماتركها الة تسامحني اني سبب باذيتها وخطيتها بركبتي
فاهمة غلط ماما انتي صدكي مراح يتعرضلج بشي يضايقج بي