حب لايعرف المستحيل 2

باارت 17

حب لايعرف المستحيل 2
زهراء الطائي
17

فتحت الباب
صار بوجهي حسين
كال تفضلي حسام بلهول عندة حجي وياج  اني شعرف لعد
هاي مراح تنتهي ولاتخلص ومن احجي تلصميني ع حلكي
تفضلي ست شوفي الاخ شرايد منج

صفنت علية وتنهدت
وجريت حجابي وطلعت
طبيت للهول
اباع حسام ينتفض
كتلة نعم خير شصاير
كال رؤى من الاخير . تريدين تتزوجين
اني حاضر ومستعد وتحت رهن اشارة منج
بنتج بنتي وبعيوني وبكلبي اخليها
واذى بيوم عاملتها موزين الج حق تركعيني بنعال
دتشوفين شكد داذل نفسي الج لولا
بيت اسكنج وحد
دراسة اني اتكفل بكلشي واخليج بأحسن الجامعات
شتريدين اني حاضر
واني ابن خالج وطليقج واولى بيج من الغريب
بس مال توافقون ع هذا الي جاي من اخر الدنيا فلهنا وكافي اني الي اوكف بوجها وشتسوين سوي

كتلة هيييي اوكف وانتة منو بلازغراً
هاا جاوب بصفتك شنو
نسييت يااستاذ حسام الي سويتة وياية من قبل لو شنو جاي تعيدة  علية اليوم
شو انتة مدري شلونك كل يوم شكل كل ساعة براي
اثبتلك ع قرار ولتضل تشمر وتكمز منا ومنا
ترة كااااافي تعبت منك ومليت كلش من تصرفات الصبيانية 
جووز مني
ومو انتة الي تقرر منو اخذ ومنو ارفض
القرار يعود الي
بكيفي اريد اتزوج اريد ابقى اريد اقبل بي هذا شي ميخصك
مالك حكم علية افتهمت
امي تهدي بينة لان صار نقاش حاد  وجدال

انداريت ع امي
هاا وينة كلامج حسام مالة دخل بيج وميتعرضلج وتغير والسجن فركة وكسرة وينة هيانة نفسة متغير
وارجعي وارجعي هاي اني رجعت
وشنو الي صار نفس الاصطوانة القديمة متغير منها حرف
دنكت راسها تباوع بلكاع وجرت حسرة

جاوب كال اني مدى اضغط عليج تعالي هسة تزوجيني بس دااكلج اني اولى من الغريب
اذى فكرتي ترتبطين 
واسف ع ازعاجي الكم واترخص
طلع
صحت وراه روووح عساك لارجعت

امي ع وضعها ساكتة كلشي محجت
حسين يفر بيدة ويعوج بحلكة
كال هاا اني  شكلت .. رجع كال خل اسكت احسن
وخلة وصعد لغرفتة
دخت واحس راسي طبل ومدى اعرف اتصرف بهلخربطة
ولااعرف شلون اتخلص من هلمخبل هذا
كلام حسين يمكن صحيح
اووف يعني شلون مااعيش مارتاح
دموع يمي تبجي
عطت بيها حيل زادت بلبجي
واني منا اعصابي تلفانة حيل
طبت امي
شبيج وية الطفلة ليش تفرغين غظبج بيها
دتاخذها . جريتها منها كتلها عوفيها وعوفوني الي بعد ولحد يدخل بية ترة اهج والله والكعبة اهج متندلون الي درب
اني خبلة وعندي سوابق واسويها فلتضغطون علية اكثر
طلعت من يمي
نيمت دموع من بعد ماسكتتها بلكوة زعلانة علية اول مرة اصرخ عليها هيج

حرت ياربي شسوي دليني ع دربي تعبت والله تعبت اريد اعيش حالي حال الناس من دون مصايب من دون  احد يتحكم بية
ليش ياربي هيج مجتمعنة ذكوري والمرة لازم الرجال يرافقها  اووف يالله اوف
جريت الفون
ودزيت رسالة لخالتي كتلها خالة تعاليلي ضروري باجر واذى متكدرين اني اجيج
ورة شوية
دزت رسالة
كالت انتي تعاي اذى اجي لازم ابات لان صار هواي مجاية واني ممحضرة روحي انو اجي