مسائكم معطر بعطر القداح
حب لايعرف المستحيل 2
بقلمي . زهراء الطائي
البارت - 8 -
حسيت ازل تكعدني بهمس وتلعب بخصل شعري
رؤى كومي حبيبي الدنيا ليل صارت ماما وخالتج بلهول كاعدين يلة حبيبة
احاجيها والنومة بعيوني
امم يلة كعدت . دموع وين ؟
ههه اسكتي بنتج مثل الي بحياتها مشايفة جهال تعاي شوفيها شلون تركض وتكمز وتضحك وشعرها مفلول هههه فدوة لعيونها
ههه بربج ..
ههه كومي وانتي تشوفين بعينج
ولج مسكينة هية وين شايفة جهال وين شايفة صخام سودة علية حالها حال امها من حبسة لحبسة
لالا بعد اجيتو اهنا ماكو حبس يم امونة ماكو حبسة هههههه كل يوم بلسوك
هههه لاجنينة خير
هاا ولج تحجين ع امي الة افتن عليج
قندرة لج
ماعلينة هسة كومي خل نشرب جاي امي خوش كيك مسوية وخالتج خطية وراها سفر باجر هم كعدي يمها
كمت من الفراش عدلت روحي وجريت القراصة من جوة المخدة البس بيها
اسكتي ازل والله شايلة هم شكبرة هاي عمتي متعلمة علينة واني ودموع هم شلون راح نفاركها مادري بيني وبينج اني ابين لها ممهتمة بس كلبي يجويني عليها
وماعرف شراح اسوي اذى راحت يمكن انموت
لااسم الله لتكولين هيج تتعودون انشالله
لاازل مو مثل ماانتي مفكرة
هلعائلة بيهم سحر عجيب اذى تتعلمين ع واحد منهم بعد متكدرين تفاركي واذى صار فراك حيل تنوجعين ع فركتهم اكو هيج ناس
لارؤى انتي القليل منج بهذا الوكت انتي طيبة ومخلصة والي تحبيه تحبيه وتضحيلة هواي
خايفة ليصير بيها شي هاي سعاد مو ادمية وهية وعمتي ميتوالمن تروح تموتها للمرة اووف اووف والله كلبي نار تسعر احس بي
والله لان اعرف خالد شنو من شي لجان عمتي مخليتها ترجع وخليتها تبقة يمنة شو البيت وجبير وامي مرة مسالمة وماعدها احد وهية بعد افقر من امي
الله كريم ربج ميخليها بعقدتها كل مشكلة والها حلال
انتي بس اهدي وديربالج ع روحج وع صحتج
عندج بنية زغيرة
يي حبيبة يي .. خل اكوم اغسل واشوف هاي ام كفشة ههههه ولج لولة شعرها بي من شعرج ديصير مجان هيج
ههه يي مستاهلة هلكد متعيبين ع شعري
كومي لج شوكت معيبة اني ع شعرج اصلن احلى شي بيج شعرج
هاا واني محلوة يعني
قبل يي بس هسة صايرة احول الزواج موالمج 😉😉
سخيفة هههههه
هههههههه
شموالمني خليني ساكتة
هاا ليش ولج احجيلي
بعدين اسولفلج كومي هسة
خوش
رحت اغسل ع المغسلة
فتحت البوري وبعدني اغسل
رفعت راسي اباوع وجهي بلمراية تراوالي قتيبة وراية واكف ويبتسم . فزيت من مكاني احس كلبي انخمط وانفاسي تسارعت
رجعت لزمت وجهي بايدي الثنين وطشيت مي بارد ع وجهي
وكلت بيني وبين نفسي رؤى صيري قوية ولتستسلمين للمرض مرة لخ .خلص قتيبة مات اطلبيلة الرحمة وهاي اكيد بسبب المكان والبيت ذكرياتج القديمة اتجددت لازم تبتعدين عن كل مكان يذكرج بي موتنبشين الذكريات بيدج
يي خلص
ضربت على وجهي ضربتين .وسحبت شهيق وزفير
ومشيت
اسمع الجهال عياطهم مديت راسي اشوف حسين وياهم يلعب عبالك اصغر منهم
ابتسمت ورحت للهول
أنت تقرأ
حب لايعرف المستحيل 2
Romanceواقعية اجتماعية ورمانسية . بمشيئة الرحمن ورحمته علينا انعم بنا بنعمة النسيان . لكي تستمر الحياة ونستمر بلعيش فيها بحلوها ومرها بصلبها وبلينها بحزنها وفرحيها وفتحت لنا اذرعها لتكملت ماتبقى من العمر .. ومحاولة التغلب على اقسى مافيها والتشبث بلقوة وال...
