قصص الكاتبه ريتاج الكعبه الناشربارق العراقي

قصة احلى الايام بقلم الكاتبه ريتاج الكعبه البارت_٣_٢_١الناشربارق العراقي

#البارت_١_٢_٣_
#احلى_الايام
#البارت_الأول
#بقلم_الكاتبه_ريتاج_الكعبه
#الناشربارق_العراقي
اسمي نوره حياتي حلوه أعيش ويه امي وابويه اخواني اثنين متزوجين ويانه بنفس البيت وعندي هم اختين متزوجات يعني اني آخر العنقود جنت احب الدراسه والمدرسه بعمري متعديت حدودي جنت اسمع البنات الي بعمري يحجن عن علاقة الحب والشباب واني جنت ما الي علاقه بيهن كل همي دراستي وبس يعني جنت اروح بطريقي وارجع بطريقي إلى ان دخلت كليه التربيه لان كانت أمنيتي اصير مدرسه اني شكلي جميل بيضه مليانه عيوني عسلي وشعري اشقر طويل امي تتخبل اذا أكص منه شويه طبعا اني محجبه ولكل يكولون الحجاب يجنن عليه
امي وابويه يعاملوني عبالك اني الوحيده الهم حتى اخواني وأخواتي يغارون مني 😂😂(ريتاج الكعبه)واني مسويه للبيت جوو من رحت للكليه اهلي خلولي خط يأخذني ويجيبني امي جانت عدها صديقه وجانو جيرانه من زمان بيتنه بفرع عريض وكدامه افرع جان بيت ام مصطفى بالفرع مقاييل بيتنه وهي دائما تجي يم امي وامي مرات تروح الهم اذا ما اجتها ام مصطفى فد يوم جان شتا والدنيا تمطر
خفيف وبارده واني اريد اروح الكليه خابر ابو الخط كال سيارته عاطله مايكدر يجي
يمه هسه شلون
امي..شنو شلون لاترحين اليوم وهم راح تمطر حيل والدنيا بارده
يمه شنو واذا بارده وانتي شنو الانواء الجويه
امي يله كافي وسوينه ريوك وخلي نتريك اني وياج وأبوج
صار يمه.. هاي ام مصطفى اجت علينه
امي هله بيه خلي تتفضل
ام مصطفى.. صباح الخير شلونكم
شنو اليوم نوره مارايحه
لا خاله اليوم راح نغرك ويمكن نصعد للسطح😂😂😜😜
يمه اسم الله منو كال؟؟ خاله الانواء الجويه مالت امي ولهذا مارحت
ام مصطفى خرب ببليسج نوره عبالي صدك
امي.. ماتعرفين سوالف نوره انتي متريكه لا
لا والله ويامن اتريك ابو مصطفى والولد و كلمن طلع واني بقيت وحدي انطبك عليه البيت واجيت يمج عود من يرجعون اكل وياهم مالي خلك وهمه هم ميسون واهس اسوي الشي ومايكلوه بس اني وأبو مصطفى ناكله يجون كل واحد جايب صمون وياه وصوصج لو كبه لو همبركر والله موتوني
امي ..اي مايردون يتعبوج يعرفون وحدج بالبيت(ريتاج الكعبه)
خاله ام مصطفى هسه تاكلين ويانه بس كيلي شتحبين اسويلج اني حاضره
ام مصطفى صدك نوره انتي تعرفين تسوين شي هههه
امي.. تره نوره شاطره وكلشي تعرف لا تشوفين تشاقه وتضحك ويانه
سويت بيض عيون ومخلمه وخليت كيمر ومربى وجبن وزيتون وسويت جاي وحليب وخليته كبالهن وتريكينه اخواني واحد عسكري والثاني عنده سياره حمل يطلع من الخمسه الصبح وزوجاتهم ما يكعدن اله بل 9/10 امي ماتحجي وياهن ادكول عدهن أطفال ويسهرن
خلصنه غسلت الماعين ونضفت المطبخ
يمه رايده شي راح اطلع للطرمه انضفها
امي .. لا ياعمري روحي
والله ياام مصطفى كل بناتي بصوب وهاي البنيه بصوب هي حلات البيت اكول شلون لو تزوجت
ام مصطفى يمعوده الله كريم وانتي ما طول فتحتي الموضوع على نوره اريد احجي وياج

اني ام مصطفى عندي3ولد وبنيه مزوجه محافظات احنه وبيت ابو محمد جيران واني وام محمد مثل الاخوات واكثر وكنت اتمنى اخذ من بناتهم لولدي بس كل ما أنوي اسمع أحد حاجي عليهن يعني خطابهم من كراييبهم وبقت بس نوره واني عندي مصطفى متزوج وطالع وبقى فراس وعباس عندي فراس اكبرمن نوره 6سنوات وعباس اكبرمنها 4سنوات واني رايدتها لواحد منهم
ام مصطفى اني اريد نوره لواحد من الولد شدكولين
ام محمد..ليش نلكه احسن منكم ولدج احسن ولد والله مو كدامج
امي 😃شوف شوف هستوني أكلج شلون لو تزوج نوره دكليلي أريده لواحد من الولد صدك الحمى ماتجي اله من الرجلين😂
ام مصطفى هااا صرت حمى مووو😑
لا يختي والله اشاقه وياج لا تزعلين
ام مصطفى ولج اني ما ازعل منج انتي اخيتي
ام محمد ..نوره هاي آخر سنه خلي تخلص والله كريم
لا يختي هم يجي واحد من كرايبكم وياخذها واني اريد نوره حتى ما افاركج وهم تبقى يمج قريبه (ريتاج الكعبه)
ام محمد الله كريم خلي أحاجي ابوها وإخوانها وأول شي اكلمها هي واشوف رايها بس ام مصطفى مو تزعلين اذا ما تقبل البنيه
ام مصطفى اني اعرفج شلون تكدرين تقنعينهم كلهم وأولهم نوره
ام مصطفى رجعت للبيت ولدي يشتغلون
عباس هو وابوه عدهم اسواق وفراس عنده سياره تخرج وما طلع تعيينه وأخذناله سياره ويشتغل بيها ومن رجعو العصر كتلهم اريد ازوج واحد بيكم اني تعبت واريد ابنيه وياي واني شفت نوره بنت ابو محمد واريدها لواحد منكم واذا واحد يحب او عنده وحده يحبها يحجي
عباس الصغير ضحك وكال خلي تولي هاي جنها معقده نويره وشايله خشمه من تمشي عبالك مضيعه فلوسها بالكاع ههههههه خلي أطلع لاتصير الحجايه صدك هههههه
اطلع عابتلك هسه انته شلونك
والله لو ما أبني جان سويت مايسويت وياك
ولك صارت عصبيه الحجبه اشرررد🏃🏃🏃🏃
هذا جنه ما يريدها خلي اروح اكلم فراس وكلمته نفس الكلام .......
هااا يمه فروسي شكلت تره نوره حلوه وخوش ابنيه ونعرف اصلها وفصلها
#قصةاحلى_الايام
#البارت_الثاني
#بقلم_الكاتبه_ريتاج_الكعبه
#الناشربارق_العراقي
ها يمه فروسي شكلت
فراس..يمه نوره خوش ابنيه واهلها والنعم منهم
فراس. بس أنتي حاجيتهم شنوو
أي يمه حاجيت خالتك ام محمد وراح تشوف رأيي نوره وابوها وإخوتها وترجعلي جواب
فراس ههههه يعني بعد ما موافقين وجاي تسأليني
يمه لاتشلع كلبي كلي انته موافق على نوره
اي يوم موافق نوره بنت اوادم بس هي شنو كملت دراسه تريد تبطل
لا يمه كله كم شهر وتكمل هاي آخر سنه
اني فراس خريج اداره واقتصاد عمري28 سنه طويل شكلي مقبول ابيضاني اعرف بيت ابو محمد بس ما مخلي نوره على بالي لان عندي الجار خط أحمر ما اوصله واني هم ما عندي هاي السوالف مال حبي وبنات ومن اجت امي حاجتني كلت ما بيها شي اول وتالي راح أتزوج وامي خطيه هم وحدها باقيه هي الي تختارلي لان هي اعرف مني بهيج شغلات ولأن اني ما عندي ابنيه ابالي
ام محمد.. حجي ام مصطفى حاجتني على نوره تريد تخطبها لفراس اي بس البنيه هاي آخر سنه الها ليش نشغلها بخطبه من هسه
حجي مو هسه بس هي رادت الموافقه المبديه من عدنه هسه
وبيت ابو مصطفى نعرفهم كلش زين وهم نوره تبقى قريبه علينه ليش انته تكدر تفاركها مو تروح مثل اخواتها كل وحده بمحافظة وشالعات عيوني على شوفتهن😢
اهووو بجت هسه دشوفي بنتج واني ما عندي مانع
الله يخليك حجي وتضل خيمه على روسنه هههههه كامت تصبغ يله اني طالع عندي روحه مال واجب ابو أسعد مسوي عمليه وراح نروح لبيته نزوره لأن طالع من المستشفى
الله وياك سلملي عليه
نوره نوره وينج يمه 🙇
ها يمه
اشو صنطه وين رحتن
يمه مرت محمد عد أهلها شنو نسيتي ومرت علاوي فوك رايده شي
اي يمه اريد احجي وياج بشغله
تفضلي كلي إذ أن صاغيه 👂👂
ولج بلا ضحك تعالي اكعدي
وهاي كعده يالله
نوورتي ام مصطفى تريدتخطبج وحاجتني عليج وهمه ناس نعرفهم ويعرفونه وما راح تلكين احسن منهم
يمه بيت ابو مصطفى على رأسي بس يمه اني بعدني مامفكره بالزواج واذا فكرت مو قبل ما اتخرج واتعين لعد اني ليش تعبانه وادرس حتى ازوج واكعد بالبيت
ولج يمه مو هسه بس المره تريد منه حجايه وبعدين لكل حادث حديث على فكره قبل فتره بيت عمج حاجو ابوج رايدينج الباسم
شنوو يمه انتو ماتعرفون باسم شنو مو ابن عمي وتعرفون لاخلقه ولا اخلاق شنو هذا السكير الي يكبسل صدك تحجين
يمه هو ابوج هم منطاهم مجال تشوفين حتى ماكنالج بس هو ضال يهدد ويكول ما اخلي واحد يأخذها غيري خرب حظي ويكلك ليش تأكل الاندومي كرط 😂
نوره يمه فكري ورديلي الجواب
رحت دخلت ال غرفتي اباوع بالمرايه واضحك يااا هاي شنو والله يانوره صايره خواطيبج هوايه من فراس لسكوتي لباسم ابو العكرك😁😁(ريتاج الكعبه) بس اني اعرف امي ماراح تجوز مني لان اذا خلت فكره ابالها بعد هاي هيه اوووي اني شبيه كمت أفكر خلي اقره احسن
وره كم يوم اجت ام مصطفى علينه
هاا ام محمد بشري
والله ام مصطفى اني حاجيت ابو محمد ما عنده مانع والولد تدرين مايخالفون أبوهم بس بقت نوره حاجيتها وانطيتها فتره تفكر انتي هم جيبيها وكلميها منج الها وشوفي جوابها مو احسن
اي ميخالف بس انتي هم ساعديني
#قصةاحلى_الايام
#البارت_الثالث
#بقلم_الكاتبه_ريتاج_الكعبه
#الناشربارق_العراقي
نوره نوره تعالي وين الجاي مال خالتج ام مصطفى
عمه هسه أجيبه تدلين شلونج خاله ام مصطفى
هله ام سجاد شلونج اهلج شلونهم
ام سجاد زوجة اخويه الله يسلمج
امي.. ام سجاد اريد نوره بلكي تصيحيلها من فوك
صار عمه هسه اصيحها
نوره عمتي تريدج
هسه انزل حبيبتي
ونزلت ماكنت ادري ام مصطفى عدنه
شلونج خاله ام مصطفى
هله بنورتي تعالي صار ساعه كاعده وانتي ما جيتي تسلمين عليه
ولله خاله جنت فوك اقره ما ادري بيج عدنه
ام مصطفى امج يمكن كلتلج اني خطبتج لابني ولو ادور الدنيا كلها ما الكه مثلج ومثل اهلج واني رايتج ال فراس وانتو تعرفونه ماكو داعي اوصفه الكم وكل شروطج ماشيه بلا نقاش ها شكلتي
خاله انتو على رأسي بس اني اريد أكمل دراستي واتوظف
اي يمه واحنه ماعدنه مانع كتلج كل شروطج موافقين عليها تكملين وتتوظفين فراس ماعنده مانع وبعد شعندج احجي هاي كدام امج الحجي يصير
نوره خاله اني ما عندي أحد ويايه واريدج يمي لان احبج الله الشاهد ومعزتج مثل ولدي وهم تبقين هنا قريبه يم اهلج الصبح والعصر تشوفينهم
خاله وبالليل مايصير اشوفهم 😁
لا خاله بالليل لفراس ماعلينه احنه
اني صدك خجلت😊 يااا اني شحجاني
ها نورتي شكلتي ريحي قلبي مو صار أسبوع حلكي يابس من وراكم
وبين الخجلانه وبين الاحراج واشوف عيون امي تلمع وتنتظر جوابي
خاله اذا اهلي موافقين اني ما عندي مانع
ام مصطفى..ولكم شلون اهلهل
اضحك ابجي صدك جذب فدواتك ربي زين خاله باجر اجيب مصطفى وكعدو سوه يشوفج وتشوفينه شكلتي
خاله اسألي اهلي اني معليه
هااا ام حمودي شدكولين
بكيفج خيتي تعالو هله بيكم ليش انتو غرب
صدك همه جيرانه بس ولا مره متكلمين واذا اتصادفنه يمكن نسلم على بعض لو لا
وصار ثاني يوم واجو العصر اجت خاله وأبو مصطفى وفراس
عفيه يمه اني ما اريد ادخل عليهم وهمه😊 كاعدين واسلم
يااا لعد شتردين
يمه نكعد بالاستقبال اني وانتي وهمه يدخلون عادي عفيه يمه
هههههه فدووه للي تخجل صار حبيبتي
ودخلو علينه واني ارجف وكلبي يدك سريع💖💖
وخاله كل شويه دكول شلونج نوره
امي أشرتلي اكوم اجيب شي الهم واحنه محضرين كيك وعصير
يمه هم زين خلي أطلع اختنكت رحت للمطبخ واني ارجف وزوجات اخواني يضحكن عليه كتلهم اني بعد ما اروح يمهم ما اكدر انتو ودولهم الضيافه
ليش عيني همه جاين يشفونه😂😂
ولجن والله ما اكدر وابويه وامي وهمه يباوعون بوجهي
شويه واجت امي نوره وين صرتي
يمه فدوه مو شافوني بعد ما ادخل
امي ..عيب يمه مايصير هسه شيكلون عليج يله راح اروح جيبي الكيك والعصير وتعالي
اجيب الكيك اي العصير ام سجاد تشيله والله جاي ارجف اخاف اوكعه من ايدي😣
ام سجاد يله حبي اني اروح وياج
ودخلنا وقدمنا الضيافه وكعدت يم ام مصطفى ختلت يمه هوه ساكت بس من أحد يكلمه يجاوب على كد السوال اني شفته شكد حلووووه جواريبه بيض 😂ما جنت ارفع راسي و اشوف وجه
ام مصطفى ضلت تتقصد تحجي ابنها وتحجيني
يمه فراس شبيها سيارتك اليوم
فراس ما بيها شي بنجر وسويته
اني من تكلم باوعتله اشكد حلو وهادئ
نوره بعد شكد تخلصين
خاله 3اشهر وهاي آخر سنه اني من تكلمت هم شفته يباوعلي وضل ابويه وأبو مصطفى وفراس يحجون وامي وام مصطفى يحجن ويضحكن واني مثل الأطرش بالزفه ههههه وبعدين اترخصو وأهلي لزموهم على العشه ما قبلو همه طلعو واني كبل لغرفتي وزوجات اخوي ركض ورايه واني بغير عالم ويسالوني شنو رايج كتلهم خوش ولد والبيب بالإشارة يفهموا ههههههه
ثاني يوم طلعت اريد اروح للكليه لان اجاني ابو الخط واشوف سيارة فراس واكف وجاي يباوع عليه من بعيد ومن صعدت بالسياره دك هورن وراح مثل السلام
ام مصطفى جايه وره مارحت كايله لامي نريد الخطبه هذا الأسبوع ونكطع مهر عد سيد لمن نكطع مهر بل المحكمه لان فراس مستعجل وفرحان ومقتنع بيه وامي وابويه موافقين
يمه شنو توافقون واني شلحك بالاسبوع
امي شعندج هي بدلات وترحين للصالون والباقي علينه قبلت بل الامر الواقع واجهة يوم الخطبه
ام مصطفى كالت راح يجي عباس يأخذ نوره للصالون بسيارة فراس اجه عباس سلم من وره خشمه عبالك جاي غصب واني ما رتاحيتله وحتى زوجة اخويه انتبهت عليه كالت هذا شبي كالب خلقته وكام يتعارك ويه السواق الي بالشارع الله يعدي اليوم على خير😜😜

اني مشيت ولبست بدله فستقي وطلعت اخبل عبالك وحده ثانيه من طلعت من الصالون جان عباس منتضرنه ومن شافنه كام فتح الباب مال السياره وابتسم وكال ليش(ريتاج الكعبه )نوره بقت بل الصالون وهاي الحلوه منين مرت اخويه تعجبت كالت هذا كل اشويه بشكل خباااال هههههههه وصلنه للبيت لكيت عمامي واخواني واخواتي واقاربنه جايبن وره ساعه اجو الخطابه وتمت الخطوبه وعقدنه عقد سيد والحمد لله وطلعو حركو الجو من بيتنه نسمع الهوسات والرمي وحددنه وره فتره يوم يكون جمعه ونروح نأخذ نيشان ذهب وحلقات
اجانه فراس وأخذنا اني وامي وامه رحنا للكاظم عليه السلام هم نزور وهم نشتري ذهب وحلقات نلبسهم بالكاظم عليه السلام وهاي اول مره نطلع سوه ورحنا زرنا
يتبع