قصص الكاتبه ريتاج الكعبه الناشربارق العراقي

قدري ونصيبي بقلم الكاتبه ريتاج الكعبه الناشربارق العراقي

القصة كامله الناشربارق العراقي
#قدري_ونصيبي
#بقلم_الكاتبه_ريتاج_الكعبه
#البارت_الاول
#الناشربارق_العراقي

اسمي زينب أمرأه عراقيه مثل أي امرأه كانت ضحيه للحرب

1983 كان هذا الوقت بيها الحرب بين العراق وايران كان عمري 14 سنه كنت أعيش ويا امي المريضه وأخوي الي كان أكبر مني بثلاث سنوات ابونه متوفي وأمي رغم مرضها كانت تروح للسوك عدها بسطيه صغيره تبيع بيها وكل يوم تتهزم من البلديه لأن كان بذاك الوقت يعاقبون الي متجاوز أو بدون محل
وأخوي كان عسكري بالخدمة الالزاميه امي خطبتله بذلك الوقت ابنيه من أقاربها من بعيد

امي ....يمه زينب اني مريضه واريد اطمن عليج قبل ما اموت هذا اخوج خطبتله وإنشاء الله راح يتزوج بقيتي بس انتي واكو ناس كلموني عليج وابنهم خوش ولد واني اعرف ابوه بالسوك رجال يخاف الله ومحترم ويريدج لابنه شايفج جايه عليه للسوك وسالني عليج وكلمني

زينب ...اسم الله عليج يمه لاتحجين هيج
امي ....ولج يمه هاي الكحه جاي تأكل بصدري
واحس نفسي ما مطوله والله كوه اكوم واكعد لخاطركم
راح اخلي الناس يجون
ويشوفج الولد وتشوفينه واذا راد الله تصير القسمه
زينب ...كيفج يمه الي تشوفينه

وفعلا اجه الولد هو وامه وشفته شكد ما جنت خجلانه هو أزيد مني خجل وبعد كم يوم دزينالهم

الموافقه وهو هم وافق عليه وصارت القسمه

انتقلت لبيت اهل زوجي وهو كان عسكري بذاك الوقت
كانو امه وابوه وعده اخو صغير عمره 6 سنوات جاي بعد زوجي بعدة سنوات كان مدلل عند امه وابوه واخوه يباوعون الحلكه من يحجي

زوجي كان حنين وفقير ولكل يحبه زوجي اسمه محمد
محمد..زينب تدرين انتي شكد حلوه
زينب.. أي ادري😁😁

وشلون رأح اتحمل فراكج لحد ما انزل مجاز😍😍
محمد.. انتي هم ديري بالج على اهلي واخويه امي صدك عصبيه بس كلبها طيب يعني ماتبين حبها للمقابل
وتحب كلمتها هي الي تمشي
يعني يازنوبه اعتبريها مثل امج وشدكلج لا تخالفينها واعرفي طبعها
زينب. ..صار الي تريده اسويه

محمد.. يله عيني حضري نفسج خلي اخذج تشوفين امج قبل ما اروح خاف محد ياخذج واذا نزل اخوج خلي يجي ياخذج اذا اهلي قبلو
زينب أي فدوه لعينك والله مشتاقه لامي هسه أكمل شغلي ونروح
محمد.....يله عيني اني راح انتضرج

امي...يمه زينب هله بيج شلونج

هله وميت هله بيك خاله محمد شلونك
محمد ..الله يسلمج خاله هاي زنوبه جبتها تشوفينها اني طالع اخذو راحتكم اجي عليكم بالليل اخذها

زينب.. يمه حبيبتي مشتاقتلج
امي ..شلونه محمد وياج عيالج
زينب ....الحمد الله زينين
امي ..زينب ماعندج شي
زينب..شنو شي
امي يعني ما حبلتي