قصص الكاتبه ريتاج الكعبه الناشربارق العراقي

ازرع طيب تحصد طيب بقلم الكاتبه ريتاج الكعبه الناشربارق العراقي

القصه كامله الناشربارق العراقي
#ازرع_طيب_تحصد_طيب
#البارت_الاول
#بقلم_الكاتبه_ريتاج_الكعبه
#الناشربارق_العراقي
قصتي تختلف عن باقي القصص وهي قصه حقيقيه ولي طلب وليس أمر كل الي يقراء بدل كلمة تم يكتب الله يرحمه لان والدي في هذه القصه
#_البارت_الاول
اسمي فوزيه من البصره عندي 3اخوات اني الكبيره   وامي توفت واحنه اصغار وابويه تزوج  كانت زوجة ابويه انسانه طيبه وفقيره وأول ماكبرت زوجوني لابن عمي اني جميله بشكل بشهادة الكل بيضه وناعمه وشعري أشكر وعيوني زرك عكس ابن عمي جان أسمر حيل وما بي معاني للجمال بس جنت فرحانه بي   خطبوني إله لان هو حنين وطيب من  واحنا ماناخذ غير ولد عمنه  تزوجت ابن عمي ماكانت عاءلتهم  كبيره بس زوجي واخوه  علي بعده ماتزوج  وعمي ومرت عمي وكانت حالتهم ضعيفه زوجي مره عماله يشتغل ومره خباز بفرن  مال خبز وحماي يشتغل عماله والحياه ماشيه وكانت الناس على طيبتها وفطرتها هذا الحجي بل السبعينات وكنت بوقتها كلش متاثره بالافلام المصريه بلسبعينات وكلش أحب اقلدهن بلبسهن ومكياجهن    والجمال الطبيعي كان مو مثل هسه نفخ وشفط وتاتو😂 وأني بعدني عروس والدينا زاهيتلي
وقبل الغده وبعدماكملت كلشي كنا متفقين اني زوجي نروح نتغده يم اهلي وبعد ما اخذنه الأذن من عمي وعمتي رحنا واني لابسه لبس بوقته يسمونه كوستم وشعري مفتوح وهو طويل واشكر وحذاءي شعلوه لان اني ناعمه حبيت أكون طويله لان زوجي طويل😂واحنا نمشي  ومتماسكين ايد بايد وحضي فوتنا يم بيت جاي يبنون بي عمال فوك السطح وجان واحد يصيح ولك شوف هاي شلونها والي تمشي ويه هذا الأسود ويضحك وما نحس اله واحد ضربه بالفاس على رأسه وصاح اليوم أموتج فوزيه ونباوع طلع هذا حماي الي ضرب العامل وما نزل من الدرج نكز من السطح للكاع  ورجلي كلي انهزمي ولج وجلب بي اني ضليت بالنص لا اني رايحه لأهلي ولا راجعه لعيالي وانزع الحذاء وانهزم🏃🏃  عمي وعمتي من دخلت ما شافوني ودخلت بالكنتور😂😂ودخل حماي ورجلي يدورون عليه عليه وسالو عمي وعمتي كلولهم ماارجعت اهنا حماي كل لزوجي خلي نروح نشوفها عد اهلها بس خلي ابدل  وزوجي دخل الغرفه اني صحته بس بس اني هنا وضل يضحك عليه
خرررب يومج هو الي يختل بالكنتور هذا أول مكان راح يدور بي عليج تعالي اطلعي 😂 وكانت عدنه بوفيه نخلي عليه فراش شال الفراش خلاني وراها ورجع الفراش  من أبو فاسه😂طبعا لحد مايهداء
علي .اكلك ولك هاي مرتك وين راحت وانته ولا يهمك خاف تندل مكانها وماتحجي
حسين:خلي تولي شسويله وين ماتروح تروح
علي.شلون خلي تولي وألناس شدكول عيلنه مو هاي بت عمنه وعرضنه
حسين:مو هاي رادتك  ما فكرت قبل ما تخليه تنهزم
علي اني من شفته هيج فار دمي وانته ولا عبالك متلازم وباها وتمشي شنو جاي اطير عدكم غرفه وتلازمو مو بالشارع
حسين  :ولك احنا عرسان بعدنه وزاهيه الدنيا النه شبيك ونتضرنا لمن هدى علي وطلعت ومرت الأيام وتزوج علي هم من بنات عمنه واني صار عندي خمس بنات وخمس ولد وعلى صار عنده ثلاث ولد واثنين بنات وكل واحد من عدنا اخذ بيت وطلع كبروا الولد ولبنات واجه علي خطب وحده من بناتي لابنه حسين هو هم سمه ابنه حسين على اسم الإمام وعلى اسم زوجي الحسين هنا بدت المشاكل بنتي كل يوم ولثاني ضاربينها وتجي زعلانه وأبوها واخوانها يتاعركون وين عمهم  وابن حماي ما عنده كلمه على أهله وعمها  كان قاسي وياها لدرجه  يقفل المجمده ولثلاجه حتى ماتشرب مي بارد اذا تزاعلو وياها  وصارت بينهم مشاحنات الى فد يوم طلكو بنتي اني بنتي مو فقيره لا جانت السان وترد الكلمه بعشره لذالك ماحملوها وشكد  حجيت وياها مافاد هي مخبله على عمه ابو فاسه( ريتاج الكعبه) و ابوهها واخوانها من سمعوا طلكوها هدوا على عمهم وابن عمهم وتعاركو وياه وصلت للمركز ولشكاوي وطبعا العشيره انقسمت قسمين قسم ويه علي وقسم ويه حسين وهذا الشئ ما عجب حسين زوجي لان الكل لامه وكللوله هي ابنيه ولازم تتحمل وانتو انطيتوها عين بتصرفاتكم  هذا الشئ ما عجب حسين و قرر نطلع من البصره ويعوف كلشي حتى العشيره طلع  منها اختار محافظة كربلاء المقدسه وكال أروح يم الإمام الحسين واخيه العباس وبعنا غراضنه ورحنا وخلينا بيتنا يم دلال يأجره وكان الوقت حصار وصعب وهستونه طالعين من حرب وأخذنا ولدنا وبناتنه واجرنا بيت بكربلاء بس ماكو شغل حتى يشتغل زوجي واضطرينا اني وياه نبيع جبن وگيمر يم باب الامام العباس واني كل يوم قبل ما أبيع ادخل ازوره واطلب من عنده البركه  وكامت الناس تأخذ حجي وتجيب حجي هذه اني أعرفها من خلال أختي الي تجي تزورني وهي هم متزوجه من اقاربنه حتى من شلنا ماخلصنا من الحجي  محد سأل علينه شلون عايشين واحنا حتى بالصيف ماعدنه مبرده ولا بل الشتاء عدنه صوبه وكان عدنه ابن عم زوجي رجال  خير وطيب القلب يسكن بغداد  وفد يوم واصله حجي انو فوزيه تبيع گيمر ولكل يتفرج عليها وهي مكشفه حتى ربطه ما لابسه واجه ابن عم زوجي علينه بس ما حجه اي شي من الي سامعه وكال شلونكم شلون عيشتكم اني كنت بالزيارة وحبيت أمر عليكم واشوفكم ومن راد يطلع شال 250 الف وانطاها لزوجي وكانت 250الف هوايه  بهذاك الوقت هوايه وكال لزوجي