قصص الكاتبه ريتاج الكعبه الناشربارق العراقي

قصة احلى الايام بقلم الكاتبه ريتاج الكعبه البارت_٤_٥_٦_الناشربارق العراقي

#قسةاحلى_الايام
#البارت_الرابع
#بقلم_الكاتبه_ريتاج_الكعبه
#الناشربارق_العراقي
اشترينا حلقات ودخلنا زرنا ولبسنا الحلقات بالإمام الكاظم عليه السلام لان هذا كان نذر ام مصطفى من طلعنا اشترينه ذهب أكثر شي امي وام مصطفى اختارن الذهب لان اني خجلانه ومن خلصنا كالت ام مصطفى نتغده هنا لو نأخذ اكل منا ونروح للبيت
فراس..بكيفكم شنو تردون شتحبون تاكلون اني حاضر يمه فديته الحاضر😍(ريتاج الكعبه)اتفقو امي وام مصطفى نأخذ سفري ونروح للبيت وراح فراس وأخذ اكل من المطعم ورجعنا ومن وصلنا شفت فراس دار السياره على بيتهم ونزلنه لبيت ابو مصطفى وتلاكانه أبوهم واخوه عباس وفراس ما شال عيونه من عليه طول الوقت ويبتسم وخلو الغده فراس مأخذ كباب ودجاج ومقبلات وعصاير اني كوه اكل ما اكدر عبالك يباوعون عليه من اكل هيج يتراوالي😂ورجعنا للبيت وفراس وصلنا وقبل ما ندخل انطه لامي علاكه كلها خاله هذا غداكم لأن نوره مااكلت اني اشتريت حصتهم ويه حصتنه ورجع
ومرت 3أشهر وتخرجت واحنه مخطوبين وبهاي الفتره عقدنه عقد محكمه
واجه يوم الحنه اني عزمت أقاربي جيرانه وسوينه حنه وأهل فراس هم سووه حنه واجوو حنوني ولبسني الذهب
ومن طلعو ضليت ابجي صحيح هاي آخر ليله يم اهلي معقوله راح أتركهم دخلت لكيت امي تبجي وابويه عيونه ادمع ركضت خليت راسي يم رجلين ابويه وبجيت بصوت هو ضل يضحك ويبجي
هاي شنو بابا انتي وين رايحه اشو من الكراج نشوف بيت ابو مصطفى لاتبجين موزين
امي هم جمعت قوتها حتى متبين شي
لاتبجين يمه شنو انتي وين رايحه وكل ابنيه لازوم تتزوج وتصير عدها عائله حلوه
الليل كله مانمت اتكلب بفراشي وما اعرف شلون غفيت
كعدت الصبح لكيت اهلي كاعدين قبلي وأخواتي صاحيات لان باقيات عدنه
واني كوه لازمه نفسي بس أحد يكلمني ابجي عبالك اليوم اعدامي اني عمري ما نمت ابيت غير بيتنه شلون اليوم راح اروح
اتريكنه واجه عباس اخو فراس وأخذنا للصالون اني وأختي وزوجة اخويه
زوجة اخويه كلتله عباس تره اليوم عدكم عرس ماتشغل اغنيه شي ههههه
هو خله اغنيه وعلى الصوت حسيت راسي راح ينفجر واجيت أصرخ بيهم هو إنتبه عليه لان لازمه راسي وضجت جان يقلل الصوت
سوولي مكياج وتسريحه طلعت فد شي اني المكياج يلوكلي بس اني ما اخلي على طول لهذا من اخلي مكياج اطلع مختلفه واجه فراس وطلعنه واخذنه صور بالاستوديو هو هم جان مرتبك وعركان ورجعوني لبيت اهلي
أطفال والأقارب وأخواتي صاير البيت هوسه وكلها تباوعلي
وأسمع الاطفال يصيحون اجو اجو قلبي ضل يدك وحلكي يبس سامعين من يكلون زفه ركض اني زفتي مشي😂😂 اني وفراس بس بسياره والباقي كله تمشي وتركص(ريتاج الكعبه) دخل فراس وكعد شويه بين ما ركصو البنات اقاربهم وبعدين كام وطلعني للسياره من كراج اهلي والسياره تمشي خطوه خطوه والكل وراه وكدامه يركصون ومن طلعت بجيت بس خواتي ياشرولي لاتبجين وزفونا ودخلنا لبيت ابو مصطفى وبعد العشه صعدوني لغرفتي وهاي اول مره اشوفها شكد لحوو عليه اروح اشوفها اني وامي بس اهلي مقبلو كلولهم ماندور وراكم ولا نشوف شي غرفتنا كلش حلوه وبيها حمام داخلي وره شويه زفوا فراس وصعد سلم عليه بأس راسي وغيرنا الحلقات ولكل طلع اخذ ملابسه ودخل للحمام وكال اخذي راحتج غيري ملابسج بدل وطلع واني على كعدتي لان ما اكدر انزع البدله وحدي لازم أحد يساعدني وهو ما انتبهلي شويه وسمعنا صوت جوه مثل عركه وتكسر اماعين وصياح فراس راد يطلع
فراس لاتطلع فدوه اني خايفه
لاتخافين خلى انزل اشوف شكو
نزل واني ضليت خايفه وابجي شويه وصعدت زوجة مصطفى كالت هذا عباس تعارك ويه زوج أخته حنين لاتخافين ماكو شي تعالي انزعي بدلتج اساعدج
فراس .سمعنا صوت عراك وصياح جوه ردت انزل نوره جلبت بيه وهي خايفه اني طمنتها ونزلت اشوف شكو
لكيت عباس متعارك ويه زوج حنين اختي وهي اختنه الوحيده مزوجه بس مو بغداد بغير محافظه وتزورنه كل 3/6أشهر لان عدها أطفال وزوجه وبيت ومسوليه منا متحاجي ويه زوجه كايل اله العرس خلص باجر نطلع وجه الصبح
هو عباس سامعهم وما قابل كله صارشكد ما شايفينها وانته شنو مشتريها وعباس صاير هاي الفتره عصبي ما اعرف شبي ومتجاوز على زوج اختنه وابويه ضاربه وهو كايم يكسر بالمطبخ ويصيح اني نزلت وكلت لزوجة مصطفى اصعدي يم نوره لان خافت وساعديها تبدل ملابسها لمن اشوف الوضع
طبعا زوج اختي زعل وأختي وياه ورادو يطلعون نفس الوقت اني مقبلت ورحت على عباس وكتله هسه تعتذر منهم هيج تسوي وبيوم عرسي وضليت اعيط عليه
(ريتاج الكعبه)
واجه اعتذر منهم وأهلي كالو روح اصعد لزوجتك صدك اول مره اسمع هاي الكلمه زوجتك ومنو نوره
نوره اول مره اسمع صوت فراس وهو عصبي ويصيح وزوجة مصطفى تنزع بالبدله واني بالي جوه وحتى هي الي اختارت الي ثوب النوم واني ما ادري شلونه سالتني تلبسين هذا كتله اي واني مو بوعيي ومن صعد فراس هي نزلت وكالت راح اجيبلكم عشه اكيد جوعانين
فراس لكاني كاعده على الجربايه كال لاتخافين ماكو شي لو خايفه من شي ثاني😯اني جمدت بمكاني يمه هذا السكوتي شلون يحجي هيج والله يخوف
شويه وندك الباب هو صاح تالي شلون
#قصةاحلى_الايام
#البارت_الخامس
#بقلم_الكاتبه_ريتاج_الكعبه
#الناشربارق_العراقي
اندك الباب فتحه فراس جابو العشه وكلي تعالي اكلي اني جنت جوعانه بس من شفت الاكل بطني ضلت توجعني ومعدتي كامت تكلب هو ضل يلح كتله والله ما اكدر بس اكل اتقيئ كال براحتج اني هم ما اكل لان ما اشتهي وتقرب عليه وكال نوره احنا صرنا شخص واحد وهسه يريدون مني اثبت رجولتي واريد تكونين زوجتي صدك ومسك ايدي وباسني من رقبتي وصعد لخدي ونزل لشفايفي اني حسيت اني بعد ما اكدر اتحرك وووو💏 وخلص وأخذ النيشأن وصاح لامه ونطاها النيشان من وره الباب واشتغلت الهلاهل اني كمت رحت للحمام وسبحت ولبست غير ملابس وبين ماطلعت هو دخل للحمام مشطت شعري وجان الجو بارد بس الغرفه دافيه بس اني بردانه ودخلت اخت فراس باستني وأخذت الاكل كالت خلي اجيب غيره لان هذا برد
ومن طلع فراس كمت استحي اباوع بعيونه وهو ويبتسم وجابونه عشه واكلنه سوه ونعست حيل لان تعبانه هو حس عليه كلي يله تعالي نامي واخذي راحتج ومن دخلت للفراش كتله فراس(ريتاج الكعبه)
عيون👀 فراس
امي هسه نايمه كاعده وبجيت😢 هو حضني وكال نايمه وشابعه نوم هسه هيه بحضن ابوج ههههه💋💋 لاتبجين باجر من الصبح تجيج وتجيب النه كاهي وكيمرههههه مرت الأيام اني شلت شغل البيت وكنت أطبخ وفراس وعباس كامو يحبون اكلي وياكلونه ونجتمع أكثر شي على العشا
وفد يوم اجه فراس وكلي نوره لكيتلج واسطه وراح يعينوج معلمه بنفس المنطقه بس يردون فلوس واني راح اتصرف كتله اني أبيع ذهبي واذا نحتاج اخذ من إخواني كال لاتحجين هاي الحجايه بعد وانسي ذهبج وماراح نداين من احد اني اتصرف
وصدك ما حسيت اله فراس بايع السياره
فراس ليش بعت سيارتك وشراح تشتغل
اني اتفقت ويه ابويه هو يكعد واني وعباس نلزم الاسواق لان ابويه تعب واتفقنا واحد يطلع من الصبح واحد من العصر لليل ونأخذ دراجه نروح بيها ونجي
بهاي الفتره اني حملت واهله كلش فرحو وصارتعيني بمدرسة بعد عشر دقايق مشي عن بيتنه ومشيت حياتي طبيعه وسعيده وأهلي مايمريوم ما اشوفهم وجبت ابنيه تخبل أخذت من ملامحي وملامح ابوها 👪 ومرت فترة الأربعين وحسيت نفس الأعراض الحمل
فراس يمكن اني حامل
شنو وو هههههه ولج صار فتره من طلعتي الاربعين شبسرعه😂😜
لاتضحك اسال نفسك مانيطتني مجال😔
وهسه شتردين😂
اخذج تسوين فحص حمل
لا خلي يمر كم يوم بعد..وسويت اختبار حمل بالبيت طلعو خطين يعني حامل حملت وهم جبت ابنيه
فراس من كالتالي نوره هي حامل كلش فرحت بس تذكرت من جابت البنيه الاولى وحصرتها الولاده شسوت ضليت اضحك اخذناها اني وامي وامه لمستشفى خاص وهي تتألم كالو فد 4ساعات يله تجيب وانشاء الله طبيعي زاد عليه الألم
نوره ولج يمه😭 يمه😭 يمه 😭راح اموت يمه شلون بيه وين فراس
هااا حبيبتي ..لاتكول حبيبتي هسه طلكني كله منك راح امووووت
صار حبيبتي بس أهدي ولي تردي يصير
انته شنو تضحك عليه اكلك توبه بعد ما ارجع وياك طلكني وهسه
صار حبيبتي😂 بس مايصير هسه تجيبين يله اطلكج هيج القانون😂😜
معليه مااريدك بعد لو تموت بعد ماتلمسني
ولج يمه خزيتينه وشكيتي قميص الولد كولي يارب
يارب يارب ساعدني
فراس فراس شبيك صفنت لا ماكو شي هههههه هيج تذكرت ولادتج بزهراء
عابت ولا تنسه وضل تتذكرها
اني بعد اذا رتي تولدين ما اروح وياج من هسه اكولج😂😂😂
لا ترووح واني هم ما ارجع بعد لهنا
اي اعرف تعالي وره الأربعين اسويلج طفل ثالث😂😂
صدك تعبت حمل ودوام وبيت وزوج
واجتي البنيه الثانيه
فراس فدوه خلي اخذ مانع مال حمل لمن يكبرن البنات
فراس.. لا اني اريد بعد أطفال
واذا اجت هم ابنيه شلون
فراس..واذا بنيه نعمه من الله بس مال تاخذين مانع لا اني ما اقبل وذمه بركبتج اذا سويتي شي من ورايه وعديني نوره
وطبعا ما اخذت مانع لان حلفني فراس وحملت للمره الثالثه واني بناتي صغار
وفراس أتفق ويه عباس هو يطلع الصبح وفراس بالليل حتى يساعدني بالنهار على البنات ويرجع بالليل يخبث عليه اذا شتا يرش عليه مي بارد اذا نايمه ..واذا صيف يطفي التبريد عليه بس والله جنت حيل أتعب ولازم اكعد واحضر الحمام واكل ياكل واشربه جاي واضل كاعده وياه لمن ينام وهذا حالي بس كال عندي مثل العسل على كلبي وبنتي كامت تحجي بس ما دكول ماما او لا بابا لا تسمينه باسامينا نوره وفراس لان تسمعنا واحد ينادي الثاني باسمه فقررنا اني اكله بابا وهو يكلي ماما حتى البنات يرددونها ورانه وخالتي رادت تزوج عباس وكلمته هو رفض وفراس كللها اني أكلمها ونوره تساعدني وفعلا كلمناه اول شي رفض الفكره وبعدين وافق وكال اني ما بالي وحده معينه
و خالتي اختارت ابنيه عرف ورحنا كلمنه أهلها وافقو وتمت الخطبه والحمد لله
وفد يوم قبل لا يرجع فراس خابرني
هلو نوره مشتاقلج
اشو اليوم نوره مو ماما
ههههه ما اعرف اشو اليوم كلش مشتاقلج والبنات محتاجه شي اجيبلج وياي راح اجي بس مو الكاج نايمه اموتج ههههه
وانتظرته اتاخر ونعست ونمت وما احس اله فراس رش مي بارد عليه
يمه هاي ليش هيج فراس مو كمزتني
وصحيت ماكو فراس جنت أحلم هاي بيش الساعه؟؟