قصص الكاتبه ريتاج الكعبه الناشربارق العراقي

قصة احلى الايام بقلم ريتاج الكعبه الناشربارق العراقي البارت ١٠_١١_١٢_والاخير

قصةاحلى_الايام
#البارت_العاشر
#بقلم_الكاتبه_ريتاج_الكعبه
#الناشربارق_العراقي
أطفالي كبل 😂على الصينيه هو من شافهم راح جاب باقي الدجاجة وتمن وتبسي كتله لا هذا عشا عمي ابو مصطفى
عباس. الله اكبر عليج كلنا بنص دجاجه وعمج بنص وين العدل😁
أخذت الصدر وخليته على صفحه كال هذا المن لعمج كتله اي ودخل عمي كال شنو هذا غده عشه ويضحك علينه
عباس يأبه اني كلت جوعان اشو طلعو الجماعه كلهم جواعه 😁😜
ابو مصطفى يله اني هم اكل وياكم على الواهس واكلنا وصبيت الهم جاي وغسلت المواعين ..يله اني اروح محتاجين شي
ام مصطفى وين خاله لاترحين ابقي
خاله امي وحده خطيه خلي تعدي هاي الفتره وان شاء الله أرجع
براحتج
وضليت كل فتره اجي الهم وارتب البيت واطبخ الهم واطلع وره الأربعين مال والدي
امي ..يمه نوره لاتخاذين كلامي بغير شي اريد منج ترجعين لبيت عيالج
شنو يمه ضجتي مني
لا يمه مو كتلك لاتاخذين كلامي بغير شي
بس ام مصطفى وعمج يردونج يمهم ويريدون الاطفال وكل مره يكلولي خلي ترجع واني ما عندي شي اخوانج ونسوانهم يمي وانتي تمرين عليه هااا شكليتي تره ام مصطفى حجت وهي خجلانه مني واني وعدتها ترجعين الهم نوره .زين يمه راح أرجع
امي خلي اخابر ام مصطفى افرحها
الووو ام مصطفى شلونج نوره راح ترجع الكم
ام مصطفى رحم الله والديك هسه عباس راح يجي يأخذها
امي يااااا 😀شنو من بعد البيت
والله هو من سمع كال اني راح اروح اجيبها...وقبل ماتسد امي الخط عباس وكف بالباب واطفالي ركضو عليه
من طلعت لكيته جايب السياره وكال اصعدو خلي افركم شويه والأطفال فرحووووو 🙌🙇🙆طلعنه وكال شنو تردون عشه ..كتله اني اسوي بالبيت
كال لا اليوم ناخذ جاهز ارتاحي انتي وخلي هم ناخذ فواكه وحلويات للبيت والأطفال ورجعنا خالتي وعمو طاروا من الفرحه
ومرت سنتين على وفاة والدي واني ما اقبل انزع الاسود لأن باقيه بي من وفاة فراس مانزعته وصار الأسود والحزن جزء مني تغيرت اني مو نوره الي تضحك وتنكت حتى كلامي صار قليل والهي نفسي بالفيس بس جنت احس هذا الشئ يضوج منه عباس ودائما من يشوفني لازمه الجهاز يحاول يطلب مني شغله لو جاي اسويله حتى مره سالني هم مشتركه بكروبات كتله اي كال ضيفيني وياكم..ومره اني كاعده لازمه الجهاز وخالتي وعمو يتفرجون تلفزيون ابني صعد الدرج وكع وضل يبجي من ايديه وكع عليه
عباس نزل يركض وعاط عليه انتي وين جنتي وهو وكع لازمه الجهاز مووور وأخذ الجهاز مالي وكسره
يله عيني ست نوره خلي ناخذه
للمستشفى بس يانوره اذا طلع بي شي عشيرتج كلهه🔪🔪🔪 ماتكفيني افتهمتي لولا
اني كنت مو بوضع اجاوبه لان جنت هم خايفه على ابني وهو طول الطريق يحجي واني ابجي ودخلنا المستشفى شافه الدكتور وطلب ناخذله اشعه واخذناله وشاف الاشعه كال مابي شي بس ايده مرضوضه حمدت ربي ☝وشكرته ورجعنا ابني نام بحضني واني ضجت لان عباس بهذلني
كدام الناس وبالمستشفى بس ما حجيت كلت حقه لان خايف عليه بس عزت عليه نفسي 😭
عباس..جنت اضوج من اشوف نوره لازمه الجهاز واغارعليها مدري اخاف عليها واجت وكعت ابنها ردتها حجه عليها وصرت عصبي ما عرفت شحجي وهذا عيبي بس من شفتها تبجي وخايفه استصغرت نفسي معقوله اني ابجي نوره واخوفها مني واني الي اتمنى الها السعاده هاي شبيه هيج صاير يعني اكدر اخليها تخاف مني وما اكدر أعبر الها عن حبي هسه اني شسوي ما اكدر اشوفها تبجي واخاف شكد ما حجيت عليها تعوف البيت وتطلع وفوكاها كسرت جهازها
عباس ..نوره اني آسف فقدت أعصابي وما عرفت شحجي اعذريني بس والله خفت على حمودي لان وكعت الدرج تخوف وخاصه اذا على الرأس
نوره..لا حقك ما صار شي
اذا حقي ليش تبجين بعدج
ابجي لان كدام الناس ضليت تحجي عليه
هههههه مو زين بس حجي ولج اني جان موتج اذا طلع بي شي
نوره ..انته مو أحن مني على ابني
هااا هيج نوره لعد هو مو هم أبني واني مربي
نوره من حاجيته هيج ضاج وبعد ما حجه طول الطريق ضل ساكت ويدخن جكاير
وصلنه البيت خالتي لكيتها واكفه بالباب خطيه وبالبرد دخلتها كتلها مابي شي بس هسه نام بالطريق عمه دخله ونومه بفراش بيبيته وباسه وغطاه لكيت البنات هم يم بييتهم اني هم جنت تعبانه وراسي يوجعني ردت اشيل البنات خالتي وعمي ماقبلو كالوخليهم نائمين وانتي هم نامي يمنه خليتلي فراش ونمت ما حسيت بنفسي وين كعدت بالعشره بس خالتي كاعده وعمي طالع للسوك لان متعودين نتسوك بيوم الجمعه نروح اني وعمي ويمكن شافني نايمه وتعبانه ماصحاني وعباس طالع (ريتاج الكعبه)بس هو يوم الجمعه ما يطلع يرتاح بي شويه واجه عمي مسوك واني سويت ريوك وسالت خالتي عباس وين طلع كالت ماادري شفته غسل وطلع من كملنه ريوك غسلت الماعين وسألت خالتي شتردون اسويلكم غده كالت يردون تشريب لحم خليت اللحم على النار وبديت انظف البيت من كملت رحت اكمل الغده وطلعت سمج اشويه لخالتي لان ماتاكل اللحم وسبحت اطفالي وسبحت وبدلت الهم ودخل عباس وصاحلي نوره تعالي
هاج هذا جهاز بدل جهازج وأحسن منه بعد
وهذا ثوب اريد تنزعين الاسود واني اعتذرلج كدام امي وابويه
خالتي وعمي كالوله اي عفيه ابني زين سويت ونوره ما تردلك طلب