قصص الكاتبه ريتاج الكعبه الناشربارق العراقي

اثبات ذاتي وكياني بقلم الكاتبه ريتاج الكعبه الناشربارق العراقي

القصه كامله الناشربارق العراقي _____________________________________________
_______________________
#إثبات_ذاتي_وكياني
#بقلم_الكاتبه_ريتاج_الكعبي
#البارت_الاول
#الناشربارق_العراقي
_______________________
_____________________________________________
اسمي آيات عمري 17سنه
راح احجيلكم قصتي واعرف البعض ماراح مايقبل عليه بس لازم تعذروني لان محد يحس بل الألم غير صاحبه
فتحت عيني لكيت نفسي عايشه ويه بيبيتي ام ابويه
يكولون اعز من الولد ولد الولد ..بس اني ما شفت محبه أو معزه من بيبيتي لان كانت دائما تعيرني بأمي وابويه ولان متحبهم امي واني ثمرة زواجهم لذلك ماتحبني
ابويه وامي كل واحد عاش حياته واتزوج وصاير عنده بيت واطفال واتفقو بعد الطلاق يخلوني يم بيبي مقابل مبلغ المال كل شهر وكل واحد ياخذني كم يوم عنده وراح احجيلكم شلون انتقل من بيت لبيت أقصد كل ما اروح لبيت امي لو لبيت ابويه
بيت ابويه 1
يجي عليه ابويه ياخذني لبيتهم
بس من يدخل لبيت بيبي يسلم عليه وسلم على بيبي
بابا..شلونج يوم شلونج
بيبي هله هم زين اتذكرت عدك
ام لو ما هاي بنتك جان ماشفتك اعرف شراح تكول ولله يوم
مشغول
ابويه ...يله بابا كملتي خلي نروح مع السلامه يوم
وياخذني لبيته وتستقبلنا زوجته مو عبالك اني جايتها لا امي داخله عليها تكون لابسه أحلى شي بلكنتور ومخليه كيلو مكياج بوجهه😗😗 زوجة ابويه شكلها مو حلو ما احجي هيج لان هي زوجة ابويه لا بس هاي الحقيقه خشمها شكبره واسنانها متفاركات وعيونها صغار وشعرها مجعد ما ادري ابويه شنو شاف بيها حلو وأخذها يمكن جان يعاقب نفسه بأن ازوج امي وهي جميله بشكل ويكولون اني عليها حلوه واحلى من امي بعد ابويه عنده من هاي زوجته اثنين بنات صغيرات وحده عمرها ست سنوات وحده اربعه اشكد أحبهن هم زين طالعات على ابويه مو على ميساء الساحره😂😂😂 بس هي متخليهن يختلطن وياي وحتى ما تقبل انام وياهن نفس الغرفه تخليني انام بلستقبال وابويه من ادخل بعد ما يعرفني ولا يكلمني يمكن يخاف من زوجته مااشوفه اله من نلتقي على وجبة الطعام وزوجة ابويه تستلمني تنظيف وترتيب لبيتها طبعا تحت إشرافها ما اكدر ارتب بكيفي لان ماتقبل وحتى من اخواتي يلعبون أو يطلعون صوت تضل تحجي وتسمع ابويه انو البنات اليوم متغيرات وطالع صوتهن طبعا هذا موال كل مره اروح واني اعرف شنو تقصد بكلامها

نجي على بيت امي2
يجي عليه زوج امي ويخابر ويكون هو واكف بسيارته بل الباب واطلع اله هو إنسان محترم وهادي وكلامه قليل وادخل على امي تبوسني
هلو ماما شلونج ايوته شلونها بيبتج شنو ما تموت مسويه اتفاقيه ويه عزرائيل كل سنه تاجل عشر سنوات😂😂😂😂
آيات. ..ماما فدوه لاتحجين هيج على بيبي خطيه واذا صار بيها شي اني وين اروح
امي..ليش وين ترحين قابل ابوج ميت واني موجوده هم
ويه نفسي اكول لعد من هاي اشوفكم مخليني يمكم كأني غريبه كل فتره يم واحد منكم ولو اهمكم جان تحملتو لخاطري بس انتو كلمن فكر بنفسه
آيات آيات ماما وين صفنتي