#سرق_ضحكتي
#بقلم_ريتاج_الكعبه
#البارت_الاول
#الناشربارق_العراقي
السلام عليكم
مثل ما تعودتو
دائما بطل القصه أو بطلة القصه واحد منهم يحكي القصه بهاي القصه الاثنين يحكون قصتهم
اسمي حسام عمري 30 سنه
طويل القامه ضعيف البنيه شعري خفيف عيوني اكبار سود ابيض البشره
@@@@@@@@@@
راح احجيلكم عن وضعي العائلي
اني عايش ويه عائلتي
امي ابويه واخويه الي أكبر مني متزوج بنت خالتي وعندي 3 اخوات متزوجات
تبدي قصتي من كنت صف سادس ادبي كنت من اطلع من بيتنا اشوف بنيه بيتهم بفرعنه حلوه تطلع للمحل تشتري لأطفال أخوانه أو اشوفه من وره سياج بيتهم وهي بل الطرمه واكفه وعيونه تصير بعيوني ما اعرف شيصر بيه اروح بغير عالم
@@@@@@@@@
اني من النوع الي معتمد ع نفسي يعني بل العطلة اشتغل وما أخذ من والدي شي وبأي وقت احصل شغل اشتغتل اعرف كلشي اسوي كهربائيات واشتغل صباغ واشتغل بل التسيسات الصحيه هاي بل العطل ولعصاري إلى جانب دراستي
@@@@@@@@@@@
عجبتني البنية وانتو تعرفون من شباب يتجمعون ويحجون ع البنات ويحجون ع بنات المنطقه هاي زينه وهاي لا
يكلون عليه احسن بنيه وبت ناس ومتربيه ولصراحه أهله وإخوانه ناس ذهب ولكل يحلف برأسهم
فقررت بعد ما أكمل السادس اخطبها طبعا هذا الكلام بيني وبين نفسي
واجتي الامتحانات واني قاري كلش زين ومتحفز للدراسه ولنجاح ولخطبه وامتحانات واني واثق راح انجح لأن جاوبت
@@@@@@@@@@
لاكن الصدمة طلعت بدرسين
ولمن صار ت الامتحانات الدور الثاني امتحنت لاكن هم رسبت وصارت صدمتي أكبر فقررت اترك الدراسه
واتعينتت بذاك الوقت بواسطه حراسات بل المنطقه الخضراء
وكلمت امي تكلم ابويه بعد ما استقر
عملي انو يخطبلولي هاي البنيه
وفعلا رحبوا بل الفكره لأن هي أهله ناس محترمين ولهم سمعه طيبه
اهلي فرحو واخويه وزوجته وأخواتي
وراحت امي وخالتي الوحيده وزوجته اخويه وكلموهم والناس رحبوا بينه ولبنيه وافقت
واني الدنيا كلها ما وسعتني من الفرحه
@@@@@@@@@@
قبل خطبتي بيوم
امي...يمه حسام صدك جذب راح نخطبج باجر فدوه اروحك ربي
حسام. ..ههههههه ليش يمه اشو متعجبه
امي.. لا يمه مو متعجبه بس فرحانة واحلى شي الأم من تحس ابنه كبر وراح يتزوج وتفرح بي
حسام. .الله يخليج انتي وابويه فوك
روسنه اكلج
اكلج يمه شنو خالتي شوكت تجي
امي ...خالتك اجت من الضهر هسه هي فوك يم بنته اجت وياها ام السان سهاد هاي نزلت تركض🏃🏃
سهاد ..هلو حسام شلونك العروس حلوة لو لا اذا نرحون تخطبج اني اصعد وياك بل السياره
حسام..ههههههه ع كيفج سوال سوال
هههههه ولج وين تصعدين همه هذاااك بيتهم بنفس الفرع يعني نمشي مشي
سهاد خررب لعد اخطب غيره يكونون أهلها بغير منطقه حتى نروح بسارات🚖🚖🚕🚖🚘🚗🚕
حسام. .صار سهاد اتامرين امر
أنت تقرأ
قصص الكاتبه ريتاج الكعبه الناشربارق العراقي
ChickLitمجموعتي لقصص الكاتبه ريتاج الكعبه تحياتي الكم اخوكم الناشربارق العراقي
