قصص الكاتبه ريتاج الكعبه الناشربارق العراقي

ندى الورد بقلم الكاتبه ريتاج الكعبه الناشربارق العراقي

القصة كامله الناشربارق العراقي
#ندى_الورد
#البارت_الاول
#بقلم_الكاتبه_ريتاج_الكعبه
#الناشربارق_العراقي
اسمي ندى عمري 21 سنة بيضه جمالي عادي يعني لا حلوه ولا موحلوه ضعيفه امي امراءه كبيره بل العمر مريضه والدي متوفي واني عمري 10سنوات عندي 4إخوان 2بنات متزوجات وطالعات 2اخوان هم متزوجين وسكانين ويانه نفس البيت من وفاة والدي حسيت بل اليتم اخواني قاسين وياي من  وره نسوانهم وامي مره كبيره و مريضه ماتكدر تدافع عني لو اذوني تضل تقهر  بنفسها وهمه مايرحموني واني ما عندي مشاكل بل العكس جنت عبالك خدامه الهم ولنسوانهم مو كأني  اختهم ال صغيره وهم يدزوني على اي شي يردونه وبطلوني من المدرسه بحجة اني كبرت وعيب اطلع ليش من ادزوني للسوك لو للمحلات مو عيب اني شاطره بالبيت كل شي اعرف اسوي او بالأحرى غصبن عني تعلمت كل شي عجن وخبز وتركيب وتنظيف وترتيب وحتى خياطه  اعرف بس كل شويه لازم اكوم من المكينه اذا رادو مني شي والا  مكينتي تنكسر فوك راسي لهذا كنت  أقبل اخيط شي قليل للجيران ولاخواتي وطبعا زوجات اخواني وهذن حتى فلوس بكرة الخياطه ماينطوني وكنت احصل فلوس من خلال الخياطه وطبعا ما اخيط اله لمن ينامون الضهر او بالليل اشتري الشغلات الي تلزمني مرات اخواتي المتزوجات يجبيولي بعض الشغلات الي احتاجهم وحده من زوجات اخواني دائما دور مشاكل حتى امي المريضة وهي بفراشها ماخلصانه منها واخويه نفس الشي سبحان الي يجمع وياويلي اذا نادتني وماسمعتها او كتلها لحضه ما ألوم اله نفسي رأسا تكول اخويه  شوفها لمرة احمد جان راحت الها ركض بس اني تلبسني وتزيد كلام وهو يصدكها بسرعه ومرات تتعارك هي وزوجة اخويه الثاني واخواني كل واحد   يصير بصف زوجته حتى لو كانت على خطا يعني البيت دائما مكهرب اتمنى اطلع أغير جو بس همه مايقبلون مو حبا بيه او خايفين عليه بس شلون الخدامه تطلع لعد على منو يتآمرون حتى أخواتي مرات يطلبن منهم اروح يمهم يوم يومين ابد مايقبلون وهمه يطلعون ويتونسون واذا اضطرو يطلعون وياخذوني على مود أطفالهم مو حبا بيه
امي..اووف يمه يا ندى
اتمنى تجيج قسمه وتطلعين منا حتى  ارتاح اشو كلما يجيج واحد اخوانج مايرضون واخاف اموت وتبقين خدامه لنسوانهم
ندى ..يمه فدوه لاتقهرين نفسج همه اخواني قابل يكرهوني
عييوني 👀واذا اني اتزوجت انتي منو الج(ريتاج الكعبه)
يمه الي الله بس كون اشوفج متزوجه ويرتاح بالي
اخويه محمد..ندى روحي شوفي عفاف شتريد منج هيه بغرفتها
هاا عفاف محمد يكول رايدتني
اي روحي جيبلي حفاضات نسائيه 
عفاف هسه دنيا الضهر وحاره
عفاف ..شنو عيني تخافين تصيرين سمره لاتخافين انتي بيضه كطن روحي بسرعه اخذي من اخوج فلوس وروحي عود خلي ينطيج فلوس تجيبينه موطا  وياج
وطلعت الضهر واخويه يشوفني ولا كأنما  واني شكد اخاف من اطلع واشوف ولد شباب واكفين تضل رجليه ترجف ومنا لمن امر منهم اني ناشف دمي وجهي يصير طماطه
الشباب   لك شوف هاي وين طالعه بهل الضهريه ولا عدها رداد طبعا دائما اشوفها تطلع بالليل او الضهر تروح تشتري من المحلات بس وهي تركض يمكن متاخره على موعدها😂😂😉
اني أكرم..واحد من الشباب متزوج بنت خالتي وما أعمل شي  يعني سايق مخده ابويه عنده معارض مال سيارات وعنده سيارات مشغلها وحتى ما يخلينها نشتغل معيشنه بدلال يعني نأكل ونشرب وينطينه مصرف جنت دائما اشوف هاي البنيه وهي تطلع الضهر او بالليل وأسأل يمكن ما عدهم أحد وتضطر تطلع بس والله ما شفت عليها شي مو زين بس هيج هذوله يحجون عليها الناس الها الضاهر واشوفها دائما لابسه نفس الجبه  وهي سريعه حتى بالمشي الشباب يسمونها البنت ال سريعه ههههه ويوم من الأيام طلبت مني زوجتي انو أوصلها عصريه للخياطه وانتضرها  فد ربع ساع واجيبها
وبعد ملحه منها  اخذتها وهي وصلت لبيت الخياطه وكالت من أخلص اخابرك تجيني واطلعلك كتلها اوك ودكت جرس الباب واني بين ما اروح التفتت وجان اشوف البنت السريعه 😨فتحت الباب ودخلت زوجتي الصراحه تعجبت هاي هي البنيه نفسها بس مختلفه لان لابسه كلبيه وردي وبيها ورد ابيض مال بيت وشال وردي  ومبينه صغيره وحلوه ولاحلى شي بيها ابتسامتها من استقبلت زوجتي ودخلتها اني بقيت برأس الشارع انتضر زوجتي واتمنى بس تجي وأسأله عليه ليش ما ادري يمكن هذا فضول من عندي
ندى. العصر اندك الباب وطلعت لكيت ابنيه نفس عمري هي مخيطه عندي قبل فتره جابتها  عمته ام زوجها
مساء الخير شلونج ندى
مساء النور تفضلي عيني
اذكرتيني اني احلام جنت بيت ابو  أيوب
اهلا وسهلا اكيد اتذكرج اني ما انسه الوجه الي اشوفه
أحلام ..اني خيطت عندج وأخواتي وبنات خالتي تعجبن على خياطج ودزن قماش وياي وهاي 10قطع اريد تخيطيهن الهم
ندى.. هوايه 10قطع واني ما عندي مجال
لا عفيه لازم تخيطيهن لان يزعلون عليه ندى ..اذا خيطتهن الج تره اتأخر عليكم لان ما عندي مجال مو تكولين اخرتهم لو هملتهم .
جبتي قياسهم
اي جبتهن وكلهن يردن نفس الخياط الي سويتي الي
ندى اوك تدللين
احلام ..عندج تلفون حتى اخابرج تخابريني اذا كملتي الخياط
ندى اي عندي هسه انطيه الج سجلي
أكرم ..اتصلت عليه أحلام ورحت عليها هااا كملتي  هذا بيت  الخياطه
أحلام ..اي هذا بيت أهلها هاي الي طلعت الي هي الخياطه بس خياطها كلش حلووو وبناتنه تعجبو عليه
اكرم ..يعني بيت اهلها هي ما مزوجه
احلام..لا ما مزوجه عمتي دكول إخوانها مايقبلون ينطونها هوايه من المنطقه خاطبينها بس همه مايقبلون
أكرم وانتي شوكت تجين على ثيابكم
احلام من تكملهم تخابرني هيج اتفقنا وأخذت رقمها واخذت رقمي
أكرم هنا فكرت لازم اخذ رقمها واتعرف عليها اني سايق مخده وما عندي شي نايم بل النهار وبالليل كاعد على الانترنيت😁😁😁
. محمد  يمه اريد حصتي من البيت اريد اطلع ابيت وحدي اخذلي بيت صغير على كدي وكد جهالي
ندى طبعا البيت باسم امي اهلها توفوا واخذت ورثها  هي وخالتي الله يرحمها و خالتي باعت حصتها لأمي وامي اشترتها
امي.. ولك يمه تريد تورثني واني عدله وشلون أبيع البيت وأخواتك وأخوك واني وين اروح وهذا بيت اهلي واني متمسكه بي كل طابوكه بيها ريحة اهلي والي بي كل ذكرى حلوى ويه ابوكم
محمد اهوووو سوتلي فلم هندي اني معليه من هذا الحجي اريد حصتي لان لكيت بيت صغير اريد أخلص من المشاكل
ندى..محمد اذا تريد تطلع روح أجر ليش امي  تبيع البيت
محمد .شنو وو  وانتي شنو وتحجين تعالي اليوم اله اموتج💪👋👊
امي ولك يمه عوفها هسه هيه شكالت
ندى ..محمد شبعني كتل واخويه الثاني ادخل بل الشغله وتضاربو  وامي تخربطت واني الدم من  حلكي وخشمي يطلع وكل مكان بجسمي تزورك
يمه راح أموت المن خلفتيني للعذاااااب😭😭😭😭
ولله لو ماحرام اله احرك نفسي بس هم ماراح أرتاح لان اروح للنار هي نار الدنيا ماحاملتها انوب نار الاخره😭😭
اني وامي نعرف الفكرة  مو اله ولا
الفكره هاي فكرت زوجته بس شنسوي 
امي فكرت وكالت ما راح نبيع البيت خلي نبيع الحديقه وانطيه فلوسها ويشتري بيهم بيت احنه بيتنه كبير وفعلا كالت لخويه  وهو وافق المهم  عنده يحصل على فلوس ويطلع يشتري بيت مثل مايكول ونباعت الحديقه وكانت روحي بيها لان والدي كان يعتني بيها واني كنت أتذكره بيها ومن كبرت صرت اني اعتني بيها وكل ما الكه شتله حلوه بالسوك اشتريها وازرعها حتى بيها سدره نبك الجنه و تفاح كبيره ونخلات اثنين امي جانت توزع التمر مالهم ثواب لوالدي وأخذ اخويه الفلوس وطلع  شويه جريت نفسي وشويه ارتاحيت ولو نفس الركضه لان هيج تعودو همه يقبلون اني  اطلع بس زوجاتهم لا مستحيل يطلعن وياريت صدك مايطلعن بس الشغلات الصعبه هاي عليه ما يطلعن للسوك لابو الغاز  ابوالزبل  لا  هاي شغلات على ندى بس طلعات وناسه زيارات ومولات يطلعن هههه
أكرم..ردت اعرف رقم هاي البنيه
أحلام هاذا منو نهاد😜😜
أحلام  ..شنووو يانهاد
أكرم هذا الي بجهازج اسمه
أحلام ..هههههه هاي مكتوب ندى مو نهاد وهذا اسم البنيه الخياطه ههههههه
أكرم ..وهيج عرفت اسم البنيه ندى ورقمها وحزنته بجهازي من غير ماتعرف احلام
ندى واني اخيط بالليل ودك جهازي رقم ما اعرف ما جاوبت بس ضل يدك أكثر من عشر مرات واني مخليته على الصامت بس بعدين كلت يجوز أخواتي وهذا رقم من عدهم وخاف بيهن شي خلي أجاوب
الووو ..الوووو منوو
مرحبا.. ندى
نعم منوو
اني شخص معجب بيج
شنووو شنووو
سديت الجهاز منو هذا وشيريد مني وبشنو معجب خرب حضي خلي اطفي الجهاز وأنام احسن..ثاني يوم نفس الوقت ونفس الصوت  هم اتصل ماجاوبته دزلي رساله ..ندى جاوبي شبيج خايفه اني مارايد منج شي ولا رايد ااذيج صدكيني بعد 4ايام يله جاوبته ردت اعرف هذا منو وشيريد مني
اكرم ..خابرت ندى بس ما جاوبت ودزيت الها رسائل  هم ما جاوبت وضليت أسبوع ادز رسائل  يله جاوبتني وجانت حتى ماتعرف تتكلم ومرتبكه
ندى ..الووو انته منو وشرايد مني
اني اسمي أكرم وشايفج بالمنطقة ومعجب بيج وأحب اتعرف عليج
ندى . الله يخليك اني ما عايزه مشاكل ولا اني من البنات الي ادور هاي الشغلات روح دور غيري انته غلطان بالعنوان
ندى..منو أكرم  ما اكدر انساه صرت من اطلع أشك بكل واحد يباوع عليه اووو هاي شلون شغله واني شكو أفكر بي
ندى ندى ندى شبيك مو صار ساعه اصيح عليج لو عفاف جان اجيتيها تركضين
ندى ..شرايده  سعاد (زوجة اخويه الثاني) كومي سوي عشه
ندى صار عيوني
أكرم ضليت وره ندى لان ما شفت بيها مجال واني مدلل ومتعلم اخذ الشي الي أريده وكل طلباتي  بفضل  والدي فصارت شغلة عناد بيني وبين نفسي وهمين عرفت عدها صفحة تواصل اجتماعي ودخلت عليها من خلاله
ندى اخي شرايد
أكرم انطيني فرصه اشرحلج وضعي يجوز محتاجج واريد مساعدتج
ندى هههههه خلي اساعد نفسي يله اساعدك
أكرم واني مستعد اساعدج
ندى ..انته متناقض بكلامك من باب اتريدني اساعدك ومن باب تريد تساعدني هههه
أكرم فديت الضحكه
ندى هي كتابه شنو فديت الضحكه يجوز صوتي ذكوري شنو هل الخفه  هههههه
ندي ..وضلينا نتكلم واحد ويه الثاني واستمر كلامنه وكل ليله يتصل بس اني ولا مره اتصلت عليه وصرنا واحد يسأل عن أحوال الثاني
ندي ..عرفني بنفسك اني اسمي أكرم عمري  25سنه متزوج  صار 5سنوات بس ما احب زوجتي وهي بنت خالتي اهلي زوجوني وما كدرت أرفض الهم طلب