قصص الكاتبه ريتاج الكعبه الناشربارق العراقي

قصة احلى الايام بقلم ريتاج الكعبه الناشربارق العراقي البارت ٧_٨_٩_

#البارت_٧_٨_٩_
#قصةاحلى_الايام
#البارت_السابع
#بقلم_الكاتبه_ريتاج_الكعبه
#الناشربارق_العراقي
متصله على نوره وماصدكتني اني ضجت وخابرت عليها وتزاعلنه
نوره..اني من شفت عباس ضايج رحت عليه وكتله هي حقه وهاي خطيبتك وتتمنى تطلع وياك لاتزعلها
كافي نوره انتي كلشي ماتعرفين وهاي شلون تفكيرها
عباس لأ تكبر الموضوع و باجر روح صالحها وبعد بكره اعزمهم على الفطور عدنا والله اسويلكم فطور يجنن
اوك الله كريم
وفعلا راح ثاني يوم عليهم وره الفطور وعزمهم على ثاني يوم يجون يفطرون يمنه واني دخلت للمطبخ ماخليت شي ماسويته وقبل لا يجي على البيت عباس مر عليهم قبل الفطور وجابها هي وامها واخوها واختها ودخلت سلمت عليهم ورجعت اكمل شغلي وهي تباوعلي صفح وكملت الفطور من صار وقت الفطور نقلنا للصاله وعباس وعمي يساعدوني وخلينا سفره وكل ما اخلي شي هي تصنف هذا العصير خفيف شنو مسوين دجاج وسمج وهاي الدولمه مبينه دهينه مو زينه على خالتي بيها ضغط اني اسمع واغلس ماريد اسوي مشاكل وآذن اني شربت لبن وشويه تمر وترخصت منهم ورحت اصلي وره ماخلصت صلاه خليت جهالي بالهول وفطرت وياهم اجتي خالتي
نوره.. شنو زعلتي من شروق وماجيتي فطرتي ويانه ولحكها عباس نفس الكلام
لا والله خاله مو تعرفين الجهال مايخلونه نرتاح ويوكعون البن والعصير احنا وحدنه ومنخلص منهم بس يم الخطار عيب لهذا ماخليتهم يطلعون يبهذلون الدنيا هههههه
وهم ما خلصت منها من خلصوا نقلوا الماعين واني أخذهم منهم كالت
عيني عباس غص عليج ما اكل😒
اني سويت نفسي ما سمعته
وديت الهم الجاي كالت امها باجر فطوركم يمنه
شروق عود تجيب حديث كالت صدك نوره يكلون مشتريه ارض وراح تبنيها
كتله اذا أنطوني قرض ابنيه
يعني تبنيها وتطلعين منا
كتلها لا ما أطلع الدنيا مو امان
كالت بس احنا اكيد راح نحتاج هاي الغرفه اذا صار عدنه أطفال اني صدك انقهرت ودمعت عيني واجت عيني بعين عباس وكمت طلعت خفت تنزل دمعتي
عباس من شروق حجت هيج تمنيت اضربها على حلكها ولي قتلني نضرت نوره الي عبالك تكلي انته تسمع وساكت
شروق تعالي بالهول اريدج شويه
لاتضلين تحجين حجي اكبر من راسج شنو معنى كلامج(ريتاج الكعبه) هذا ويه نوره
شروق اي هذا حجيه واذا تريد نتزوج قبلها نوره تطلع من البيت لو تأخذني بيت وحدي
شنووو ....وأهلي منو الهم واطلع من البيت.. ونوره وجهالها وين يرحون
شروق ..معليه اني اريد ارتاح بحياتي
راح اشوف اهلج شيكولون يرضون على حجيج هذا
اي يرضون وهم يعرفون موقفي
عباس اني هذا الكلام ميصرفلي
نوره ..اني نزلت جان اسمع كل الكلام وسمعت عباس شلون جاوبها
ثاني يوم رحت لأهلي وحجيت الهم كتلهم اريد اطلع بعد ما ابقه ما اريد ابقه واخرب زواج عباس شوفولي بيت هنا بالمنطقة وااجره واكعد بي
اخواني وامي.. وعيالج يقبلون ..لعد شسوي هاي من بعيد وهيج تكرهني لو تجي شلون اني مالي خلك المشاكل وعمي وخالتي تعبانين وهاي بطرأنه
وفد يوم دخل عباس وصاير نااار
نوره .. نوره. شنو جاي تأجرين بيت وحدج وتطلعين هذا الحجي صحيح
اي صحيح لو بيت اهلي بي مجال جان كعدت يمهم بس الجهال ما ترهم ويه الجهال وماعدهم مجال بالبيت
اسمعي نوره طلعه من البيت ماكو
واذا تردين اطلعين اطلعي وحدج ما انطيج الاطفال افتهمتي واني شروق ماتمشي حجيها عليه يعجبها يعجبها مايعجبها خلي تولي لو انتي رايده حجه حتى تطلعين ابيت وحدج
من كالي هيج صدك ضجت وكتله شنووو رايده حجه وشنو تاخذ جهالي مني وانته معليك بيه ما حسيت اله ضربني راشدي ✋
اني خليت وطلعت لأهلي وسحبت الجهال هو وكف وماخلاهم يطلعون عفتهم وطلعت وضليت يم اهلي الليل كله مانمت اريد بناتي وابني بس مكتلهم عباس ضربني كتلهم تحاجينه  اني وعباس وطلعت امي تكلي اروح اجيب الاطفال اني اريد وما اريد كتلها لا خليهم قابل همه وين عد أهلهم وهم خفت لا امي تروح وعباس من يصير عصبي ما يعرف شيحجي وتصير مشكله
كعدت من الصبح ولو اني مانايمه وما اشوف اله بناتي وخالتي دخلو علينه
كالت يله كومي ارجعي لبيتج كتلها لا خاله ما ارجع كالت عباس دزني عليج
كتلها خاله خلي ارتاح نفسيتي تعبانه كلش احس هوايه ضغط عليه ...ضليت عند اهلي واطفالي ويابه وعمي وخالتي يجون ويرحون علينه
عباس من طلعت نوره من البيت حسيته  فارغ وجني مضيع شي وخجلت شلون مديت ايدي عليها بس هي استفزتني ونقهرت من سمعت جاي تدور على بيت وتريد تطلع دزيت امي وابويه عليها وماقبلت ترجع حسيت روحي طلعت وراهم وصرت ما ادخل للبيت اله نص الليل
وحتى شروق اضوج اكلمها ومن تتصل اكلها مشغول مالي خلكها
#قصةاحلى_الايام
#البارت_الثامن
#بقلم_الكاتبه_ريتاج_الكعبه
#الناشربارق_العراقي
ضليت يم اهلي ومرات افتر بالبيت واكول شبيج ضايجه  مو هذا بيت اهلج وعشتي بي ..احلى الايام.. بس احس بيت ابو مصطفى هو بيتي أكثر من بيت اهلي
ابويه مريض وحالته جاي تسوء لان عنده عجز بالقلب
ابويه... تدرون اني حلمت اكو واحد اجاني ونطاني كرصت خبز اني واخويه وكلي هذا نص الك ونص الاخوك
يأبه ..هذا عمي مو توفه العام ويريد ثواب منك هذا جان تفسيرنه للحلم
واندك الباب مال اهلي طلعت وجان اشوف فراس معقوله فراس انته مو متت لا اني ماميت
تعال ادخل اجيت عليه تأخذني للبيت
لا اني ماجاي عليج جاي على ابوج وفزيت يمه اسم الله شنو هذا الحلم أعوذ بالله من الشيطان الرجيم ...هاي لان ابويه حجه على حلم اني هيج حلمت خلي اطلع للحمام واحجي الحلم وغسل وجهي
واني طلعت لاكتني امي بالحولي ولج يمه نوره ابوج تخربط واخذوه اخوانج للمستشفى
يمه شنو اني جنت نايمه لو ميته وليش ماكعتوني... وانتي شسوين حتى لو اتكعدين يكعدون جهالج اني ما قبلت يكعدونج
اني نااااار وشبت بكلبي وتذكرت الحلم راسا وخفت ليش فراس تريد تاخذ ابويه يمه اسم الله شنو اني شبيه احجي ويه نفسي ودموعي😭😭 تجري واشهك مثل الطفل وامي تصبر عليه
ولج يمه هو كل فتره ويتخربط حتى صرنا معاميل بالمستشفى الكل يعرفوه هسه ينطونه علاج ويرجع لاتبجين يابعد عمري
اتصلت عل اخواني كالو خلوه بالعنايه المشده حالته مامستقره كتلهم راح اجي اخلي عمي ابو مصطفى يجيبني لو واحد منكم يجي عليه كالولي لاتجين ميخلون أحد يدخل عليه يعني ماتشوفي وجيتج ما منه فائده هسه ان شاء الله يطلعونه الصبح واذا ما طلعوا عود تعالي وبقيت وشيجيب الصبح وياريت ما اجه وخابرني اخويه كلي نوره ابويه ماااااات صدك حست ضهري بالهوى ومالي أحد بعد من توفه فراس ابويه حضني وكلي اني ما اعوفج واني سندج ما طولني عايش ليش هيج يابه ..يااااربي كلها التمت عليه والموت اخذ ابويه مني جنت احس بالأمان واني اشوف ابويه وامي
وصار العزه مال ابويه واجو صاحولي كالو يردونج بره لكيت ولد خالاتي ولد عماتي يردون يسلمون عليه ولمحت عباس بنص الجادر يشتغل بس عينه صارت عليه عاف الي بيده واجاني يركض🏃 نوره البقيه بحياتج ربي يصبرج
اني من شفته بجيت وهو حضني وباس راسي وضل هم يبجي واجه اخويه دخلني وكال كافي البجي بعد ميفيد
بالعزه اجت حنان اخت فراس من سمعت بوفاة والدي وهم اجت ام شروق وشروق وأختها بس شروق عبالك جايه بعرس مو بعزه مبتسمه وكالت سمعت تردين تطلعين وبيت وحدج يععوده اطلعي احسلج حتى ترتاحين
حنين كلتلها مو وقت هذا الحجي ثم انتي شعليج وشنو قصدج من الحجي هذا وشدن بالحجي واني مالي خلك وبالي مو يمهم هنه يتعاركن واني بغير عالم اكول هذا البشر يروح جنه ما صاير وابويه تعب وسهر علينه وراح ما كدرنه نسويله شي او نشيل (ريتاج الكعبه)
مرضه استغفر الله العظيم
آخر شي سمعت شروق دكول لحنين انتو ما ميتين عليه انتو رايدينها خدامه الكم ومجلبين بيها مو لسواد عيونه وطلعت شروق وامها وراها وضلت حنين يمي واني ساكته وهيه تتعذر مني واني لزمت أيدها كتلها ماصارشي
حنين ..شروق تغار وتتقصد هيج تحجي يم نوره حتى لاتفكر ترجع بعد للبيت والصراحه بيت اهلي من غير نوره واطفالها مايندخل وامي وابويه دوم ساكتين وعباس صاير حتى ما يدخل للبيت بس حتى ينام بي واكل ماجاي يأكل وضعفان حيل بس والله اله اكله على هاي الكلبه خطيبته واخلي يتصرف وراها اني من الله ما أحبه راح اكلكم على سر🙊 مره وقبل ما يزوج فراس من نوره.. سألت عباس؟؟ فد يوم هم اتحب ابنيه كال اي اني احب ومعجب بنوره بنت جيرانه بنت ابو محمد شبيج هاي الي مضيعه فلوسها بالكاع😂😂 وسالته بقوقتها وهي تعرف كال لا ماتعرف بس اني معجب بيها واشوفه من تطلع من بيتهم أضل بالركن اباوع عليها وره فتره خابرتني امي كالت راح نخطب نوره لفراس.. اني اتعجبت. بس ضليت ساكته وشلون هيج صارت الشغله وعباس مو على اساس يحبها؟؟
ومن سألت امي شلون صارت القسمه حجتلي كالت اني كلمت اخوانج اثنينهم لان ردتها لوأحد منهم عباس بس يتمضحك جنه مارايدها ماقبل.. وفراس وافق عليها وصارت القسمه وسكتت بعد ما حجيت هو عباس ما قابل بعد اني شكووو احجي بالموضوع
والبنيه اصلا ماتعرف بي يحبها او معجب بيها ماكو داعي اسألها بس من تعارك ويه رجلي بليلة العرس وجان عصبي عرفت بعده يحبها او هيج تخيلت هااا تذكرت من اجه عباس كلتله على شروق وشلون حاجت نوره واني تعاركت👊👊 وياها وهو راسا لحكها لبيتهم ولضاهر متعاركين👊👊 وكايل اني بعد ما اريدج وراح افسخ الخطبه
#قصةاحلى_الايام
#البارت_التاسع
#بقلم_الكاتبه_ريتاج_الكعبه
#الناشربارق_العراقي
نوره.. واني يم اهلي وجاني اتصال هاي شروق الووو
ارتاحيني تردين تاخذين عباس متستحين شنو ماخذتهم اكباله من فراس لعباس
نوره ..شروق شنو هاذا الحجي وشنو الي صار ممكن اافتهم
لا عيني كلشي ماتعرفين بس الخطه مالتج نجحت جاي تسوين نفسج فقيرة بس مو عليه اني جنت اعرف بينكم شي ولج عيب عليج جان استحيتي مو هذا اخو زوجج تقشمرينه وتضغطين عليه وعلى عيالج لان متعلقين باطفالج يكعدون ويكمون نوره ونوره هيج سوت نوره هيج كالت وانتي مقشمرتهم مدري مسويتلهم سحر صار سنتين منتضرته وهسه اجه فسخ الخطبه بس والله اله افضحج يا ووووو ما لكيتي غير خطيبي
نوره.. ضليت حايره هاي شبيها وشنو جاي تحجي واني شنو علاقتي بفسخ الخطوبه خلي اروح على بيت عيالي وافتهم منهم
خاله شنو الي صاير هاي شروق خابرتني وترعد وتغلط عليه
خاله حنين اجت حجت لعباس على شروق وشلون حاجيه وياج وتعارك وياه واخوانها هم متحاجين وياه ويريد يفسخ الخطبوبه
والله خاله اني ما اعرف هاي البنيه ليش شايلتني على راسها
ام مصطفى خاله هي هم ورطه وتورطناها اشو طلعت سوالفها وره الخطوبه
نوره ..باوعت الببيت صاير مبهذل والمطبخ وصخ خالتي ماتكدر بعد منا ضغط وسكر ومفاصل الله يساعدها دخلت للمطبخ نضفته والحمام نظفته وشغلت الغسأله لكيت ملابس بالحمام وصعدت للفوك شفت غرفتي مليانه تراب نظفتها ودخلت لغرفة عباس لكيتها مضروبة نوووي ملابسه بكل مكان فراشه مبهذل وجكايره والنفاضات مليانه جمعت الملابس الوسخه والجراجف ونزلتها اغسلها ونظفت الغرفه وعطرتها وسديت بابه فتحت الثلاجه عزلتها وطلعت دجاج وسويت تبسي وتمن شعريه وشوربه لخالتي لأن بالليل ماتاكل لو شوربه لو لبن وطلعت نضفت الاستقبال وغرفة خاله طبعا اني اكدر اشتغل 3شغلات بوقت واحد يعني اروح اشوف الغساله وبالي يم الطبخ وارجع انظف هذا كله بوقت واحد وعطرت البيت كله
عباس.. اول ما فتحت الباب شميت ريحة الاكل وعطر البيت عرفت نوره جايه للبيت كولش فرحت وفعلا لكيتها جاي اتنظف بالهول يم امي السلام عليكم لابسه ثوب اسود رافعه ردانها ورافعه الثوب بالب....
من شافتني دخلت خجلت ونزلت ثوبها لان ما متوقعه ارجع هيج وقت
عباس جنت احب نوره من احنا صغار ومن كبرنا حبيتها أكثر لان شفتها رزنه ومو مثل باقي البنات ماتطلع اله لمكان دراستها ولو تطلع ويه امها او زوجات إخوانها وكنت حتى اراقبها من بعيد
ومن اجت امي كلمتني عليها اني فرحت وضليت اصنف عليها كدام امي وكلت اكيد امي راح تخطبها الي لان فراس اختياره صعب وتعب امي كل يوم دكله اخطبلك هو ما يقبل واني احجي ويه امي خابرني صديقي ابوه متخربط وأخذت السياره واخذناه وبقيت ويه صديقي ما اجيت اله وجه الصبح وأهلي نايمين والصبح طلعت قبل ماتكعد امي من النوم والظاهر هي فاهمتني غلط انو اني ما اريد نوره ورايحه مكلمه فراس وهو على حظي موافق عليها من رجعت من الأسواق كالتلي امي فراس وافق على نوره اني انصدمت وما عرفت شحجي وأمي رايحه كايله لام محمد وطالبه مهله من امي حتى تكلم نوره وأبوها واخوانها يعني الشغله منتهيه كتمت حبي بكلبي💔 وما حجيت والله يعلم بحالي شلون تعذبت والمشكله اني الي أخذها للصالون واني اكمل كل شغلاتها واشوفها كدام عيني حتى اني الشاهد على زواجهم ومن وقت زواجهم عاهدت ربي ونفسي ما انظر لنوره بغير نظره لان صارت زوجة اخويه واقتل حبها بقلبي وامي ضلت تلح عليه أن اتزوج وشافولي وحده من أقارب امي وخطبوها بس ما كدرت احبها وصارت وفاة فراس وجنت اموت من اشوف نوره تبجي وتتالم واني ما اكدر اسويلها شي حاولت بكل طريقه اطلعها من جو الحزن بس ما كدرت ورجع حبها بكلبي💘 بس مابينت حبي الها وهي اصلا ماتعرف ولاا حاسه بيه ويوم عن يوم يزيد إعجابي 😍 بشخصيتها بيه وتعلقي بأطفال اخويه جنت افرح من ينادولي بابا
وجنت يوم ويه خطيبتي وناديتها نوره😨
خطيبتي حست بحبي لنوره وصارت تغار منه وتتعمد تاذيها بكلامها وتصرفاتها وهذا الشي كان يضوجني منها واصلا هي عدوانيه وماتحب احد وما كدرت تخليني احبها جان كل همها الطلعات ولبس والمكياج والشي الي خلاني اضوج منها أكثر هو طلبها تطلع بيت وحدها وهي تعرف اهلي ما عدهم غيري وانو نوره لازم تترك البيت وفكرت هاي هم بعد كم يوم وتجي تطلب مني اترك امي او ابويه او اطلعهم من البيت ففكرت هاي الانسانه ماترهم وياي
نوره..دخل عباس واني جنت أنظف بالهول يم خالتي ومن شفته خجلت اني جنت زعلانه عليه بس صارت وفاة والدي واجه عزاني نيست كلشي
عباس ..السلام عليكم
وعليكم السلام
عباس وين الاطفال
يم اهلي ..
عباس ليش ما جايبتهم ؟؟جيت انظف البيت الخالتي و اشوفها اذا محتاجه شي وهمه يلهوني ميخلوني اسوي شي فما جبتهم ..جوعان اخليلك اكل
عباس ..اي والله ياريت كولش جوعان
خاله تاكلين ويه عباس؟ اذا تاكلين ويانه اكل
رحت للمطبخ خليت نص دجاجه وتبسي وتمن وشوربه وسويت زلاطه وطلعت عصير وصمون وخليتهم بالصينيه اجه عباس كال عوفي اني اشيل الصينيه بس اغسل اديه واجه وشال الاكل وكال بس لحضه اروح اجيب ببسي وشويه ودخل جايب الاطفال خالتي فرحت من شافتهم وهمه كبل على الصينيه👨👩👧