- *بصعوبة يفوق من دهشته و يكسر الصمت المحرج* رجعتى ليه؟!
_ أاامم... * فى حرج, و بأناملها التقطت خصلة لتخفيها وراء اذنها كاشفة بذلك خد متوهج خجلا* ازيك يا سعيد؟
-معلش انا مستعجل لازم امشي,
و ذهب متعجلا مندفعا.. ثم التفت للوراء ...
-فرصة سعيدة..! انتى طولتى على فكرة.
~~~~~~~~~~~~~~~~~~~~~~~~~~~~~~~~~~~~~~~
و كمن يسابق ظله, خرج مسرعا يأمل النجاة من فقاعة مليئة بماضى حزين.. جمالها للاسف.. مخيب للامال. !
هائما فى اللاوعى... انمحى من باله سبب غضبه و انتهى هياجه, محدثا نفسه ...
* هو ايه اللى انا شفته ده؟.. هو اللى حصل ده حصل بجد و لا انا بيتهيألى؟!! هو انا ف شارعى اصلا؟!
ملتفتا للوراء.. لعله فى حلم!
شارعى اه.. يانهار اسود!! غبى غبى غبى ايه اللى انت هببته ده؟؟؟
ثم انتبه لوهلة و عاد لنفسه.
هى هتسكن هنا تانى؟ !!!!
*و ادار ظهره منطلقا للامام نحو العمارة ليــ.......*
- *سعييييييد, انت هتتهبل ولا ايه؟!! انت اتجننت؟ امشي امشى علطول هتودينا ف داهية!*
'''''''''''''''''''''''''''''''''''''''''''''''''''''''''''''''''''''''''
مش عارف ليه الفترة دى من حياتى عاملة كده؟ هو انا كنت ناقصها دى كمان؟! شغلى و فلوسي اللى بتخلص!!, جريمة قتل, ماما, اختى, و دلوقتى هى كمان؟ هو عقلى ناقص حاجة كمان تشغله؟!!!!
اتصلت بفادى.....
*لو حابب تسمع الرينج تون دى دوس شباك.. ... اللى شفته.. اللى شفته... قبل ما تشوفك عنيا.. عمر ضايع اخاف يحسبوه الناس عليا انا.. انت عمــ...* - حبيبي......
_ فينك ياعم؟
-هنا ... فاضى موارييش حاجة, لو انت كمان مواركش حاجة تعالى ننزل...
- انا ف المنصورة يا فادى يا ريت كنت اقدر..
_بتطمن عل حجة ولا ايه؟
_ لا, دى سنوية ابويا ,ما ليك عليا حلفان انا لولا الظرف دة, و لولا اختى , ما كنت عتبت البلد دى.
- انت مزهقتش يابنى من الخناق مع مامتك.. استحملها يابنى .. ان كان على موضوع فاطمة ... ما هى كده من زمان ايه اللى بيجد يعنى.. احفظ اسلوبها بقى....
_حاجة تحرق الدم ياجدع!!خد عندك بقى ياعم..تفتكر شفت مين النهاردة و انا نازل من عمارتنا؟ و اسرح بخيالك اوى...
-مين؟
_فكر طيب.. حتى دى ف التفكير كسلان و عايز حد يعملهولك.. ..
- انجز يا سعيد و قول مين... راجل ولا ست؟
_ اووف! لا يا عم واحدة.. ست !
- مين...ممممم... امم....
_ ههههه لا مهو مش هتقعد تفتكرلى ف ساعة , مواريش غيرك انت و التليفون.. بلاها ياعم خلاص كبر دماغك.
-.. استنى كدة ... لا متقولش؟!!!معقول هى؟؟؟!
_اه هى... لا و شوف الصدف.. خبطنا ف بعض احنا الاتنين...معرفتهاش صدقنى!
- طب و ايه ؟
_. اول لما شفتها جتتى لبشت .. ...افتكرت اللذى مضي....
- تفتكر ايه اللى رجعها من المانيا؟
_و انا ايش عرفنى ؟!! بس هعرف.....بقولك ايه اقفل معايا وييتنج
- ماشي انا مستنيك...
_ يابنى نمرة غريبة.. . سلام بقى..
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
*ترررررن ترررررررررن*
* رقم غريب*
ياتري مين؟؟؟ حد من اهل اسماعيل؟ القاتل؟ راشد؟ وليد؟....
**خفت ارد عل مكالمة و لم اتخيل سوى اسوأ الاسوأ.. و كل كوابيسي التى عكرت نومى و يقظتى تجلت امامى صوت و صورة! و لاقطع الشك باليقين ... قبلت المكالمة و لم انبس بحرف مترقبا صوت يدلنى....!**
-.................
-- الو.. سعيد ؟
أنت تقرأ
قهوة بنكهة الفراولة
Romance#4 IN SOCIAL 9/18/2018 #5 IN NEW STORY 3/8/2018 #6 IN SOCIAL 8/11/2018 ميكس زى الدنيا ، حلو و مر زى الطبخة اللى لو ملحها زاد متتاكلش ، و لو قل .. هتتاكل بس ملهاش طعم ! -هل كل اللى بنتمناه هو فعلا احسن...
