من ١٢ سنة فاتو..
----------------------------
-بعد يوم طويل حر فى المدرسة، مشى سعيد و هو فرحان اوى.. علشان النهاردة هيعرف يشوف حبيبتة الجميلة و يتكلم معاها ، لان النهاردة اهلها مش بيروحوا ياخدوها م المدرسة..
-- يوم الاحد بباها بيوصلها المدرسة و يطلع عل محطة القطر و مامتها بتخلص شغل 4 الضهر --
-فبتكون احلى ساعتين بالنسبالة فى الاسبوع .. لما بيمشى من اخر حصة بعلم اهله اصلها يدوب حصة العاب!! عشان يعدى قدام مدرستها يستناها... المعاد الشرعى اللى متصرح بيه من الاهل، و هما مش دريانين.
-مستنى جرس المرواح اكتر منها عشان يشوفها من بعيد و هى ماشية وسط صحابها..
و عنيها بتفتش ف وشوش الاهالى عليه..
ف تيجي عنيهم ف بعض..
فتبتسمله جاامد و تتقفل عنيها من خدودها الحمر الحلوين..
-و تتكسف و تبص ف الارض ، لما صحابها البنات يغيظوها.."ايوااا يا سووو .. ماشى ياعم الله يسهله .. ابقى احكيلنا بكرة بقى جابلك ايه و قولتو ايه ههه...."
-هى بتكرة اوى لما صحابها يضايقوها كدة قدامة .. هى بتتكسف جداااا.. و بتبقى عايزة دايما تبان قدامة جامدة و تقيلة، بس صحباتها بيبوظوا البرسيج خالص..
-نعديكي الشارع يا سووو؟؟
-بس بقى يا رخمة انتى و هى..!!!!!
...
سعيد شايفها سابت صحابها و بتعدى الشارع عشان تجيلة الرصيف التانى ..
و داخلة عليه..
-جميلة.. قصيرة.. شعرها بنى و طويل..خدودها حمرا من الحر ..بصة عليه و بصة ع الشارع !
عنيها بتلخبط قلبه ف كل مرة.. بيبقى عايز يعدى لها الشارع عشان يعديها ...!
مشمرة القميص الكاكى بتاع الحكومة ..
-احم "بيحاول يتقل" ازيك..
-ازيك..
فى حركة لا ارادية مد ايده و مسك شنطتها
-هاتى الشنطة اشيلها عنك..
-لا !!
زقت ايده ! ايدها تلج !!!
- ' انا عكيت ولا ايه'! انا اسف يا ساندى... مكنتش اقصد..اخبطك ! كنت عايز اساعدك بس ،الشنطة شكلها تقيل عليكي..
-....
- انتى زعلتى منى ؟
-*بمنتهى الخجل و الرقة شرحت بأبتسامة مُحاولة اللا تجرح مشاعره*
لا ! بس كان ممكن حد يشوفك و انت بتاخد شنطتى و بتشيلها و يفهم غلط يعنى .. و خصوصا احنا كنا لسه ف شارع المدرسة ، و بعدين كفاية اللى انت شايله و تعباك معايا.
*يخربيت العسل!! هى ايه العسل اللى هى فيه ده!!!؟. بت انتى جميلة اوى ..جدا... انا بموت ف شعرك و عنيكي و بحبك اوووى*
- احم... مخدتش بالى معلش.. *غامزاً* بس لما نبعد كويس هاخد الشنطة برضو ..
- ههههههه ،سعيد ، انا حاسة ان الموضوع دة قالقنى كدة !
-يابنتى مفهاش حاجة!! *بصوت مكسور*انا زى اخوكى..
**كانت حبيبة قلبه ف خياله بس..انما هو ميعرفش هو بالنسبالها ايه، كل اللى يعرفه ان لما يمشى من مدرستة الخاصة اللى ف اطراف البلد لحد مدرستها اللى ف نص البلد ف عز الحر وسط الزحمة ، دا تمن كويس مقابل ضحكة و تلميحة و احساسة بقلبه بيتنطط م الفرحة معاها بلخبطة **
-ايوا بس ماما قالتلك تروحنى علطول!! انما انت بتجبلى حاجات و بنتمشى سوا!!!
-اممم.... ! يا ساندى لو بتضايقى ، نروح علطول مفيش مشكلة!!! مش انتى بتقولى لمامتك ؟
- كنت هقولها النهاردة بس حبيت اسألك قبلها ، كدة كدة احنا جيران.. و كدة كدة ماما عارفة انك بتروحنى من المدرسة !! مفهاش حاجة لما نتمشى شوية قبل ما نروح !! صح ؟؟؟
-طبعا ، و بعدين انا بستنى اليوم دة كل اسبوع اصلا.
* فى محاولة مننها انها تغير مجرى الحديث*
-انا عمرى ما بشوف اختك صحيح.. ولا عمرى شفتها ف البلكونة ولا ف الشارع ولا عمرها جت مع طنط لما بتزورنا ! هى مبتخرجش ؟؟
*بياخد منها الشنطة و بيزفر بشدة كأنه افتكر حاجة بتنرفزه*
-لا ، ماما مش بتخليها تخرج ..
-ولا حتى المدرسة ؟؟؟؟ فلاحظت تجهمه و عدم استعدادة ان يجيب عن اسئلتها بخصوص خروج اخته...فسألت سؤال مختلف مفتعلة بهجة..
-اسمها بطة و اكبر منك مش كدة ؟
*بتتكلم بسرعة و بأيديها ، باين اوى انك بتغيرى الموضوع،صوتك سرسع..حافظك يا سوو *
-ههههههه اه اسمها فاطمة، انتى رغاية اوى يا ساندى بجد ههههه.
- .... بجد ؟!! معلش صدعتك ....
- *يووووووه تانى يا بجم اديك احرجتها* تحبى تشوفيها ؟!
-اكييييييد ، اكيد هتبقى زيك ...
-زيي ازاى بقى ؟
*بابتسامة و نظرة رضا ف عنيها لعيونه الخضر
-انت لذيذ اوى بجد
* قلبه داااب و بقى ف رجليه!!*
-ساندى انا عايز اقولك حاجة بس توعدينى متزعليش و لو كلامى زعلك مش هقول تانى .. و اوعدينى متقوليش لمامتك..
** ساندى خافت !! مترقبة بحذر !! هيقول ايه ؟ طب اجرى ؟ بس سعيد مؤدب ، مش كدة !! و بعدين ف الورطة دى ؟!**
**نفس متقطع !! مخنوق ..مش قادر احبسها اكتر من كدة !! هتطلع منى!!! هى شايفة قلبى بيدق ! قلبى هيفرقع ! هينطق ! هيخرج من صدرى يبوسها!! قلبى عدّا دقة هموت م فرحتى و توترى بسببك خربيتك..**
-كلام ايه اللى مش عايزنى اقول لماما عليه؟ انا مش بخبى عن..
-ساندى انا بحبك.
أنت تقرأ
قهوة بنكهة الفراولة
Romans#4 IN SOCIAL 9/18/2018 #5 IN NEW STORY 3/8/2018 #6 IN SOCIAL 8/11/2018 ميكس زى الدنيا ، حلو و مر زى الطبخة اللى لو ملحها زاد متتاكلش ، و لو قل .. هتتاكل بس ملهاش طعم ! -هل كل اللى بنتمناه هو فعلا احسن...
