اوتار حزينه

البارت الثاني

اوتار حزينه
بقلم M.M
البارت الثاني
اتصلت عليه كال الو وسكت اخذت نفس وكلت الو كال الو منو كتله وحده كال منو كال واحد بس غير اعرف منو الوحده سديت الخط وظليت ارجف وابتسم ودموعي تنزل ماعرف شعور مخربط فرح خوف
رجع اتصل زدت بالبجي واكول صخام وجهج ريم هاي الردتيهه شستفاديتي
فصل عشر دقايق ورجع اتصل فتحت خط بس مااحجي هلكد ماسنوني طكطك كلي تره مو لهدرجه بارده الدنيا واحس مغص بطني كلي انتي ريم مو سكتت كلي اي ريم كتله لا
كلي راح اجي افوت من يم بيتكم كتله لتجي كلي يعني ريم انتي ليش تكولين لا سديته
وره ربع ساعه سمعته يصفر من يم بابنه كمت اعض باصبعي اكول هسه المنطقه كلها تعرف صخامج يريم وعمامج يذبحوج ويحطون راسج ع الباب اتصل عليه مرتين قفلت التليفون اباوع ع الساعه كلت بله هذا من كل عقله س2بالليل بهذا البرد جاي خبل
كعدت من الصبح وكمت نظفت حتى التهي وانسى خلصت وتريكت فتحت التليفون لكيته دازلي مسج

ابيض بياضك حلو وشكد حلو دمك مااتوب من عشرتك لو انذبح يمك

مجاوبت ظليت كل شويه اطلع المسج اقرا وابتسم
ورجعت اداوم وهو يوكفلي كام من افوت من يمه يكول اي لا اني كوه احصر الضحكه
ويتصل عليه بالليل مرات اجاوب ومرات لا ظلينه 3اشهر ع هالحاله كلمتين واسد الخط بس هو طولي خلك وعرف شلون يخليني اتعود عليه مجان يضوج من اسده الخط بالعكس يتفهم وياخذهه بضحك وميضغط عليه يكعد يسولف ويايه يعرفني عنه وعن اهله واني هم حجيتله عن اهلي جنت كل مااحجي ويا احسها اول مره والخوف يلزم كلبي بس هو سلسل ويايه كلش يطمني ويبرد الخوف اللي بداخلي

تعود عليه صار جزء من يومي انتظر الساعه 12حتى يتصل ونكعد نسولف
اروح للمدرسه وارجع اشوفه بالروحه وبالليل يتصل مرات بالليل يمر من بيتنه يكولي طلعلي اشوفج جنت اكوله لا مااطلع بس اطلع ع اطراف اصابيعي اشوفه واكول بكلبي فدوه اروح لطولك من يتصل عليه يكولي ادري بيج واكفه وره الباب احس بانفاسج اكتم الضحكه واكوله لا مطالعه اني من كل عقلك اطلع بهذا البرد انت بطران يكولي اني من الشوك صاير كتله مبردان انت دفتر بالشارع كلي لا كلي خاف انتي بردانه لان طلعتي بره كتله اني مطلعت بضحكه كلي يله يابه مطلعتي انتي بردانه كتله اي كلي اصيرلج بطانيه سكتت بعدين كتله انت بشر شلون تصير بطانيه سكت وتنهد مفهمت كلمته بس ظليت ساكته كتله راح اروح كلش ليش حبيبي ضجتي كتله لا ليش اضوج
كلي انتي تعرفين شكد فرق بيناتنا كتله من ناحية شنو كلي العمر كتله لا مااعرف كلي اني عمري 29س كتله صدك!!
كلي جبير كتله لا بس ممبين كلي فرق بيناتنا 15س كتله شنو يعني كلي مومهم عندج العمر كتله طبعا لا
كلي ريم انتي تحبيني كتله اممم كلي كوليلهه
كتله اخاف كلي من شنو يبعد روحي روحج كتله مااعرف احمد كلي يبو لج اسمي يجنن بحلكج كلي اريد اسمع صوتج بالحقيقه كتله مو من انطيتني النستله كتلك شكرا كلي هواني شسمعت توصوصين

استمرت علاقتنه وكل يوم احبه اكثر من اليوم القبله وهو عشكني بخبال نحجت بالمدرسه للثالث كلي راح اتقدملج سكتت كلي شو.متحجي كتله مااعرف شجاوبك كلي يعني ترضين بيه لو لا كتله اي اقبل اكيد كلي احبج كتله واني هم تنهد وكال كوليها كتله شنيه كوليلي احبك احمد سكتت كلي راح اروح كتله كيفك باي سديته
وجنت فرحانه راح ييجي يخطبني واصير اله (مجنت اعرف شنو من ضيم منتظرني)
جانو من يجون عمومتي اقفل التليفون واضمه والتهي وياهم وره ميروحون اشغل التليفون صاير نار يصيح عليه انتي متحبيني واني مدري شلوني راكضلي وره زعطوطه رجالي شكبرني صار عمري 30سنه شايفتني قشمر حتى كلمه احبك متكوليلي اني ابجي بخنك حتى ميطلع صوتي كوه اجر النفس وهو يصيح عليه مستمر كلي اي سكتي واذا تريدين سدي الخط تقفلي التليفون متكولين هذا الحيوان يشتاق يحترك كلبه عليه يومين وماكو انتي سكت واسمعه يتنهد كتله احمد هو ميجاوب صحته مره ثانيه احمد كال ها كتله احبك هو كال شنو يابعد عمري لج اروح فدوه الج اموت عليج ياعمري بروح ابوج عيديها كتله احبك احبك واموت عليك كلي شنو اليوم امي داعيتلي كلي باجر ان شاء الله افاتح امي بالموضوع هيه صارلها سنين تلح عليه بموضوع الزوج راح احقق امنيتها كتله ان شاء الله شكد جنه اني ويا متفائلين ونفكر بالمستقبل
(ليس كل مايتمناه المرء يدركه)
وظلينه نحجي لل6الصبح ع الخدمه ام النص ساعه ع العراقنا تذكروها
ظلينه نحجي باسمي جهالنه وشلون راح يدللني ويسعدني وصدك جان گول وفعل

احمد صباح الخير يوم شلونج هله حبيبي يبعد عمري وليدي شوكت تبرد كلبي وتتزوج خطبيلي يوم صدك وليدي كامت تهلهل وكيفت حبيبه ع كيفج كالت من باجر اجيبلج احلى وحده ياضوه عيوني سالمه عينج.تاج راسي
اني اريد وحده
امي عدلت كعدتهه ومعجبها الوضع بس سكتت بعدين جان تكول منيه يمه كتلها بنيه بالشارع اللي بي بيت بهاء وشكد عمرها يمه
م94يوم صغيره يمه انته م79 يعني فرق كتله حجيه 15سنه لتعبين نفس بالحساب عدلت شيلته وكالت اروح اشوفها اذا حلوه ليش لا كتلها يومه اني مقنتع واريدها كالت احمد.عندك علاقه بيها لا يوم ماعندي نشوف وليدي يصير خير حبيبي
خابرتها الظهر وكتلها ع كل الصار كالت احمد خايفه لا يبعد روحي ليش تخافين امي محجت شي بالعكس بس كالت ع فرق العمر كتله مابيها شي واذا ع موضوع الطائفه خاف اهلج.ميقبلون لا اهلي ماعدهم تفرقه كال اي هاهيه الحمدلله ان شاء الله خير

كمت سبحت وبدلت ورتبت البيت العصر اندك الباب طلعت بيبي رحبت بامه وطببته واني ركضت طلعت كيك وعصير وطبيت كلت السلام عليكم باوعت عليه نضره من فوك ليجوه معاجبها كالت وعليكم حبيبتي اني كلبي وكع بين رجليه من نضراتها بس ابد محجت بموضوع احمد انه جايه تخطب بس سالت بيبيتي ع بنات بالمنطقه تريد تخطب لابنها والله يمه ماعرف احد اني الدمعه تغرغر بعيني واخاف تنزل مبقت عشر دقايق واتصلت ع احمد واجاها وراحت

ها يوم بشري الطريق كله امي تنافخ ودايره وجهه ع الصفحه الخ
انتهى البارت الثاني توقعاتكم ام احمد راح تقبل ع ريم لو لا