اوتار حزينه

البارت التاسع عشر والاخير

ايامي كلش عاديه مالها لا طعم ولا لون
ياسر ريم اريد تداينيني فلوس اشتري سياره اشتغل خط بلكي يتحسن الوضع
ريم اللي عندي ميكفن سياره
ياسر ميخالف ياعيني اني ادبر
انطيته ٤ ملايين ومدري منين اداين واشتره سياره ولزم خط ويشتغل تكسي حاله متغير زادت ختلاته تليفونه غير الرمز حتى ماافتحه واعرف شديسوي صرت حامل وحملي محسيت بي عكس حملي بالتوم
حسيت بنص الليل ديتراسل ع الواتساب بس شافني طلع من البرنامج محجيت شي رحت للحمام ورجعت
ريم: ياسر شدتسوي باجر مو عندك شغل شوكت تنام
ياسر :اي نامي انتي هسه انام وراج
ريم شدتسوي بالتليفون
ياسر اتصفح بالفيس اجه اشعار مال واتساب جريته حيل من ايده وركضت للمطبخ فتحت الرساله لكيت وحده دازتله صورتها وغزل اشكال اللوان وخريط ظل يريد يجره من ايدي
ريم ياسر اترجاك خليني اقره
ظل يفتر حواليه واني اقره
مو احلى من عيونج
تسلمين حبي
اني من اسمع صوتج مااعرف شيصير بيه ادوخ
هههههه لا مولهدرجه
وداعت عيونج الحلوه
ظليت اقره وابجي
ريم بحياتي مشفت ازبل منك ومنها
ياسر بس اسمعيني
ريم مااريد اسمع ولا حرف كافي
ياسر ريم تره مجرد صداقه
ريم لك انت واحد زباله واني صوجي نكست نفسي بيك ياصداقه لك اني مرتك ممسمعني هالكلام
ظليت ابجي وافرفح لحد الصبح حسيت عندي وجع بطني وبمكان العمليه يشبهه مخاظ الولاده دخلت للحمام شفت قطرات دم مهتميت
ساعه بعد ساعه الالم زاد ظليت يومين انزف قليل وهو محجه شي ويايه وكالب خلقته ميحاجيني
من الوجع متحملت كمت ابجي ورحت عليه
ريم ياسر داانزف
ياسر لبسي بسرعه اخذج للمستشفى
حطيت الشال ع راسي ولبست عبايه اسلاميه واخذت جهالي ويايه ورحت الطريق كلنه احس ظهري دينكص من الوجع وصلنه دخلت لقسم النسائيه حجيتلها حالتي فحصتني كالت عنق الرحم مسدود مااكو اسقاط دزتني ع سونار ظليت ساعه انتظر السونار والوب خابرني ياسر ها مكملتي
ريم يم السونار وهوسه ولحد هسه مااجه سرايه
ياسر يلا مع السلامه
ريم الله وياك
ظليت صافنه وبكلبي حسره ومقهوره ع نفسي ليش هيج اني وحدي ليش هيج زوجي اللي مفروض سندي يخوني ويوميه يصادق وحده لا عندي احد اشكيله ولاعندي احد يشيل همي
حسيت ع صوت ابو الاستعلامات يصيحني
عيني يابنيه
ريم هاا وكمت رحت عليه
صار ربع ساعه اصيحج وانتي صافنه اجه سراج
شكراً
دخلت للدكتوره
مساء الخير انطيتها الورقه اللي كاتبتها السونار قرتها
الدكتوره صارلج شكد حامل
ريم ٣اشهر ونص تقريبا
الدكتوره وصارلج كم يوم تنزفين
ريم يومين 
الدكتوره يلا نسوي سونار
ريم صعدت سوتلي سونار كالت راح اسويلج داخلي
محجيت نزعت هدومي سوتلي سونار
الدكتوره ماكو نبض ميت اصلا رجعي لدكتوره
اخذت السونار ورجعت للدكتوره قرت السونار كالت مثل متوقعت ميت كتبتلي ع حبوب كالت اذا منزل ويه النزيف هايه حبوب تنزله واذا منزل نسويلج كورتاج
كتله لادكتوره مااريد كورتاج
الدكتوره حسب حالتج امي اذا تحتاجين لازم
ريم ان شاء الله مااحتاج
الدكتوره ان شاء الله بالسلامه
ريم الله يسلمج شكراً
رجعت لياسر حجيتله الصار
ياسر كله من وره خبالج كتلج ماكو شي انتي مخبله ظليتي تبجين
ريم ظليت ساكته ودموعي تنزل وجهالي يحجون احس راسي يريد ينفجر رجعت للبيت وظليت انزف الليل كله عبالك بوري ومفتوح رجلي اريد اوكف مااكدر وكمت ارجف اتغطه وميفيد كمت اسحل بروحي ورحت للحمام كعدت بالكاع حسيت اكو شي دينزل ونزل الطفل طلعت روحي وياا من الوجع رجعت للفراش ونمت حسيت بي يمي ديشوفني مصخنه بجيت ظل يصبر بيه بس قلبي انلجم منه قررت خلص اعيش الخاطر اطفالي اعوضهم الشي اللي ملكيته اني
ياسر الخاطر اطفالك مااكولك الخاطر واني مرتك لاا لان اللي بينه خلاص انتهى
ياسر لتحجين هيج ريم والله غلطه ومتتكرر
ريم كافي ياسر اللي شفته منك هوايه اللي اريده منك نعيش تحت سقف واحد الخاطر هذوله الاطفال بااحترام غير هالشي مااريد منك وانت حر شتريد تسوي سوي ياابن الناس
ياسر حبيبي اهدي انتي هسه تعبانه ورايحلج طفل ارتاحي ونامي وبعدين نتفاهم
درت ظهري ونمت
متفاهمنه لان اني وياسر مااكو اي تفاهم بينه حياتي عباره عن اداء واحب بالاكراه

اللي سمعته انه احمد منفصل عن زوجته بسبب المشاكل انقهرت عليه احمد ميستاهل رجال بكل معنى الكلمه وشهم عشت وياا اجمل ايام حياتي ومستحيل انساها

ياسر متغير ظل كل فتره اكشفه عنده علاقه بس كمت مااهتم ولاكانه زوجي وابو اطفالي احس مسلسل ودااتفرج عليه

اني عايشه لاطفالي انسه بيهم المي وقهري وحسرتي ع حياة انظلمت بيها وتحملت فوك طاقتي اتمنى يكونون عكازي للزمن ويسندوني

اتمنى تدعولي ربي يحفظ اطفالي ومااشوف بيهم يوم موزين
شكراً من كل قلبي لكل شخص قره حرف من قصتي

اسفه من كل قلبي لان تاخرت جداً بالقصه بس والله غصب عني شكراً الكم ربي يسعد كل البنات ويفرح قلوبكم بحق شهر محرم