اوتار حزينه

الجزء الثاني عشر

اوتار حزينه
بقلم M.M
فتره الامتحانات كلش صعبه عليه جانت ضغطت ع روحي وع احمد والحمدلله نجحت ام احمد متنزل من حلكهه كلمة المسعده ماعرف ع شنو صح زوجي يحبني بس عندي هوايه شغلات منغصه حياتي بيوم رجعت من المدرسه اني طبيت مريه دكت الباب علينه رحت فتحتهه مريه سلمت وكالت اريد امج
اي خاله ،رحت صحت ع ام احمد فوتتهه ركضت للمطبخ بهدوم المدرسه جبتلهه جاي وكعك والمره تكول صدقه لمحمد شلون بنيه تكول غصن البان عمتي تبتسم ابتسامه كاذبه من دا اطلع سمعتهه تكولهه رايده بنيتج لابني خالتي
ام احمد عبالهه ع نور ،نور جانت صف سادس اعدادي فخالتي تسالهه ابنج شيشتغل
ع اساس عنده محل مال تليفونات وطالب كليه واسمه اسامه
وخالتي تكولهه اكول لابوهه واخوتهه ويصير خير سالت البنيه شسمهه كالتهه نور
صلى على محمد وال محمد اسم ع مسمى يوم المنى تصير جنتي وخالتي تبتسم وتكولهه والله كومه ييجوهه يتعجبون بيهه بس بنتي متقبل راحت المره وحاجت عمي واحمد وحمويني ونور
نور كالت اني مااريد اتزوج هسه اريد اكمل ،كلولهه شوفي وبعدين حكمي
ردت حبر لعمتي ييجي الولد علمود يتشاوفون وعمتي خابصه نفسهه تحضر لان جان الولد خوش قسمه طب الولد واني احضر الكيك والعصير وعمتي تتامر عليه جيبي ودي نضفي مسحي واني رجلي صارن خيوط
اجه الولد وامه واخته نور شالت الصينيه وطبت كالتهه ام الولد هاي بنيتج الخ ماشاء الله
حجيه هيه هايه نور
لا عيوني احنه نريد هذيج مو هايه ابني شافهه وكتل نفسه عليهه والله كومه راويته بنات وهو طالب هم كتله شوف اذا تعجبك وحده بس هو من شاف بنيتكم كال يمه لكيتهه لحوريه
ع ياهيه تقصدين بناتي الباقيات بالمتوسطه
لا عيوني اللي من جيت شفتهه وفتحتلي الباب
صخااام قصدج ع ريم
والله عيوني منعرف اسمهه صاحتني لبست جبتي ع السريع وشالي ع راسي طبيت نعم عمه
هايه ؟
اي هيه
اشوف الولد عيونه تريد تاكلني يباوع.من فوك ليجوه وامهه تتغزل صدقه لهل الطول
حجيه هايه جنتي مرت ابني الجبير
تعذرو وطلعو وام احمد كلبت البيت عليه عزززه تصيح وتغلط كامت تجيبلنه الشحوله يتخطبوهه وسوده بجهج ياريم لاشوفج الله الخير من اكولج مسعده متصدكين مااعرف شايله الرياجيل بس يشوفوج يتخبلون ويريدون وهو شكد صلف عيونه تريد تاكلج وتفشر وتصيح واني انظف والم وهيه تكولي ابطلج تكعدين وتسكتين بالبيت خلي ييجي احمد واني اعرف شتصرف
اجه عمي واستمرت تعيد وتسقل
اجه احمد نهدت بي هاي تالي زواجك من الزعطوطه ييجون يتخطبوهه منه ياابني النچر وتعض بااصبعهه ولك كتلك متفيدك انت وين وهيه وين بطلهه شمدريك ممصادقته وجايبه هيه كالت هيج واحمد نفجر كام يشيل ويكسر يصيح هرج البيت اني لميت هدومي ونزلت اركض همه مستمرين بالهوسه والعياط طلعت وركعت الباب حيل وابجي اتمشه وشفته للولد اجه يتمشى باتجاهي كمت امشي ع السريع وصلت لبيت جدي طبيت وركعت الباب تلكتني بيبي ها يمه شبيج حجيتلهه كالت خلي ييجي جدج ويصير خير تالي يتهمونه بشرفنه ،طبي سبحي وارتاحي يمه ونامي لتحركين بدمج
رحت اسبحت ودموعي تنزل حركتني حرك ياربي شمسويه حتى هيج يصير بيه قابل اني كتله تعال اخطبني طلعت من الحمام سمعت صوت احمد وبيبي يتناقشون وصوتهم طالع
بيبي تكوله مترجع وياك والله مااخليك تاخذهه تالي شيباتنه تجي امك تتهمنه بتنه مصادقه ع رجلهه
هو يجاوبهه حجيه حكج بس اني مرتي احبهه وماقبلت ع امي والله وتعاركت وصعدت ادور عليهه ملكيتهه ظليت اركض مثل المخبل شوكت طلعت وجيت هنا كلت شكولكم بتكم.نهزمت من ضيم امي
ابني هذا الحجي ميفيد ييجي جدهه وتفاهمو اما ريم متطلع من البيت
حجيه بس احاجيهه نزل ع ايدهه يريد يبوسهه بيبيتي حظتنه وجرت ايدهه وكالتله يمه لتسوي هيج اني طبيت وجهي احمر من البجي كتله احمد اجه يركض عليه وحضني ويبوس براسي بايدي حظنتهه حيل وظليت افرفح بحظنه بيبيتي طلعت وست الباب علينه اني جنت بالبرنص والخاولي ع راسي
ياعمري شلون تطلعين بدون متكوليلي والله ظليت مثل المخبل ادور عليج وكلبي احترك.
احمد تعبت قابل اني سحلت الرجال ورايه وامك تتهمني
حقج ع عيني وراسي واجي اني وابويه نبوس راسج بس لتعوفيني ريم والله اموت
ماارجع
لج اروحلج فدوه مااكدر بلياج
اني هم مااكدر بلياك وحظتنه
ابتعد عني قرب شفته ع خشمي وباسني وع المسافه اللي بين شفتي وحلكي ويكولي كومي رجعي ويايه مااكدر بلياج همس يحجي
لزمت وجهه بين ايديه بسته جنت عبالك واحد يركض بصحراء ولكه كدامه مي يشرب وميشبع
هو تخبل عليه يبوس بيه من مكان ويحضن راد يتقربلي كتله احمد مو هنا بييي عيب بعدت عنه جرني بحضنه بلهفه وشوك لتحرميني منج
هسه ييجي جدو كمت لبست الروب وهو عدل هدومه كلي تعالي ويايه للبيت
اني اريد اروح بس مااريد اكسر كلمة بيبي بس هو خطيه ماله ذنب حظتنه حبيبي بيبي متقبل
ياعمري راد يحجي وسكت كال يصير خير اني انتظر جدح مااروح
كيفك
راحت ع بيبي
بيبي ميقبل يروح يكول انتظر جدج
يمه اخذي وروحي
ليش بيبي
يمه انتو واحد ميكدر بليه الخ رجعي والله يهدي امه اني باجر اجي احاجيهه
افتهمت بيبي سامعتنه صرت بنص هدومي فشلت بعد مااعرف شحجي
رجعت عليه كمت احجي عليه
بيبي سمعته خزيتنه والطم ع زجهي خفيف
هو يكول قابل بايكج مرتي زاذا مبستج
اويلي بستج احجي ويا بصوت ناصي هو احنه كلشي سوينه
قابل تقربت ياعيني هيه بس بوسات
عايزه احمد افندي
ظل يداهرني ويفت بيه واني فشلانه من بيبي واستحي اروح يمهه
اجه جدو وبيبي حجتله واحمد كاعد وشتحجي بيبي يكولهه حقج حجيه وامسحيهه بوجهي
يمه الى متى البنيه يتيمه يمه وحرام عليهه
جدي كلش ضاج بس محجه شي ظل ساكت راح للارفه صاحني ..ريم
نعم جدو
حبيبيه احجيلي الصار
حجيتله كلشي ،كلي تريدين ترجعين لو تبقين نزلت راسي
حبيبه اني مااقبل باهانتج ومراح ارجعج الايجيب امه وابو يبوسون راسج
كتبه كيفج جدو
رجع ع احمد كله تجيب امك وابوك يعنذرون غير هيج البنيه طلكهه مو تالي عمرنه تتهمون بنتنه
احمد ك
حيل انقهر وطلع ظل يدزلي رسائل كتله راح انام تصبح ع خير
وانتي من اهل الخير قلبي
حسيت ساعه 2بالليل احمد ديتصل
الو ها حبيبي
نايمه
اي لعد شسوي
كومي فتحيلي الباب
شنوو!!!
دكومي شبيج متت برد
صدك لو تشاقه
انعل بليس دتتحركي
كمت اركض شفته صدك واكف يم الباب وبيده جكاىه شافني طفاها واجاني فتحت الباب
ظل يحظن ويبوس عبالك صارله سنه مشايفني
حبيبي شجابك بهاليل
من وراج صرت مثل المراهق اطلع تالي الليل دا اشوف مرتي
ديله شفتي روح
باع هاي ،اني بيات اليوم
دروح احمد شبيك هسه اذا يكعدون بيبي وجدو يشوفوك
ايباخ ع اساس مفوته صاحبج مو رجلج يله حبابه فوتي سويلي طريق
اني اكمز بالطرمه واعض بااصبعي
فات للاستقبال قبلي وكلي فوتي عاد جرشنه
فتت واني مسطوره من تصرفاته
رحنه لغرفتي قفل الباب واجاني مثل العريس ونمت بحظنه وهو هم نام حسيت الصبح اريد اروح للمدرسه جرني وكلي غيبي
وانت
اني هم اغيب
لل12 يله حسيت كعدت مثل البايكه بوكه وضامتهه لاحد يشوفهه شفت بيبي بالمطبخ صبحت عليهه كلتلي عبالي داومتي
لا بيبي مالي خلك اساعدج بشي لا يمه كملت كلشي حروح اتمدد بغرفتي
اي بيبي ع راحتج ،طبت وطبكت الباب ركضت لغرفتي طلعت احمد وهو يكولي بوسه واروح فركت حلكه بيدي وكتله كافي عاد
بسطه ريومه
اقلد عليه وادفع بي حتى يطلع طلعته عبالك هم وانزاح صح هو زوجي بس احس مسويه شي غلط
فتت للمطبخ رفعت عيني ع الشباك مال مطبخ لكيته بوجهي لطمت ع وجهي كلت صخام وجهج ريم شرجعه هذا..