توفت بيبي ونكسر ظهري بوفاتها صارت فاتحة بيبي وفرفحت مخليت دمعه مبجيتها حسيت نفسي وحيده بعد اذا يصيرلي شي منو اليه منو يحس بيه منو يكولي شبيج يمه خلصت الفاتحه واني احس كلش ماله طعم افتر بالبيت واشوفها بكل مكان حتى ريحتها اشتمها بالغرفه امشي بالبيت وابجي اعمامي وعماتي كلمن راح لبيته اني الحياة يمي توقفت اجه ياسر عليه حظني ظليت ابجي وافرفح بحظنه
ياسر حبيبتي الله يرحمها مره حبيره وتعبت ادعيلها قلبي كافي الخاطر اطفالج
ريم هزيت براسي بأي
ياسر يلا ام محمد لبيتنه الجهال خطيه
لميت غراضي وطلعت من البيت وقفلته ظليت ابطريق كله ابجي احس بوفاة بيبي وجدو صدك تيتمت اكثر من يتم اهلي لان ملحكت عليهم رجعت لبيت اخذت اطفالي بحظني وابجي وادعي ربي ليحرمني منهم ولايعيشون عيشتي
اجتي ام ياسر لغرفتي خاله ميصير هيج تسوين جهالج الهم حق عليج زوجج بنتي ادعي ربج برحمه صليلها اقريلها قران
ريم ان شاء الله
ياسر جر ويايه اسبوع زين لان حالتي النفسيه كلش تعبت بس جنت الخاطر اطفالي اقاوم عدت الايام كلش عاديه شغل ودراسه واطفالي وكل شخص رجع لطبايعه ويايه سواء ام ياسر او ياسر
وخصوصا ياسر حيل استقوه عليه لان بعد مالي احد كل حجايه احاجي يغلط ويسب جنت ابجي بس شبيدي مرات اتعارك ومرات ازعل بس هو ولا يهتم امه ظلت تغث بيه ومجازت من حالي ابد
مره كعدت بالليل عطشانه سمعت ياسر يحجي بالغرفه الثانيه ظليت واكفه وره الباب اتسنط عليه
ياسر شنو اسمج انتي يامواليد ههههههههه يعني عمرج ٢٦
ماادري شلون حس بيه حاول يختصر الكلام وياها وفتح الباب لكاني وره الباب
ريم لهنا وكلشي انتهى بيناتنا
ياسر لج انجبي طايحة الحظ اكلي ×××
ريم ظليت ابجي وكعدت بالكاع ظل كاعد يمي ويباوعلي واني ابجي ريم ليش هيج شسويتلك ولك اني مالي غيرك المفروض تحتوني تداريني شنو سويتلك وهيج تجازيتي بالخيانه
ياسر تره انتي هوايه طوختيها يعني اني دااتعرف عليها مجرد صديقه قابل شفتيني دااريد اتزوجها لو نمت وياها ع فراشج
ريم كمت من الكاع نمت ع القنفه وانطيته ظهري وابجي
ياسر كومي لج يلا كدامي
جرني من هدومي ودفعني لغرفة النوم واجه نام بصفي انطيته ظهري
ياسر اذا اسمع حسج تبجين اكوم ادفنج وانعل ابوج لابو الخلفج
ريم سكتت وبقلبي اكول حسبي الله ونعمه الوكيل بيك عساها بحظك وبختك سمعته نام
شبعت بجي لحد.مطلع الصبح مغمضت عيوني
كعد الصبح لبس هدومه وطلع للدوام كمت اني طلعت حركتي بالشغل ابجي واشتغل واجلف من كل قلبي تالي متحملت رحت كتلها لامه خاله اريد احجي وياج
ام ياسر كولي
ريم خاله ياسر سمعته يحجي ويه بنيه البارحه بالليل
ام ياسر يعني هذا ميجوز من سوالفه ادعيله الله يهدي
ريم هاله اني محروك قلبي ابنج ديخوني
ام ياسر ميخالف عود احجي ويا
كمت من يمها واكول حسبي الله ونعمه الوكيل
بعني شسوي لا عندي عمام بيهم خير قاطعوني علمود البيت طلعت للطرمه ابجي بيبي ليش عفتيني جان هسه اجي يمج وين اروح كوليلي لج بيبي يامي ليش خلفتيني لو ميته وياكم ولا هالعيشه
اجه ياسر من الشغل طب كالب خلقته هو ابو الحق عليه صار مجبوره احط ع الجرح ملح واسكت تذكرت احمد وبجيت ومن كل قلبي كلت اريد حوبتي بامه من فرقتني منه واشهك وابجي
ياسر كافي ياعيني والله غلطه ومتتكرر
ريم ياسر شنو الغلطه ومتتكرر ليش هيه هايه اول مره مو كل مره تكولي غلطه ومتتكرر لك حرام عليك اني ردت افتح صفحه جديده وياك ونعيش والله رحم بحالي ورزقني منك اطفال ثنين لك خاف الله بيهم بس فهمني بشنو قصرت وياك ليش تحب الزبل هذني لو شريفات ميحجن ويه رجال متزوج بنصاص الليالي
ياسر دكافي عاد اسكتي مو كتلج متتكرر
ريم سكتت حتى مااشمت احد بيه شلت جهالي وكتله اريد اروح لبيت جدي
ياسر هههههه وين عيني هو منو بي تروحين ع الحياطين كعدي عاد وسكتي لتظلين تلغين قابل اول وحده رجلها يحجي ويه غيرها
ريم متت من القهر من يكولي عليمن تروحين ويضحك بااستهزاء كلت لنفسي لتبجين ريم محد يستاهل اسكتي لخاطر جهالج (بس كان سكوتي اكبر غباء وخطأ ارتكبه بحق نفسي)
اطفالي كبرو وسوالفهم تخبل تنسيني كلشي داامر بي تخرجت من جامعتي وماكو تعيين فكرت افتح مشروع لنفسي بس ياسر مقبل صارت حياتي عباره عن شغل واطفال ياسر اغلب وقته بره البيت واذا طب للبيت يكون ع التليفون
حاولت كلش هوايه ويا اخلي ينطيني وقت من حياته جان دائما يختلق حجج حتى ميسولف ويايه او يعوف الغرفه ويطلع واظل احرك بروحي بيت بيبي او بيتي بعد مرحتله غير مره بس اطب تنفتح جروحي اعمامي وعماتي مثل اللي تبرو مني
فكرت بلكي اذا ارجع البيت يحنون عليه اخذت الاوراق وجهالي وكلت لياسر يوصلني لبيت عمي الطريق كله واني صافنه بالشوارع والعبره خانكتني اتذكرت مدريتي واحمد وبيبي وجدو كلشي مر كدامي مثل الفلم جانت بصظري عبره ومخنوكه بيه صرخه وحسره تهد جبال ع اللي شفته تعبت كلش وصلت لبيت عمي ودكيت الباب
شلونك عمو صحتك يارب بخير
ابو زياد خير شرايده
ريم جايه اسلم عليك عمي وعندي كلام وياك
ابو زياد فوتي
ريم عمو جيت ارجعلكم البيت واريدكم تحنون عليه عمي اني مالي غيركم
ابو زياد ليش شعجب بعد.مقشمرتي امي الله يرحمها جايه ترجعي
ريم عمو اني مقشمرت احد هيه من خوفها عليه رادت شي ضمان
ابو زياد وهسه ينو اللي تغير
ريم عمي اني مالي غيركم بهايه الدنيا رايده منكم تسالون عني كلشي يصير بهالدنيا اني مرجعي الكم
ابو زياد يصير خير ان شاء الله نحول البيت ومنقصر وياج هم ننطيج حصه
ريم اشكرك عمي الله ينطيك العافيه
طلت زوجته واولاده سلمو وشويه وكلتلهم بيتكم عامر ان شاء الله وطلعت
ابو زياد عود نتخابر حتى تحولين البيت
ريم ان شاء الله بس عمو مااريد ياسر يعرف شي
ابو زياد اي طبعا هايه امو عائليه
ريم اكيد لو عرف ياسر مراح يخليني انطيهم البيت والله يموتني ومينطيهم طابوكه (كل مااتذكر هذيج اللحظه اكول لو ميته ولا سويت هالقرار الغبي )
وره يومين خابرني ورحت حولت البيت وعرضو البيت و وزعو الحصص وانطوني جم فلس يعني حتى متساوي حصة بنيه بس سكتت وبعد مشفت وجهم كلهم وظليت اعض اصبعي ندم اني عبالي اشد ظهري بيهم بس طلع ماعندي ظهر لا زوج بي خير ولا اهل بيهم خير كلشي خسرت
ام ياسر شدت حيلها عليه وعركه شكبرها ع اتفه شي من لاشي تسوي هوسه
انتظرت ييجي ياسر
ريم اني بعد مااكعد هنا اعزلي او تطلعني
ياسر اشو تلغين لغوه فارغه هوايه
ريم ياسر تعبت من المشاكل الى متى كل كلشي تتعارك شنو سويتلها بس اريد افتهم
ياسر منين اعزل مو تعرفين الوضع
ريم اني انطيك
ياسر منين
ريم باعو البيت وعمي انطاني فلوس
ياسر شكد انطاج
ريم ياسر فدوه اروحلك اعزلي
ياسر يصير خير
ريم صدك وراها كال لامه راح نعزل وكلبت الدنيا متعزل واكلب الدنيا وتالي وكتي ياابن بطني تعوفني
حسبي الله بيج يا رويمه عندج ولد وعساها ربج يضوكج وتجي وحده تاخذه منج فوك مارضيت بيج يالمطلكه
كلت حسبي الله ونعمه الوكيل جنت كل متصير مشكله احسب ع ام ياسر وام احمد لان بسببها كلشي صار لو حابتني ع محبة ابنها جان هسه اني اسعد انسانه بالدنيا جان رجال بكل معنى الكلمه مفد يوم جرحني مفد غثني يحبني من كل قلبه وميخوني مثل ياسر
بنينه بالحديقه غرفتين ومطبخ وصحيات ومن عندي اثثت جان ع كل حاجه اطببها تخزر عبالك بايكهوالخزينه مالته وتجي تخزر وتروح اني رجعت طبيعيه وياها مهما كان ام زوجي وبيبية اطفالي وره معزلت ارتاحيت نوعا ما جدري وحدي ثلاجتي غراضي ممجبوره انظف ممجبوره اكل اكل مااحبه بس جانت الفجوه اللي بيني وبين ياسر تكبر اكثر اشتره بلي ستيشن ويسهر للفجر وينام الصبح واني احرك بدمي اذا احجي ابتلي بس حاجته ييجي وره ميخلص يدير وجهه ويلزم التليفون او يشغل البلي ماعده يتعمد من احجي ويا يغلس واني جنت اسكت وادوس ع نفسي علاقته ويه اطفاله كلش حلوه يحبهم كلش خصوصا فرح وهيه لوتيه تعرف شلون تحببه بيها تتلكى وتكوله بابا حبيبي وهو يتخبل عليها
ريم شنو تخسر اذا عاملتني بحب
ياسر والله انتي بطرانه
ريم ليش بطرانه لان دااطب اقل حق منك انه تهتم بيه
ياسر اهوووو ساعة السوده يوم اللي شفت وجهج اللي يبجي
ريم ظليت جارعه المر وساكته لخاطر اطفالي
أنت تقرأ
اوتار حزينه
Romantizmالحب جميل ولكنه أحياناً يكون أصعب من الموت عندما تحب من هو ليس لك، أو عندما تحب ولكن النصيب يحكم ويفرق
