اوتار حزينه

البارت الحادي عشر

اوتار حزينه
بقلم M.M
جريت جنطتي وكمت الم هدومي وهو يضحك عباله اتشاقه
شلت التليفون اتصلت ع جدو وابجي ،شلونك جدو بيبي شلونهه
الحمدلله حبيبه انتي شلونج احمد.شلونه
الحمدلله ،جدو تكدر تجي تاخذني
صار حبيبه خوما صاير شي
لا جدو فدوه لقلبك كلشي ماكو ،بس مشتاقتلك
صار ياغاليه المغرب امر عليج.
ان شاء الله جدو مع السلامه
الله وياج بنيتي
احمد جان متمدد ع الجربايه كام اجه عليه.كملتي مسلسل الدرما
ابجي واحجي روح اتزوج حقك عيني اني شنو زعطوطه.مااناسبك مو.كل الناس دتكول احنه منتناسب جرني بحظنه واني زدت بالبجي
ياعمري اهدئي شويه دا احاجيج شارلني واخذني للجربايه وكعدني وكعد كبالي جر كلينكس ويمسح دموعي ويكولي اهدئي بس احاجيج ،سكتت ومنزله راسي
حبيبي اولاً اني رزلتهه لمديرتج وكتلها مستحيل اتزوج ع ريم
صدك حبيبي
اي والله ياعمري اني ماابدل اظفرج بوحده
احجيلي بالتفصيل ولتحرك كلبي
حبيبتي هيه مو كاتلج كالت معجبه ومدري شنو.
اي
اني كتلهه ست اعذريني اني مااكدر
كالت ليش تخاف من ريم.
كتلهه ريم مااخاف منها بس احبهه واحترمها
كالتلي عدهه حظ صرت نصيبهه
اي وانت شكلتلهه ياعمري كتلتهه اني محظوظ بيهه مو هيه
اي
اي وهددتهه اذا تاذيج.اوتضوجج سجلت حجيهه كله ع التليفون
كفوو والله ،عفيه عليه حبيبي
بس ريم اني انقهرت يعني تتصورين صدك اروح اتزوج عليج يعني مشفتي تشلون وكفت بوجهه امي وعفت البيت وطلعت ليش هيج تسويين
اسفه حبيبي
سكت وتمدد ونام
هدئت شويه وكعدت طلعت كتبي واقره للمغرب صاحتني نور حماتي
ريم جدج اجه عليج
عززه اني نسيت اكوله مااجي ،نزلت اركض عليه شلونك جدو شلون صحتك حبيبي
بخير حبيبيه يله اتحضري دنروح
هسه ،صعدت فوك.كعدت احمد كتله حروح لبيت جدو ك
،طفر من مكانه
ليش ريم.مو كتلج رفضتهه
حبيبي والله فشله جدو ييجي واكوله مااجي تعال انت هم يمي بات
ماشي بالليل امرلج
اوكي حياتي،اخذت بجامه وهدوم المدرسه وجنطتي ورحت سلمت ع بيبي وكعدنه نسولف سالتني خيرج يمه مو ع بعضج
سولفلتهه ع المديره
بيبي كالتلي ولج لتصيرين ثوله حافضي ع رجلج انتي وحيده ومالج غيره لتضلين تتزعليه وجرين بنفسج تره الرجال يمل
بيبي حقي
يمه حتى لو حقج الرجال ينفر من المره اللي تتزعل وتغار هوايه غاري بالمحدود مو اي شي يصير تلمين چويلاتج وتركضين
تصالحنه بيبي
ميخالف يمه جيتج غلط
المفروض تضلين يمه ومتخليلهةمجال يفكر بوحده غيرج
بيبي اني تعبت امه لاجه ع موضوع الخلفه مديصير هو معاند ميقبل يروح يشوف شنو اللي بينه ومنا سالفه المديره وقرايه وتعب
اووف يايمه والله گلبي ماردني عليج نحرمتي من امج وابوج قبل لتصيرين 7سنين وشفتي ضيم ظلايم كلت بلكي تتزوج ترتاح
بيبي اني مرتاحه وياا حباب ويحبني ومدللني بس امه والناس كلهه شايفته حسافه بيه
يمه رجلج حلو وشهاده وموضف ومدللج ويحبج انتي متشوفي شلون يباوعلج عبالك اعمى من الناس ومن يمج مفتح والله يمه لو بيده حتى ع الكاع ميخليج تمشين اني مو اشوفه
كيفت صدك بيبي
اي والله يايمه حتى بنات عمومتج كلهن حاسداتج عليه من نكول عليج خطيه يتيمه يكولن شبيهه خطيه عدهه رجال يسوه الاهل والعشيره ،يمه شماتج هوايه لتركين مجال لوحده تاخذ رجلج منج ،لا تسويلج زعله وتطلعين ع اي شي يصير خليج بيتج واسكتي وتحملي لتسوين سوالف مال جهال ولج ريمه لتخسري
ادري بيبي يحبني واني هم احبه تدرين بيبي هو.متقربلي الا وره 3اشهر
شفتي يمه يا جال يتحمل مرته يمه ومييجيهه شفتي شكج يحبج
حافظي عليه يمه
صار بيبي
خابري وارجعي ويا
هو.هسه ييجي وارجع
عمتج بعدهه نفس اللجه مالتهه وياج
لا صارلهه فتره دتطلع وترجع الظهر تنام
الله يهديهه عليج ويحنن كلبهه
يارب ظلينه نسولف شويه وندكت الباب
رحت ركض فتحت الباب اجه لابسه تراكسود جوزي طالع يخبل عبالك اول مره اشوفه حظنته حيل
شبيج حبيبتي
مشتاقتلك
باس راسي ونزلني
طب وسلم ع بيبي وجدو
واني وبيبي حضرنه عشه وتعشه ويانه وظلو.يسولفون هو جدو ع السياسه واحد يرفع واحد يكبس وره ساعه كال اترخص اني جدو كاله ابقى بات
يطول عمرك حجي بيت عامر والله عندي دوام باجر اني محضرنه نفسي لبست عباتي الاسلاميه وركضت قبله هو.باس راسي بيبي وكالهه محتاجه شي حجيه
اريدك سالم يمه حبيبي هاي ريمه بعدهه صايره لتنقهر منهه
حجيه هاي بنيتي ماازعل منهه والله عبالك معجونه ويه كلبي
ربي يرزقكم بالولد الصالح وينطيك ع كد نيتك وليدي
طلع من الباب لكاني بوجهه
هااا !!!
شو.هاا ارجع وياك
هو.عبالك طار وجهه كام يضحك ركبنه السياره وطلعلي اغنية كل اللي فات مال تامر حسني ويغنيلي ويا ويكولي شيبتي كلبي بعشكج وفرني بالافرع مال منطقتنه واشترالي نمنمات ورجعني سلمنه وصعدنه كعدت اكل واباوع تلفزيون كلي بعد تقريبا اسبوعين عيد زواجنا
انداريت عليه كتله حبيبي ان شاء الله طول العمر نبقى سوه حمودي اذا صرت مريه جبيره راح.تظل تحبني
ريم راح ابقى احبج ووياج طول عمري بس من اموت تكولين احمد عافني (مجنه نعرف الدنيا شضامتلنه من قهر)
اسم الله عليك من عمري ع عمرك ياروحي لتجيب طاري هيج.موضوع اروحلك فدوه
حظني ظل يتغزل كالعاده لحد منمنه وثاني يوم دوام واستمر الاسبوع عادي المدريرهوكل متشوفني تخزرني بس متحاجيني لان احمد.مهددهه بتسجيل الصوت
امه كفت عني فتره ورجعت انكس الصياح مالتهه.والنتر عبالك.خدامه بيت جدي اروح الظهر يمهم وارجع بالليل وبنات عمي مغثتنهن متخلص عبالك بايكته لاحمد صار عيد زواجنه وهالمره طلعني بمطعم وجابلي سوار بي اسمه واسمي ومسوي نفسه رجالي لابسه هو
احمد.جان بالنسبه اليه مثل الهوه مااكدر بدونه جنت احمد ربي واخاف من نفس العالم عليه بدت الامتحانات وجان حبيبي يكعدني يدرسني مثل الادب من يدرسني مثل الاب لبنته جنت اعوف الدرس واصفن عليه اكول ربي اني بحلم لو صدك هذا زوجي (وياريت جان هذا حلم ومكعدت منه ) هاي حجاية ريم من حجتلي قصتهه جانت هايه اكثر جمله تكولهه

جان يغمسلي ويكولي هاا اشتاقيتي
ابتسم واكوله شكد متستحي
يكرص خدي ويبوسه ويرجع يدرسني
شكد جنت اقصر ويا بايام الامتحانات بس ابد مجان يحجي بالعكس جان يتحملني
تالي الدنيا انطتني كفخه وطلعت دلال احمد من خشمي ...