اوتار حزينه

البارت الثالث

اوتار حزينه
بقلم M.M
الطريق كله امي تنافخ وجهه ع الشباك متباوع عليه
وصلنه خيرج يمه شبيه البنيه امي كبت عليه جان هدوء ماقبل العاصفه

لك انت من كل عقلك تريد هاي الزعطوطه ع شنو متكولي ع شنو اشو طول بعرض وشهاده عايف البنات اللي بعمرك واللي ماخذات شهايد مثلك وتريد هايه
يوم شبيها البنيه متكوليلي وبعدين ياشهايد هاي اللي دتحجين عنها شنو قابل البنيه مبطله مو دتكمل وهسه يصبر عدها شهاده حالها حالي

يااا فدوه الاالله تريد تاخذ الزعطوطه وتكمل عندك ومتخلفلك والله شنو دا اكمل وانت مثل الحمار وراها
خلف الله عليج اني حمار
ولك لتخبلني شفت بيها حتى جسمها مال زعاطيط
اني عاجبتني يمه قابل انتي راح تنامين وياها لو اني
اني كلت لو امي تخبلت وتعيط وتلطم واني صافن ع شنو
كول عاشكها يابن بطني امداني وامده بطني الشالتك

غير افتهم شمسوي واذا معاشكها مو دتكوليلي رجال طول بعرض

لك لتخبلني معاجبتني محلو مااريدهه شتريج فكر مااخذلكياها يااحمد لو.تنكلب الدنيا
كتلها براحتج يوم هاهيه عفتها وصعدت لغرفتي مدري اخابرها مدري لا بس شكوللها فوك ضيمها ازيدها اني ممكفيها عمومتها اووف ياريم لو ادري هيج يصير فلا احبج ولا اورطج كامت تنزل دموعي
مااحس الاندفرت الباب واني ايدي ع راسي

يبوو كاعد تبجي ع الزعطوطه ولك يمه شبيك ساحرتلك
تخبلت ع امي كتلهه يوم شبيج متكوليلي شنو ساحرتلك دا اكولج احبها وين شايفها دتسحرلي
لعد منطيتك نفسها وخايف ع عارها زدت بالصياح لج يوم خافي الله عندج بنات لج يوم يتيمه حرام عليج الدنيا جارت عليها واخذت اهلها لتزيدن انتي يمه الرحمه حلوه ياامي
بعدها مجتي تكوليلي رحمي بحالها شحال لو.تجي هنا يمكن اشكال تلفق عليه وتجي تعاركني علمودها مو ياابن بطني يوم.اذا اتزوجتها مااكعدها يمج بس كولي اي فدوه اروحلج يمه اني اكدر اتزوجها بدون متجين بس مااريد اسوي هالشي اني عندي راتب وعندي بيت
هااا لام السحوره تكعدهه بيت وحد خايف ع مشاعرها مووو
عفتها وطلعت للشارع احس الدنيا ضاكت عليه صار الليل والتليفونات تركع عليه واني مااجاوب اتصل ابويه كلت خطيه مااحرك.دمه وعنده ضغط جاوبته ها يابه ها ابني وينك يابه يم جماعتي واسمع امي تكوله هاا يمها لام السحوره بعدها مجتي خلته يطلع وميرجع
ابويه يكولها سكتي يامره حرام عليج هااا حرام عليه عاد كتله يابه هسه جاي وسديته
طبيت للبيت وكفت امي بوجهي تريد تحجي كتله ابوس رجلج عوفيني بحالي ابويه اشرلهه سكتت وعافتني صعدت والوب اريد اخابرها بس شكوللها حطيت راسي ونمت وكل شويه افز

ماعرف ليش راحت ام احمد وجانت نظراتها ماادري شلونها يجوز هيه هيج طبعها واحمد متصل ظل بالي وعمي اجه مااكدر اطلع التليفون ليوين يلا راح ظل بالي جنت نعسانه وعندي دوام الصبح نمت

كعدت الصبح راسي صاير طبل بدلت وطلعت لدوام صاحتني امي تعال تريك كتله مااريد
لتريد ياابن بطني سهله
بالدوام كوه اتعامل ويه الموضفين نص الدوام رجعت وصعدت فوك نمت

بالمدرسه جنت كوه اركز ع الدروس ظل بالي ع احمد ليش مبين من البارحه رجعت ع السريع للبيت حتى منتظرت البنات
طبيت للركض ع التليفون عبالي متصل لو رساله دزيتله حبيبي وينك.ظل بالي مشتاقتلك

متمدر وصلتني رساله فتحته شبعت قهر اووف يابعد عمري بيا وجه احاجيج
اتصلت وكلبي يدك ع السريع جاوبتني هلوو احمد شلونك كتله الحمدلله انتي شلونج يابعد روحي
شبيك حبيبي شو صوتك مو ع بعضه 
مابيه شي حبيبي شويه تعبان
لعد روح ارتاح وبليل نتخابر
ماشي قلبي
الله وياك
باي
رحت عسلت وتغديت وبالي يمه ماعرف شبي عبالك مخنوك ان شاء الله ماكو شي
ردت انام مكدرت حسبه توديني وحسبه تجيبني نزلت كعدت جوه جتي امي كعدت كبالي كالت احمد
نعم يوم
حبيبي اخطبلك اغات اغاتها والله متناسبك صغيره وبعدها تدرس وجسمها مال زعاطيط
يوم فدوه اروحلج انتي حتنامين وياها لو اني شعليج بيها اني اريدها
واني مااريدها احمد
لتريديها يوم اني هم بعد متشوفيني هنا
صعدت اخذت هدومي ورحت حجزت بفندق وكعدت التليفون احترك بالاتصالات واني مااجاوب قفلته ونمت شويه
ردت ادرس مكدرت ظليت افكر باحمد اكيد امه مرادتمي وهيج ديتهرب مني كمت صليت ودعيت ربي فدوه لسمك اللهي اني مالي غيرك اطلب منه فدواتك ربي حرمتني من كلشي لتحرمني منه وكمت ابجي ويه كل كلمه انطقه دموعي تنزل وتجوي وجهي وتحرك كلبي صح هو مكلي شي بس حسيت خلصت صلاة ورحت نمت شويه واخذتني النومه لل2بالليل كعدت حتى عشى متعشيت كمت سويت لفة جبن ولزمت التليفون ماكو ممتصل
كلت هاهيه يجوز ربي بعده عني كلشي قسمه ونصيب عقلي جان يحجي شكل وكلبي يبجي عليه يريده بس كلت خلص باجر اكسر السيم كارت واشتري جديد
خلصت امل ورحت نمت

ماعرف ليش متصلت عليه ظليت من ل11لازم التليفون وصافن ع رقمها وابجي اني قافله وماعدها سبب مقنع ظليت لحد صلاة الفجر جكاره وره جكاره خلي اخابرها واكولها
لزمت التليفون واتصلت

جان التليفون جوه راسي هزاز حتى من يتصل احس عليه من تعرفت عليه هيج كمت اسوي شفت رقمه باوعت ع الساعه كلت شنو.هسه تذكرني جاوبت الو  الو